 |
|
||||||
| ملتقى الدراسات العليا و الابتعاث منتدى الدراسات العليا ; ملتقى يهتم بالدراسات العليا و كل ما يتعلق بها و نقل آخر أخبار القبول و التسجيل في الدراسات العليا في الجامعات السعودية و غيرها ، و نقل مواعيد و أخبار إقامة الرسائل بالخصوص في جامعة الملك فيصل و جامعة الدمام كليات المعلمين و كليات البنات التابعة لها.والابتعاث الداخلي والخارجي |
 |
|
|
أدوات الموضوع |
|
#1
2015- 5- 31
|
|||
|
|||
|
خلاص خلاص آسف ( مو لغة كفار )
خلاص خلاص أدري إن اللغه الإنجليزيه مهمه ..
أكلتوني بقشوري بالموضوع إلي كتبته من كم يوم .. أنا مو جاهل ترا ، أنا أعرف أتكلم إنجليزي بشكل جميل الحمدلله ، صارلي فوق العشر سنوات أروح محل أبوي ومختلط ويا الزباين ، لدرجة إني مستغرب من نفسي ماشاء الله ، وفوق كل هذا تعلمت اللغه الهنديه و الفلبينيه بشكل أكثر من جيد ، ما إتوقعت أبداً إني أوصل لهالمرحله الحمدلله .. لكن مو إني أدفع 80 ألف وأجازف بلغه لحد الحين ما أتقنتها !! علشان كذا من القهر قاعد أقول لغة كفار .. يكفي إن إختبار توفل لحاله معقد ، والدليل في ناس تشتري شهادات توفل .. أنا مو جاهل الحمدلله ، أنا أتكلم بالحق ، ناس تبي عربي وناس تبي إنجليزي ، ليش مايكون متاح الماجستير بالعربي بجميع التخصصات وبجميع الجامعات ؟؟ ، أعتقد مو عيب الواحد يآخذ ماجستير بالعربي .. وبعدين خلونا صريحيين ويا بعض ، إلي قاعديين يآخذون ماجستير ترا أكثرهم يبونها Showing وبس ، لأن شهادة البكالوريوس كافيه أصلاً .. على العموم .. أنا عندي شهادة إدارة أعمال ( إنتساب ) .. هل ممكن آخذ تخصص شريعه ماجستير ، يصير ولا لازم الماجستير تخصص إداري برضو ؟؟ .. أنا مضطر لأني أبغا أي شي يكون بالعربي و آسف لأني أزعجتكم وياي 
|
|
2015- 5- 31
|
#2 |
|
أكـاديـمـي ذهـبـي
|
رد: خلاص خلاص آسف ( مو لغة كفار )
ملاحظة صغيرة على كلامك.. الماجستير مو للمظاهر بس !! هذي دراسة زيها زي غيرها يعني بالذمة من بيتعب نفسه على دراسة وبعدين يعلق الشهادة بس على الجدار؟ هذي ترى دراسة جدية وهي تمهيد لدراسة الدكتوراة إذا درست بشكل جيد ...
