مساعدة ولكم مني دعوة في علم الغيب

[Dr-Ahlam]

هل اقدر اقدم على الكلية هذة بنسبتي علماُ ان معدلي 89.53 الكلي وكنت ادرس مسار صحي في جامعة الدمام من غير التسجيل على حسابي .
ولا لانها اهلية لاتسمح الا بالنسب والرسوم بليز اللي عندة ردود يكتبها وابي طريقة التسجيل فيها
جزاكم الله الف خير

[نوده .]

أبشري من عيوني .
جواب سؤالك تقدرين تسجلين أن شاء الله نسبتك جميلة .
تسجلين و على حسب أختبارك يتحدد مستواك إما فاونديشن و إما تمريض دايركت .
أهم شيء ما تكونين مفصولة للتأديب و كذا هذا اللي أعرفه .


طريقة التسجيل ب الصور :







بعدين خلاص next لما تكملين بياناتك .
و الأفضل بكره تروحين لهم و معك :
صورتين من شهادة الثانوية .
صورتين من جواز سفرك .
صورتين من كرت العائلة .
8 صور شخصية أو 6 و بعدين تكملينها إذا مو متوفرة .
صورتين من نتيجة أختبار القدرات .
صورتين من نتيجة أختبار التحصيلي .
و 750 رسوم التسجيل .


أول شيء راح تروحين تسجلين بياناتك و تعطينها أثباتاتك
و أوراقك و بعدين تدفعين لها و تعطيك ورقة ثبتها على مبلغك
و تروحين لمكتب ثاني بنفس المبنى علشان تعطيك إيصال و ترجعين لنفس
الموظفة بعدين تكملين بياناتك من توقيع و أرقام مهمة لك و لأحد من أهلك
بعد كذا تروحين تعملين مقابلة مع دكتورة و المقابلة جميلة أسئلة عادية :
ليش دخلتي التمريض ؟
إيش اللي تحسين أنك بتقدمينه للتمريض ؟
وش تعرفين عن التمريض ؟
عندك مانع تداومين شفتات بالمساء ؟
و تمانعين تشتغلين مع مرضى و أطباء رجال ؟

و خلاص
بعدها تروحين لنفس الموظفة و تحولك لدكتورة الفحص الطبي .
تعطيك أوراق علشان الفحص الطبي بأي مستشفى تحبينه و تنبهك على كم نقطة .
و بعدها ترجعين لنفس الموظفة > هالموظفة بتشوفينها كثير و أخلاقها روعة .
محد يتطنز .
لا أمزح .
و أحلاهم الدكتورة صباح بتاع الفحص الطبي .
تدلعك آخر دلع .
المهم خلاص تعطيك ورقة أختبار الانقلش اللي يحدد مستواك .
و خلصننننننننا الحمدلله .
أدعي لي بالتوفيق في أختبار تحديد المستوى .

[Eman_146]

ان شاء الله يقبلوك هم مايعتمدون على نسبه الموزونه اهم شيء الثانويه 80 فوق القدرات 65 وتحصيلي 60 والأخت نوده كفت و وفت