 |
|
||||||
| منتدى كلية الآداب بالدمام منتدى كلية الآداب بالدمام ; مساحة للتعاون و تبادل الخبرات بين طالبات كلية الآداب بالدمام و نقل آخر الأخبار و المستجدات . |
 |
|
|
أدوات الموضوع |
|
#1
2009- 10- 16
|
||||
|
||||
دردشه الطالبات المستجدات مع مساعداتكم طبعا يالقديمات
بسم الله الرحمن الرحيم
انا شفت المواضيع المثبته فيها كافيهات وملتقى لكل الاقسام وصراحه قعدت افكر:mh19: سنه اولى صحيح موزعين كل وحده بقسمها واي وحده عندها سؤال تجي تطرحه بالكافيه الخاص لقسمها لكن احس صعب اتسولفون على راحتكم بنفس الموضوع الي فيه طالبات التخصص فقلت بما انكم اخر العنقود هنا لازم تتدلعون بموضوع خاص فيكم  ان ما دلعناكم انتوا مين اندلع  طيب اول حاجه راح اعرفكم على نفسي عسولة الشرقية - لغه انجليزيه - مستوى 3 العمر 19  بس اذا احد سالني اقول 17 نبذة عن القسم للي تحب تتخصصه اولا القسم يهتم مو بس باللغه الا بالادب واللغه يعني لما تدخلين راح يعاملونك كانك فاهمه بالانجلش مو كلهم طبعا هذولا بس مواد التخصص الي يعاملونك كذا اما الباقي لا وبعضهم اذا كانوا طيبات يقلبون عربي مع انه ممنوع بس اهم شي عندهم الطالبه تفهم وتستوعب بدايتي مع القسم : في البدايه كاي طالبه تدخل القسم وهي سامعه البلاوي عن الكليه ما كنت اشوف اي ايجابيه ابد ابد ابد وكل محاضره اطلع السلبيات الي فيها والي فالدكتوره وللصراحه مرررررررررررره تعبت لانه الواحد اذا بس فكر بالسلبيات تتعب نفسيته وانا من النوع الي اذا تاثرت نفسيتي على طووووووول يبين بسجمي اثار تعب فمرررررررره كان الوضع مأساوي بالنسبه لي لدرجه اني بعض الاحيان ادق على السواق يجي ياخذني وانا بنص الدوام مو دلع يا بنات بس خلاااااااص قــــــــفلت معي واحس معدتي تنقلب ولو قعدت زياده....  بس اهم شي ارجع البيت وادخل غرفتي بدون اهلي ما يشوفوني ولا كان علوم طبعا هذا كله من التفكير السلبي وكنت ادري اني لو استمريت على هالحال ماراح اعدي سنه اولى ابد  مع الوقت بديت اشوف الايجابيات والي هي  :1- النضج والتغير في اسلوبكم الي راح تحسينه مع الوقت اولا من ناحيه المواد وثانيا من ناحيه علاقاتك مع الطالبات والدكتورات و .... يعني مثلا مواد التخصص ما كنت اشوف منها اي فايده كان تفكيري اذا خلصت وجيت اتقدم لوظيفه ماراح يسالوني ايش قال شكسبير بيسالوني اشياء باللغه :mh19: لكن بعدين على الترم الثاني تقريبا عرفت قيمه هذي المواد هذي المواد الله يسلمكم اتعرفكم على الشخصيات الي بالقصه او المسرحيه او القصيده وتبدا تعطيكم نبذه عن هالشخصيه مثلا ليه قالت هذا الكلام ماقالت غيره ليه لبست هذا اللون بالذات ليه وليه وليه في البدايه بتحسونها سخافه لكن لما تبدون تدرسون الشخصيات لا شعوريا راح ينقلب هذا التفكير بحياتكم اليوميه راح تفهمون الناس اكثر ,راح تعرفون اتنقون كلماتكم ايش الكلمه الي اتاثر اكثر ؟...... الخ 2- بالنسبه للمواد العامه صراحه جدا جدا جدا مفيده لان القسم يعلمكم اشياء ما تاخذونها باماكن ثانيه يعلمكم اصوات الحروف ومنها راح يتحسن املائكم كثيــــــــــــــــر يعلمكم اشياء صغيره مرررررررررره باللغه لكن لها تاثير كبير فيها تتعلمون الفرق بين الامريكي والبريطاني لانكم لو كتبتوا امريكي وبريطاني مع بعض راحت درجاتكم بالعربي راح تستفيدون كثير 3- من ناحية المستقبل الوظيفي طبعا كل الوظايف تحتاج اللغه الانجليزيه لكن نصيحتي يا وظيفه حكوميه يا قطاع خاص شركات وبس