احتاج رائيكم .. كيف انفع مجتمعي ؟؟

[عكيشه]

[mark=#FFFF00][align=center]السلام عليكم ورحمه الله وبركاته ..


اخبااركم؟؟ عاملين ايه؟؟



انا بقوولكم وضعي وابي رايكم واقراحاتكم ..

انا طالبه ضاااع من عمري في الثنويه 5 سنوات ..
والسنه هذي تخرجت بنسبه في الحضيض مع احترامي لكم ..


نسبتي بالمعدل التراكمي 62.88
درجه القدرات .. 70
درجه التحصيل .. 60


كنت اتمنى ادرس واجيب نسبه بس عشان ادرس طب
كنت اتمنى اتخصص لعلاج مرضى السكر او مرضى القلب
او قسم جراحه او طب طوارئ ..




يمكن تستغربوون ان في بنت تفكر بذي الاقسااام..
بس اقسم والله وبالله وتالله ان نفسي بذي الاقسام لأسباب ..


الاول: كنت ابي اتخصص بعلاج مرضى السكر بس عشان اعالج المرضى الكبااار واولهم
جدتي وجدي رحمه الله بس كتب الله ان يموت جدي قبل 3 سنوات
وابوي جاه السكر قبل سنه ونص وانا السنه ذي تو اتخرج من الثنويه ..



ونسبتي زي مانتو شااايفين .. الحمدلله على كل شي ..
الثاني: ابي انفع مجتمعي .. !!


بس انا ابي اقولكم على شي انا فكرت اسجل بمعاهد صحيه ..
ادرس تمريض او صيدله او اي شي انفع فيه مجتمعي كأنسانه قبل مأكووون مواطنه..


لاتستغربون تفكيري .. اقسم بالله العلي العظيم ان من كثر ماأنا اتمنى انفع مجتمعي بشي


مره من المرات سمعت ان في ولد طفل يحتاج لكليه في الرياااض وأستأذنت أبوي وأمي أني اتبرع

لهذا الولد .. وشاافوني متحمسه وأتكلم بجد .. قالو تبرعي اذا انتي بخاااطرك تسوين ذا الشي..

بس اللي حصل ان انا ماعرفت اجيب رقم اهل الولد ..


شوووفو ادري انتو بتقولون لي مافي ولا جامعه بتقبلك ولا معهد ..


بس انا راح ادرس انقليزي عشاان اتعلم ..وراح ادخل تحفيظ قران عشاان ربي يفرجها علي ..
حتى دايم اقووول ياربي متى ادرس ويصير عندي مكافأه او اشتغل ويصير عندي راتب
بس تدرون ليه انا أقووول كذا ؟؟ أقسم بالله العلي العظيم أني أبي الفلوس عشاان أكفل يتيم وأربيه..
يمكن تقولون طيب اطلبي ابوك فلوس واكفلي ..
انا ابي تطلع الفلوس من شقاااي انا من تعبي..

لان احس ان بالثنويه ضاااعت سنين وانا ماتعلمت ولا افدت لاديني ولا مجتمعي ولاحتى نفسي..




اسفه على الاطاله .... انا احتاج منكم ارائكم ..

شنو الشي اللي ممكن اسويه وينفع مجتمعي ...





انا اسكن الشرقيه ..
علموني على معاهد وا جامعه او كليه ممكن تقبلني بقسم انساااني واتوقع انتو فاهمين شنو انسااني..

تحياتي لكم ..
طموح منكسر .[/align]
[/mark]

[MnooooR]

الله يوفقكـ إن شآء الله والله مدري أيش أقولكـ غير إني رآح أدعيلك
وخلي أملك بالله كبير
أتمنى من اللي يقدرون يسآعدونكـ يسون اللي يقدرون عليه
الله يوفقك أنآ رآح أدعيلك

[Nice Shine]

الله يوفقك يارب ,,

انا اعتقد ان المعاهد الأهليه ممكن تقبلك .. تمريض او علاج طبيعي !

انا هم راح ادعيلك والله يوفق لك اللي فيه الصالح لك

[راجية عفوك ربي]

وعليكم السلام ورحمة الله وبركآتهـ..

ماشاء الله عليك بصرآحه عجبني تفكيرك عسى الله يوفقك لدروب الخير وطاعته ورضـآهـ ..

وان شاء الله ربي يعطيك على قد نيتك وسبحان الله مدام تفكيرك بالخير ونفع الناس ان شاء الله ربي يسخر لك القسم اللي يناسبك واللي فيه تحققين اللي تبينه ان الله يرزق من يشاء بغير حساب..

((شووفو ادري انتوا بتقولون لي مافي ولا جامعة بتقبلك ولا معهد ))

>> ليه هذا الكلام خلي ثقتك بربي اكبر من كذا من يتوكل ع الله فهو حسبه

لاتحطمين نفسك بنفسك وان شاء الله بتنقبلين وزي ماقالت فروح المعاهد

الاهليه في مجال كببير انك تنقبلين بس خلي اصرارك اكبر من كذا حتى

الجامعات الثانيه قدميها عليه انتي مو خسرانه شي وزي ما قلت لك ان الله

يزرق من يشاء بغير حساب

اسـآل الله ان يزرقك ما تتمنيه ويشرح صدرك .. اتمنى هذا الرابط يفيدك >>


بدأ التسجيل في كلية الأمير سلطان للعلوم الصحية بالظهران بادروا بالتسجيل من خلال الرابط التالي :

http://87.101.146.202/Instructions.aspx


موفقهـ بـآذن الله ...

تحيآتي لك /راجية عفوك ربي