[ استفسار ] الحين وش مشيش الجامعه علينا ترانا باخر ترم ماله داعي تخربونه معنا

[المقرصة]

الحين من يقول اننا نعتمد بالمذاكره على اسئلة الاعوام السابقه اسئله الاعوام الماضيه كمراجعه هالترم اختلت الموازين انا مادري وش نرجي من وراء هالشهاده طبعا الجامعة مستفيده ماديا منا لكن حنا اغلبنا غير موظف ولاتقبل شهادتنا ولاباكمال الماستر يعني بلا تعقيد للامور والله انا ان شفت الامور به تعقيد ابنسحب باقل الخساير مع اني باخر مستوى ماله داعي ندفع رسوم على شي محنب مستفيدين منه انا ادري ان بعض منسوبي الجامعه مطلعين ورسالتي لهم على هونكم لو نقدر ندرس انتظام او نرجي وظيفه ماجينا لكم ولا مرينا من عندكم نبي بس شهاده جامعيه لااقل ولااكثر ولاحد يقول تحبطيننا هذا الواقع والواقع مايصد عنه.. اللي متكلين على اسئله الاختبار معروف انهم مايهمهم المعدل اهم شي ينجح .. ولايعمم سؤال غبي (تتكرر الاسئله ))على مئة الف طالب انتساب كثير منهم واغلبيه يبون الشهاده فقط مافكروا بالوظايف اللي ماحصلت للانتظام علشان تحصل لهم

[سعوووديه]

ترى بس كليه الآداب هي الضحيه واضح ان الدكاترة متفقين مع بعضهم.....لأن إدارة الأعمال ماشاء الله اختبارهم تجنن ويطلعون مبسوطين

[اروى.س]

محد نكبكم غيري اعتذر ��
دايم اذاكر ولا اناظر في الاسئله حقت الاعوام السابقه
الترم ذا قررت اني بس اذاكر الاسئله و صارت هالمشاكل
والله مابي غير السلامه و درجة النجاح

[المقرصة]

اخ بس ودي اقول لكل احد ينوي التسجل بفيصل يبعد ناس سجلت بعدنا بجامعات ثانيه قضت وتخرجت وحنا لسه والسبب ماعندنا اترام صيفيه لازم نروح الحساء يعني وش شايفين زود علشان يزودون الطينه بله

[اروى.س]

احس باحباط مش طبيعي شكلي بحمل كل المواد يارب يسرها

[المقرصة]

لاتحبطين ولكل مجتهد نصيب وان شاء الله تبي تعدي على خير باذن الله حنا ماهمنا تغير الاسئله تغير عادي لكن يرعى به الفروق الفرديه ويرعى به التنوع والشمول والوضوح حنا انتسااااب انتساب مو انتظام انتساب عندنا التزامات ثانيه الموظف واللي ام وووو يعني يراعى هالجانب

[*سوسن *]

ي ااااازينك ,, يالمقرصة :)

[Ghaida2011]

والله كلامك صح وعين العقل اما موضوع تكرار الاسئله هذا الموضوع ماخوذ خيره الله لايسامحهم ولاهم ولاجامعتهم الي ماهو معترف فيها ع الاقل يسعوون شوي يحسنون ثقتنا فيهم وفلوسنا الي راحت هباااا جامعه ماحد معترف بها

[أم الحاكم]

ياختك مدري وش مشيشهم انا عندي 13 خطأ تهقون ناجحه