[ النظام الأفتراضي ] : تم فتح ايقونة الاعذار الغياب

[مهاوي 1403]

تم فتح أيقونة الاستعلام عن أعذار الغياب في الخدمات الطلابية .. الان بحط لكم الرابط المباشر للأيقونة ، رابط مباشر يعني لما تضغط عليه وتفتح معك الصفحة اكتب رقمك الجامعي والباسورد وراح تشوف نفسك داخل هالأيقونة هذي مباشرةً ..


del.kfu.edu.sa/entisab_app/enquiry_execuse/id_ad_entsab2.asp

ملاحظة للتذكير :

1-المواد اللي تم قبول عذرك فيها لاتسجلها على البنر هي راح تنزل لك تلقائياً من الجامعة .. انت لاتسوي فيها شي ولا تدفع رسومها لأنك دافع رسومها الترم الماضي خلاص..

2- بتشوف تقديرك في هالمواد اللي متغيب عنها F يعني راسب ومعدلك نازل ، لاتقلق لأنك بعدين إذا اختبرت في هالمواد اللي غبت عنها راح تتبدل درجة الرسوب إلى الدرجة اللي راح تحققها في الاختبار وبالتالي يرتفع المعدل بإذن الله يعني ما كأنك رسبت ولاشي ..

3- لازم تعمل الأعمال الفصلية لهالمواد اللي متغيب عنها من جد وجديد . يعني تحمل المحاضرات من جديد وتحل واجباتها من جديد وتكتب المناقشات من جديد وتحمل المباشرة من جديد وكل شي ، يعني كأنها مادة جديدة .. ولاتسوي فيها ( متحذلق ) على قولة ترجمة MBC2 وتقول انا عندي محاضرات الترم الماضي ليش احملهم من جديد ! ترى كذا بتاخذ صفر في الأعمال الفصلية .. مثل ما قلت لك تتعامل مع هالمواد هذي كأنها مادة جديدة ، سواء تغير دكتورها أو ماتغير فإنت لازم تحمل المحاضرات وتسوي كل شي من جديد ..

4- الشي الأخير هو انك لازم تعرف إنك إذا غبت عن إختبار نفس المادة اللي تم قبول عذرك فيها فماراح ينقبل عذرك مرة ثانية وماراح تنزل لك تلقائيا من الجامعة .

بالتوفيق للجميع ..

[AL7R 5HALID]

الله يعطيك العافيه

ماقصرتي