|
|
|
|
2015- 5- 31
|
#3 |
|
أكـاديـمـي فـضـي
|
رد: خلاص خلاص آسف ( مو لغة كفار )
الماجستير تقدر تاخذه من التخصصات الي تابعه للكليه يعني اذا تخصصك تربوي تكمل الماجستيرفي احد الاقسام التابعه لكليه التربيه وهكذا قيس ع باقي الكليات حسب علمي وتخصصاتها
غير كذا اتوقع حاليا مافي تقديم ماجستير انتهى التقديم اتمنى اكون افدتك واذا لقيت تقديم ماجستير في احد الجامعات لم يبدا اتمني تخبرنا او يوجد فتره ثانيه او الترم الثاني |
|
|
|
2015- 6- 1
|
#4 |
|
أكـاديـمـي فـعّـال
|
رد: خلاص خلاص آسف ( مو لغة كفار )
[quote=جلنار*;12492637]الماجستير تقدر تاخذه من التخصصات الي تابعه للكليه يعني اذا تخصصك تربوي تكمل الماجستيرفي احد الاقسام التابعه لكليه التربيه وهكذا قيس ع باقي الكليات حسب علمي وتخصصاتها
معناته صعب أكمل شريعه ؟؟ |
|
|
|
2015- 6- 1
|
#5 |
|
أكـاديـمـي مـشـارك
|
رد: خلاص خلاص آسف ( مو لغة كفار )
ع كلام واحد درست عنده انجليزي
كلامه بالحرف الواحد من اخذ دكتوراه في اللغة الانجليزية قاعد يدرس ويتعلم لابد من هذا سالته ليه وشلون وهو دكتور قال اللغة الانجليزية معقده جدا في قواعدها وكلماتها الكلمة الوحده لها اكثر من 100 معنى ولها نطق متساوي مع كلمات كثيره تشبهها في النطق وتختلف في المعنى والكتابه عكس العربية حتى لو بلغت منزلة البرفسور راح تتعلم اكثر واكثر لانها معقده !! وكل ما تعمقت فيها راح تكتشف شي جديد |
|
|
|
2015- 6- 1
|
#6 |
|
أكـاديـمـي ذهـبـي
|
رد: خلاص خلاص آسف ( مو لغة كفار )
اللي يبيها شو هو اللي خايف على الـ 80
اما اللي بيتعلمها لنفسه وتحسين وضعه اكيد بيتعب وبيجتهد وبيحصل مراده باذن الله. وانت الله يوفقك وين ما اخترت. |
|
|
|
2015- 6- 1
|
#7 | |
|
أكـاديـمـي فـضـي
|
رد: خلاص خلاص آسف ( مو لغة كفار )
[quote=المتردد 15;12493906]
اقتباس:
حسب علمي الي يبي يكمل ماستر لازم يكون من الاقسام التابعه للكليه اذا احد عنده معلومه غير كذا ممكن يفيدك بس ذا المتعارف عليه بالتوفيق |
|
|
|
|
2015- 6- 2
|
#8 |
|
أكـاديـمـي ذهـبـي
|
رد: خلاص خلاص آسف ( مو لغة كفار )
السلام عليكم
من نزلت الموضوع الأول كان ودي أرد لأن نفس فكرتك الغلط كانت عندي الإنجليزي خصوصا إني بكالوريوس تخصص شريعة وناوية على هالشيء من كنت صغيرة فمرة أهملت اللغة بس اهتميت ب اللي ينجحني في المدرسة ومدارسنا ما تعتمد على محكات عالية في التقويم فمرة مسكتني معلمة الانجليزي وقالت لي اللغة في تخصصكم أولى لأنكم تحملون رسالة عالمية وقتها تغيرت نظرتي للغة وصرت أدخل دورات وحبيتها من قلب ولا زلت أسعى لإجادتها هي مو لغة كفار هي لغة العالم وهي لغة مهمة في الحياة اليومية في زمن العولمة كل شيء صار عالمي لازم تفهم العالم صح عشان تصير لك قوة والقوة هالأيام في المعلومات هذا أول شيء ثاني شيء لما بديت أدرس دبلوم عالي تربوي بعد البكالوريوس واجهتني مشكلة سببها اللغة الانجليزية بحكم تخصصي نادرا نحتاج في الأساسيات الرجوع لكتب أجنبية في البحوث والمراجع لكن التربوي