[ استفسار ] درجات المشاركة اصفار وش المشكله

[دريس الدريس]

السلام عليكم ورحمة الله وبركاتة
الف الف مبروك للناجحين وحظ اوفر للباقين ....
وش سالفة الاصفار في المشاركات واحد يقول طلعت له اكثر من ماده كلها اصفار في المشاركة وهو يقول انه متأكد من حلها .. افيدونا هل هي حاله نادره ولا صايره كثير !!!

[المشعلي]

انا نفس المشكله مشاركاتي كلها اصفار ورفعت تظلم لاكن ماعرفت وش يقصدون بالمكان وبالتفصيل

[محمدالزهراني]

المشكله مهزلة الجامعة

[بداية التخرج]

اذا حليت من مكتبه يلغونها عليك
أو من جهااز عمل مثلاً

[حلمي آتنفسكـ]

الله يعينكم
شالسالفه كثير حاطين لهم اصفار وهم حالين بأنفسهم !!

[أسماء عبدالعزيز]

:"( فرحة ماتمّت ,,

اللهم آجرني في مصيبتي واخلف لي خيراً منها يااااارب ,,,

كل المشاركات اصفار يارب تتعدل وافرح بها صح

[محمدالزهراني]

كل مشاركاتي صفر وراح تتعدل إن شاء الله وفيه طلاب قالوا إنه صار معاهم بالصيف نفس المشكله وكمان في إحدى الاترام الماضية وخلال يومين تم إحتسابها لهم واللي علينا نتفائل خير وإم لم تعدل فلن يضيع حق وراه مطالب

[2سلطان الشمري]

هذي مهزله واستخفاف بالعقول حنا فاضين نروح نطارد ندور درجات مشاركه ماصدقنا خلصنا اختبارات كل المشاركات اصفار ماهي حاله هذي متاكد اني حليتها وشايفها على الخارطه الاكاديميه كلها حالها بس نظام مادري وش اخرتها معهمه

[السيناتوري]

انا اندهشت من الخصم الي طالني من كل مادة ثلاث درجات ولا اعلم ماهو السبب علماً اني حالها بنفسي ولا استعنت بمكتبة ف لا اعلم ماهو سبب الخصم بالضبط واعرف اثنين اخوان بنفس الترم والتخصص والاخ الصغير يحل لاخوه الكبير المشاركات والواجبات ومع ذلك اختلفت درجاتهم عن بعض رغم انه نفس المشاركات ما اختلف شي !! الجامعة مدري وش بلاها تتخبط يعني هل معقولة تطبق سياسة الخير يخص والشر يعم هذا اللي يصير شي غريب صراحة ، ضغطوا علينا بالاختبارات وشددو بالاسئلة وننصدم اخر الترم خصم بالدراجات وفوق هذا ندفع مبالغ طائلة مقابل رسوم الدراسة هذا الي يصير تطفيش وأعتقد حسب تصريح الدكتور عبدالله الفريدان عبر حسابة في تويتر أن الجامعة بلغت طاقتها الأستيعابية ولن يتم التسجيل الترم القادم للجدد ، ف اذا عرف السبب بطل العجب .. هذا والله من وراء القصد !

[مازن اليامي]

انا كل مشاركاتي ناقصه وماده قواعد البيانات ماعديتها بسبب المشاركات الفصليه