[ استفسار ] انجليزي كتابه

[to0la]

السلام عليكم ..
ممكن قواعد الانجليزي كتابه ..
ملخص احسه مقلب وضعت معه ..
مادري اذا الوضع عندي بس ولا عندكم معي بعد..
المهم اني ضعت وحتى اللي كنت مثبته من الانجليزي قبل قاعدات اساسيه ضعت فيها
يعنييعني جاب لي امثله ع قاعدات الdo وادور شرحها مالقيته الا بنهايه الملزمه ..
ملزمة ام يزن تو شريتها ..
ابي اعرف وشي قواهدنا وانا ببحث عنها بالنت ..
او اذا فيه موضوع عطوني رابطه ولكم دعوه وربي.
ساعدوني الله يسعدكم ..

[Ʀəɱσ ᶎᵾЌ]

ليش ملزمة ام يزن مو موضحة القاعدات !

بالعكس واضحة جداً وسهلة .. المهم انتي تابعي هالموضوع وان شاء الله بتستفيدي


••∫∫ مـگـتـب مـسـتـشـارگ ☎ للرد على استفساراتگم بـ مادة اللغة الانجليزية كتابة ☎ ‏




بالتوفيق

[to0la]

مادري والله بس شكله محبووس طباعته ..
اختي دخلت ع الرابط يقول دينجرز :(

[عطر الانوثة]

انا زيك والله

وحسيت اني ضايعه

والكل يقول سهل , وانا ادري انه سهل الحروف الكبتل ومدري وشو بس فيه حاجات ثانيه يعني موفاهمه بالزبط كيف تتذاكر وش الي احفظه وش الي لا

تخربطت شوي
وبصراحه ما احسه يشرح يقرا بس , مقارنة بعمار المعاني اعطيه بالشرح 10 / 10

عاد الله يستر من الانجليزي قراءة مافتحته ولا ادريبه

مالي خلق له بخليه اخررر شي

يارب ساعدنا

[بسمة..]

إذا ربي قدرني لي رجعة للموضوع بحاول ان شاء الله اني ابسط لكم القواعد بطريقة سهلة
لكن السموحة اذا ما امداني

[بسمة..]

السلام عليكم ورحمة الله وبركاته
بسم الله الرحمن الرحيم .... مثل ما قلت لكم ان شاء الله رح اشرح لكم القواعد باسلوب مبسط على قد ما اقدر لكن قبل ما ابدا ابيكم تعرفون شي مهم هو ان الاشخاص اللي قالو ان مادة الانقلش سهلة فهذا بسبب انهم فهموها إذن "الفهم الصحيح هو الطريق الاسرع الى سهولة المادة "وهذا اللي ارجو من الله انه يقدرني اساعدك عليه
اولا (المحاضرة الاولى )
1- الحروف الكابيتال هي الحروف اللي تكون في بداية الجملة او تكون بدايات اسماء العلم واسماء العلم هي "الاشخاص والعوائل والاماكن والايام و الشهور والمدن ....الخ"
اذا حطيتي هالكلام في بالك وفهمتيه وحاولتي تسوين تطبيقات عليه تكونين فهمتي القاعدة الاولى من المنهج واذا كنتي محتاجة توضيح الكثر لهالنقطة ابشري انتي بس بلغينن
2-ادوات التعريف (a) و (an) و )the)
وهذه الادوات تستخدم قبل الكلمات المختلفة لكن المطلوب منك انك تعرفين متى تستخدمين كل وحدة منهم في مكانها الصحيح يعني اذا بغيتي تتكلمين عن شي عام بدون تحديد وبدون ما يكون فيه شي مميز ويخلي الشخص اللي تتكلمين معاه عارف عن اي شي انتي تتكلين بهالحالة تستخدمين اما aاو an الولى تستخدمينها لما يكون بداية الكلمة حرف مش عله يعني consonantوالثانية تستخدمينها لما تكون بداية الكلمة حرف علة يعني vowel مثال عليهم "a book"و "an orange" و هذول اشياء عامة ومش مخصوصين يعني اي كتاب واي برتقالة .اما اذا كنتي تتحدثين عن شي مخصوص ومعين وتقصدينه هو بالذات فإنتي رح تستخدمين الاداة الثالثة اللي هي "the" ان شاء الله تكون الامور واضحة الى الان
3- الصفات
وهذه النقطة بالانقلش شوي تختلف عن العربي حنا بالعربي نقول الموصوف قبل الصفة مثلا "بيت جميل"فالموصوف هو بيت والصفة جميل جت بعده لكن الانقلش هو العكس فالصفة تجي قبل الموصوف يعني تصير جملتنا بالانقلش "beautiful house"فالصفة قبل الموصوف هذا في حالة اننا نتكلم عن مفرد .اما عندما نتكلم عن اكثر من شخص او عن شخص فيه اكثر من صفة فاننا نحط الموصوف قبل الصفات او الموصوفين قبل الصفة مثال "the class room is clean and colorful"
4- ضمائر الفاعل subject pronouns اللي هي تعبر عن الفاعل يعني ضمائر الفاعل وهذا شي جدا بسيط وهو من البدائيات وهو انك لما تتكلمين عن مفرد مؤنث يعني بنت بدال ما تقعدين تكررين اسمها في كل جمله مثلا تستبدلين سمها بshe واذا كان ولد heاما اذا كانو مجموعة بشر او اشياء تقولي they وبس خلاص كل اللي محتاجته بالهنقطة هو امثلة ترسخ المعلومة براسك
5- نجي لاسهل شي بالمحاضرة اللي هو contractionsاللي هي طريقة دمج الضمائر وهي انك تتركين الكلمه الاولى زي ما هي سواء he or she or it وثم تحذفين بداية الكلمة الثانيةوتحطين بدالها فاصلة وتحذفين المسافة اللي بينهم وبس شوفي الامثلة بالمحتوى
6- categorize by topicيعني الجمل اللي تنتمي لموضوع واحد او تتكلم عن شخص واحد تتصنف مع بعض واللي تتكلم عن الشي الثاني تتصنف لحالها وهكذا ولما نفهم هالمحور ذا بنكون عارفين نطلع الجملة اللي تكون irrelevantبينهم
7- the informational surveyيعني استقصاء او احصاء المعلومات عن الشخص يعني الاسم الاول والثاني والعائلة والدراسة او المهنة ومحل القامة وهيك شي وبعدها عمل قطعة من خلال هالمعلومات ورصفها بجنب بعض وخلصنا
وعموما شوفي المثال من المحتوى وحاولي تطبقينه
وبس بكذا خلصنا كل عناصر المحاضرة الاولى تقريبا

[hadialshe7i]

الكتاب كامل
www.ckfu.org/vb/t510386.html

[ام نورس]

أختي بسمة وفقك الله وأسعدك في الدارين

[to0la]

ياحلوك يابسمه ..
الله يوفقك ويسعدك ..
عطر الانوثه ..
هههههههههه نفس الاحساس والله يستر