المحتوى العربي قليل جدا ما يكفي وخصوصا المجال كل يوم دراسات جديدة وأتوقع أغلب التخصصات ذات الطابع العالمي ( يعني كل شي الا العربي والشريعة بالعموم ) لأي بحث جامعي عادي تحتاج كتب أجنبية كمراجع إذا تبي شيء متقن في البحث فما بالك بماجستير أتوقع صعب جدا عشان كذا الكليات تشترطه ثالث شيء اللغة ما تحتاج فلوس عشان تتعلمها لو دفعت مليون اللغة تحتاج صدق وهمة هالأشياء ما تدفع عليها فلوس لكن بتدفع وقتك صارح نفسك : هل أنا فعلا جاد لأتعلم هالشيء أو على قولتك showing !!! ايش هدفك ؟ ايش تبغى بالضبط ؟ هل تحس إنك فعلا حاجة ضرورية تلح عليك من داخل ( أنا لازم أتعلم ؟ الصغار بالابتدائي مو أحسن مني اللي يتكلمونها ؟ كم ضاع من عمري بس كلام أتمنى أتعلمها وغيري فعلا بدأ وتعلم ) رابع شيء إذا كان همتك للعلم والماجستير بس مظاهر رجاء لا تبدأ فيه وأنت كذا ! بصراحة في ناس كثير أعرفهم يحترقون وهم يدرسون للماستر والدكتوراة ولو تلاحظ الفئة هذي من الناس تشوف الناس اللي تحصر اهتمامها بالمظاهر ناس تافهه ! هم يدرسون للعلم والاستفادة ويستغلون عمرهم بشيء مفيد مو بس يدرسون أشكال ! لسان حال الواقع يكذب اتهامك لهم في جميع الأرض مو بس مجتمعنا ! طيب لو أنا بس أشوف أن الماستر مظهر وشكل وأصلا أبي أدرسه عشان الناس تقول وااااااو معاه ماستر ! شوفوه دكتور ! هل ما أكمل عشان إن هدفي في الأساس خطأ ! في دينا أثر معناه أول من تسعر بهم النار أو أول من يعذب ( رجل تعلم العلم لِيُقال عالم ) !! فهل يُترك الأمر بعدا وخوفا عن هذا الأمر !!! مقولة لعالم مسلم دائما تردد في بالي ( ما يحضرني اسمه ) : طلبنا العلم لغير الله فأبى إلا أن يكون لله ! فمهما بدأت بالدراسة وهدفك أشكال نهايتها بيصير هدفك العلم لأنك ببساطة لن تستمر بالمجال مالم تكن لديك صدق همة وحب وشغف بالمعرفة ! العلم لذة ، ابن باز يقول : القراءة من النعيم المعجل للمؤمن في الدنيا ! آخر نقطة : بالنسبة للشريعة ما هي تخصص سهل وبسيط مثل ما الكل مهونه ! ترا يحتاج له بحث وكذا ومعرفة أساسيات إذا كنت تربوي شوف الماستر التربوي أحس بيكون أسهل الشريعة ابحث هل فيه دبلومات تؤهلك للماجستير أو لا لأن صعب تبدأ بالماستر وأنت ما عندك أساسيات الحكم على الحديث صحيح ضعيف وليش حكمنا عليه كذا ايش أصول الفقه ايش الادلة المتفق عليها ايش القواعد االفقهية ايش اختلاف الفقهاء ايش المذاهب ايش الخاص والعام وهلم جرى ما اقول لك انه مستحيل بس ابحث في انظمة الكليات الشرعية في المملكة هل ممكن اخذ دبلوم يأهلني او عادي ابدا مباشرة وكثير كليات يشترطون حفظ خمس اجزاء وكذا اخيرا احيي فيك الطموح والله يييسر لنا ويكتب لنا الصالح من أمرنا |
|
|
|
2015- 6- 2
|
#9 |
|
أكـاديـمـي ذهـبـي
|
رد: خلاص خلاص آسف ( مو لغة كفار )
قبل كل شي بعض الجامعات تشترط انك تكون انتظام
|
|
|
|
2015- 6- 3
|
#10 |
|
أكـاديـمـي فـعّـال
|
رد: خلاص خلاص آسف ( مو لغة كفار )
شكراً إخت آمال كفيتي ووفيتي
|
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
