[ غير ذلك ] : بخصوص امتحان التوفل "لمن جرب فقط"

[الحياة السعيدة]

السلام عليكم جميعا
حبيت أستفسر عن مواقع امتحان التوفل في الدمام والخبر
وطريقة التسجيل
ياليت إلي حاب يجاوبني مشكور يكون سجل وراح للامتحان "فقط فقط فقط"
لأني أعرف الموقع بس ما فهمت عليه

[خاتم سليمان]

أنا إختبرت التوفل لكن مو بالسعودية و كانت طريقة التسجيل على الإنترنت تختاري المكان اللي راح تختبري فيه و بعدين تدفعي لهم على النت و راح يرسلو لك على الإيميل وبعدين على البريد تنرسل لك تذكرة الدخول أما هنا في السعودية فاللي سمعته إن البنات يروحون للمكان اللي يعمل إختبار التوفل و يسجلون هناك و يدفعون لهم لكن السعر أكثر لأن هم راح ياخذون قيمة عملهم و قيمة التسجيل في الإختبار

[منذو مبطي]

وعليكم السلام

شكرا خاتم سليمان للإفادة ..


بانتظار معرفة الإجراء الداخلي

[خاتم سليمان]

إدخل على الموقع وسجل و إختار المكان من النت لأنه افضل لك و أرخص طبعاً. لازم تفتح لك حساب على موقعهم و بعدين تسجل من رأيي هذا أفضل علشان تعتمد على نفسك كمان.
إن شاء الله لكن غيري يفيدك ..
بالتوفيق

[الحياة السعيدة]

المشاركة الأصلية كتبت بواسطة خاتم سليمان

أنا إختبرت التوفل لكن مو بالسعودية و كانت طريقة التسجيل على الإنترنت تختاري المكان اللي راح تختبري فيه و بعدين تدفعي لهم على النت و راح يرسلو لك على الإيميل وبعدين على البريد تنرسل لك تذكرة الدخول أما هنا في السعودية فاللي سمعته إن البنات يروحون للمكان اللي يعمل إختبار التوفل و يسجلون هناك و يدفعون لهم لكن السعر أكثر لأن هم راح ياخذون قيمة عملهم و قيمة التسجيل في الإختبار

مشكور أخوي عالفايدة
بس أنا هذا إلي أبيه
ودي أعرف مواقعهم في الدمام والخبر بالضبط
أنا كنت أعرف معهد كان يسوي الامتحان بس يوم جيتهم توهقت لانهم ما عاد صاروا يسوونه فاضطريت أسوي step لأني ما كنت أعرف غيرهم

[خاتم سليمان]

الموقع نفسه إذا جيت تسجل للإمتحان راح يكتب لك كل الأماكن الموجود فيها الإختبار و إنت تختار منها اللي يناسبك يعني بدل ماتدور و تسأل سجل بالموقع و شوف إيش المواقع اللي موجود فيها الإختبار من نفس الموقع على الإنترنت .

[طموح فتاه]

معهد بيرلتز في الأحساء يوجد اختبارات توفل
وتقريباً له فروع في الدمام والخبر