[ استفسار ] علم اجتماع ماله مستقبل ومومطلوب

[ام شعاع]

انا رقبتي الاولى والاخيره علم اجتماع بس الكل يقول ماله مستقبل وممطلوب يعني كاني باخذه واعلقها بالجدار ولااحد يقول انجليزي لانه صعب المشكله وش التخصص المرغوب ياليت تفيدوني عشان ماندم وتعبي يروح هدر

[Joanne]

في الأول والأخير التوفيق من عند الله ..إذا لك نصيب بالوظائف بتاخذينه لو تخصصك أيش ما يكون
إذا رغبتك علم اجتماع تخصصي فيه وتوكلي على الله
وأستخيري قبل كل شي

[تركي المعيلي]

المشاركة الأصلية كتبت بواسطة ام شعاع

انا رقبتي الاولى والاخيره علم اجتماع بس الكل يقول ماله مستقبل وممطلوب يعني كاني باخذه واعلقها بالجدار ولااحد يقول انجليزي لانه صعب المشكله وش التخصص المرغوب ياليت تفيدوني عشان ماندم وتعبي يروح هدر

مساء الخير .
من اللي يقول ما له مستقبل . بالنسبة للتدريس تأخذين بعد البكالوريس دبلوم . وتدخلين تدريس .
ثانياً . الان وزارة التربية والتعليم وبقيادة الامير / خالد الفيصل فيه محاولات ودراسات تكون تربوية .لأن فيه دفعات سابقة من جامعات مختلفة رافعين مطالبة بأن تكون تربوية .
ثالثاً .بالنسبة لعلم الاجتماع من ناحية التوظيف عندك وزارة الشئون الاجتماعية وفروعها تقدرين تتوظفين فيها بأي مكان والتخصص مطلوب لديهم .

والله اعلم ....

توكلي على الله وما تدرين المكتوب لك .

[تركي11]

السلام عليكم
><><<كثير الاستشارة وكثير التردد (مارح يسوي شي )
انا انصحك تحدد مايناسبك انت لا مايناسب غيرك وتتخصص به وتكون ملم بها ومتقنها من كل النواحي .
(((((((((معدلك هو المطلوب ><لا التخصص)))
من وجهت نظري
مع تمنياتي لي ولك بتوفيق وللجميع

[reaching higher]

اختي ام شعاع لو انك متابعة الملتقى العام .. بتلقين كدا واحد متخرج كاتب موضوع من امس او قبله عن الوظيفة بعد ماتخرجوا من هنا ...

اقري موضوع الاخ فيصل الخالد و تويكس .. الله يسعدهم .. تراهم تخصص علم اجتماع ..

قصص واقعيه صارت لهم و لناس يعرفونهم .. متوظفين و ازيدك من الشعر بيت .. واحد منهم متشرط .. قالوا له تعال في المنطقة الفلانيه اشتغل ... قال مابي ... بعد فتره دقوا مره ثانية قالوا خلاص تعال لقينا لك وظيفة بالرياض و شغل يبيه بعد .. و الارزاق بيد الله تعال في الاخير

لا تعطين الناس المحبطه ادنك ابدا .. الحمدلله فيه نمادج حية لمتخرجين يتابعون الملتقى و يكتبون قصصهم الناجحه عشان يحمسون البقية ..

الله يزيدهم نجاح قولوا امين

[roro2013]

آي صح تخصص علم آجتماع ماله مستقبل

[ام شعاع]

مشكورين على تفاعلكم
رورو ليه الاحباط مشكله قسم الاداب مافيه الا الانجليزي والباقي خلاص مكتفين منها. وانا اعرف نفسي بالانجليزي مستحيل اني ادرسه بس ان شاءالله علم اجتماع يكون فيه مجال يكون له مستقبل

[roro2013]

المشاركة الأصلية كتبت بواسطة ام شعاع

مشكورين على تفاعلكم
رورو ليه الاحباط مشكله قسم الاداب مافيه الا الانجليزي والباقي خلاص مكتفين منها. وانا اعرف نفسي بالانجليزي مستحيل اني ادرسه بس ان شاءالله علم اجتماع يكون فيه مجال يكون له مستقبل

آنشاءالله

[ام حاتم427]

اختي توكلي على ربك مثل ماقالو الاخوان والاخوات
اذا انتي حابه الماده
توكلي على الله واجتهدي
ولا تشاورين احد خذيها قاعده
الي انتي حابته سويه ..لان المحطمين
كثيييير ..وكل واحد شايف انه هو الفاهم وهو الي يعرف
وغيره لا
وللمعلوميه بس
انا كنت بسجل بوضيفه في الجوازات
وكان من الشروط ان المتقدم يكون يحمل
بكالريوس علم اجتماع
وانا لو ماكنت اكره علم الاجتماع كان دخلته
ومثل ماقلت لك اذا حابه التخصص كملي واذا لا
غيريه لتخصص تحبينه
إعقلها وتوكل
بالتوفيق

[الدره]

لاتلتفتين لغيرك

أستخيري والله يكتب لك مافيه الخير