استمارة طلب الدراسة للعسكريين

[فارس حمود]

السلام عليكم ورحمة الله وبركاته
الله يجزاكم خير لوسمحتو وين الاقي استمارة طلب الدراسة بنظام الانتساب للعسكريين

[ابو غيداء]

من نفس عملك يالغالي

تقدم معروض تطلب فيها الموافقه على اكمال دراستك الجاميعه انتساب

[عبدالله الحربي0]

سمعت انهم معاد يعطون موافقه رحنا فيها ولا تحسب بالترقيه

[أبو حور]

تقديم طلب الموافقة عن طريق المرجع لكن الموافقة نفسها ممكن تطول لأنهم يقبلون عدد معين كل سنة حسب كل قطاع

بالنسبة للترقيات يحسب لكل سنة دراسية (30) ساعة نقطة واحدة

بالنسبة للموافقة تحتاجها لاستحقاق اجازة اداء الاختبارات الدراسية

[ابو رزون]

اذا كنت في وزارة الدفاع فلا يحتاح موافقه مرجعك
اما بالنسبه للامن العام فمثل ماشرح ابو حور
ولايهمك الناس اللي تقول مايسمحون او ماعاد يعطون
الكل كمل دراسته ..
الله يوفقك يابطل

[فارس حمود]

الله يوفقكم انا قصدي فيه نموذج تطبع من موقع الامن العام يوضح فيه معلوماتك وكذلك معلومات الجامعه الي تبي تدرس بها وتخصصك ويوقعه مديرك ويرفع الى مرجعك مع خطاب طلب مواصلة الدراسه .بس مالقيت النموذج بموقع الامن العام وش الحل كانت فيه قبل
طولتها عليكم الله يعين على الانظمه المعقده

[فهد التميمي]

المشاركة الأصلية كتبت بواسطة فارس حمود

الله يوفقكم انا قصدي فيه نموذج تطبع من موقع الامن العام يوضح فيه معلوماتك وكذلك معلومات الجامعه الي تبي تدرس بها وتخصصك ويوقعه مديرك ويرفع الى مرجعك مع خطاب طلب مواصلة الدراسه .بس مالقيت النموذج بموقع الامن العام وش الحل كانت فيه قبل
طولتها عليكم الله يعين على الانظمه المعقده

الخطاب موجود عند نفس مرجعك ... مافيه شي يسحب من موقع الامن العام.... بالتوفيق

[HAMDANz]

خطاب الموافقه من العمل هذا ما راح يعطونك لان هذا معناه ان راح يكون عندك اجازة وقت الاختبارات وانت عسكري وتعرف حركات (..........) الي في العسكرية


انا عسكري في الامن العام ووصلت الان في المستوى السادس ولا عمري اخذت ورقة من العمل ولا شي
كل ما اخلص 30 ساعة اخذ خطاب من الادارة موجه للجامعة ليتم تعبئته من الجامعه بعدد الساعات المستحقه ويتم اضافتها في ملفي

ووقت الاختبارات يرخصوني ساعتين اختبر وارجع للعمل والله يعين

[سلطان 456]

السلام عليكم يا اخوان مو على كيفهم ما يعطونكم إجازة من ضمن الأنظمة أنه يعطيك إجازة دراسية سوآءا جامعة أو مدرسة إنت تطبع الخطاب من موقع الجامعة وتوديه لهم و لا تنسى إن الخطاب مختوم وموقع من الجامعة جااااهز ليه يرفضة (إلا إذا كان العمل بحاجتك و ما يقدر يستغني عنك عاد هذا موضوع ثاني)

[أبو حور]

المشاركة الأصلية كتبت بواسطة سلطان 456

السلام عليكم يا اخوان مو على كيفهم ما يعطونكم إجازة من ضمن الأنظمة أنه يعطيك إجازة دراسية سوآءا جامعة أو مدرسة إنت تطبع الخطاب من موقع الجامعة وتوديه لهم و لا تنسى إن الخطاب مختوم وموقع من الجامعة جااااهز ليه يرفضة (إلا إذا كان العمل بحاجتك و ما يقدر يستغني عنك عاد هذا موضوع ثاني)

المادة (53) مكرر: (مضافة بموجب المرسوم الملكي رقم (م/11) وتاريخ 10/3/1424هـ)
إِجازة أداء الامتحان الدراسي:
يجوز منح الفرد إِجازة للمدة اللازمة لأداء الامتحان الدراسي ، بشرط أن يقدم مايثبت أداء الامتحان ومدته.
ويجوز استدعاء الفرد من هذه الإِجازة أو إِلغاؤها لأسباب تقتضيها ظروف العمل

في قطاعات نظمت المسألة هذي عشان مايتقدمون كل الافراد باجازة اداء امتحان ومايبقى احد في القطاع هذا يعتبر من الصلاحيات اللي منحت لقائد المنطقة وهو له صلاحية تنظيم المسألة هذي

كمبرر يعتبر منطقي لكن المشكلة دخلت فيها محسوبيات وصار اللي عنده واسطه يحصل على الموافقة بسرعة واللي ماعنده واسطة يحصل على الموافقة بعد التخرج

الواسطة فيكم فيكم