ابتعدوا عن المدارس الاهليه قدر الامكان لانها كرف على غير سنع طيب نجي للسلبيات اللحين : 1- درجاتكم تنخسف مو على الاملاء بس الا على الاملاء وعلامات الترقيم والترتيب النحوي 2- ممكن تروح درجاتكم اذا دمجتوا كلام امريكي مع بريطاني لانه الاملاء يختلف اشوي يا امريكي كله يا بريطاني كله 3- طبعا ستايل الكتابه لازم يكون صح يعني ما تمسكين الورقه واتعبين الاجابه الصحيحه فيها على بعض <----------- غلط لازم الورقه تكون مقاطع (بارجرافات) وكل مقطع يعبر عن فكره وحده بس اذا دمجتي فكرتين راحت عليك درجات بالعربي لازم تكونين دقيقه ومنتبه للي تكتبينه خاااااصه علامات الترقيم ما تنسينها 4- وقت التسجيل اكرررررررررررررررررررررررررررررررررررههم بكل ما للكلمه من معنى يعني طول موضوعي وانا اجمل فالقسم لكن بهالنقطه صراحه مافيه مجامل تخيلوا مسويه جدولي ومرتبته وحاطتلي يوم اوف وبالاخير يطلعونلنا بمواد ثانيه ما قالولنا عنها من البدايه المشكله اني سالت عن المواد وقالولي لا لا ماعليك منها ماراح اتاثر على جدول  اكرههـــــــــــــــــــــــــــم 5- أمن قسمنا اتدقق اشوي باللبس يعني لازم تكونين نظاميه بلبسك ولا تعالي وقعي  6- ممكن يصيبكم انهيار عصبي لما تشوفون نتيجتكم اخر السنه و ........... وربي تعـــــــــــــــــــــــــبت من الكتابه عموما هذي السلبيات الي اذكرها انا حبيت اعطيكم نبذه عن القسم لان كثير بنات بالكليه يجون يسالوني سنه اولى ؟ اي تخصص ؟؟ يووووه انجليزي والله ودي ادخل بس خايفه ...... ومن هالكلام فقلت اكتب كل شي هنا وابرد قلبوكم  طيب وش المطلوب منكم الحين ؟؟؟ المطلوب منكم اذا كنتي طالبه تخصص تعطيني نبذه عن تخصصك / ايجابياته / سلبياته واذا كنتي طالبه سنه تحضيريه تكتبينلي معاناتك وانتي مفهيه بايش بالضبط (طبعا اذا اكتشفتي النقطه الي انتي مفهيه فيها) وايش ودك تتخصصين وليه طبعا اسفه جدا جدا جدا على الاطاله ادري الموضوع لكم والمفروض ما اقرق فيه واجد واخليه لسواليفكم بس كثرت الاسئله عن القسم وحبيت افيدكم لي رجعه ان شاء الله بموضوع الكافتيريا والبوابات راح اناقش كل شي معكم واشوف ردودكم مين الي راضيه ومين الي ودها الكليه تنهدم فوق تحت موفقين ان شاء الله  سبحان الله وبحمده سبحان الله العظيم اللهم اشفي ابنه عمي شفاء عاجل غير اجل يارب التعديل الأخير تم بواسطة عسولة الشرقية ; 2009- 10- 16 الساعة 07:42 PM 
|
|
2009- 10- 16
|
#2 | |
|
أكـاديـمـي
|
رد: دردشه الطالبات المستجدات مع مساعداتكم طبعا يالقديمات
اول شي
اقتباس:
 ابي اعرف ايش الاوراق اللي اجيبها معي علشان اخذ اذن منهم واطلع :mh19: اجيب صورة من اقامة السواق مثلا؟ ووين اروح؟ الله يعافيك ساعديني لان بكرا لازم اقول لاهلي قبل ما اروح الكلية يجهزون الحين نبدا على موضوعك انا مريومة سنة تحضيرية قسم تاريخ-الشعبة الاولى عمري 18 سنة  وامممممممم صراحة انا للحين خايفة ومرتبكة ومتوهقة ومعصبة ما احب الفوضى وعلشان كذا ما انسجمت بالكلية للحين احسها خلية نحل زحمه مراا وما عندي الا صديقة واحدة اللي قبلوها والباقي ما قبلوهم وهي بقسم وانا بقسم وما اعرف احد للحين :011: ان شاء الله انا احب الانجلش ودايما ماشاء الله كانت بالمدرسة درجاتي فيه زينه ومخططة ادخله لاني احب هاللغة حب بس نشوف هالسنة ان شاء الله تعدي على خير والله يسهلها علينا وبعدين نشوف وين نروح امممممممم بس هذه اللي ببالي وشكرا للموضوع الحلووو |
|
|
|
|
2009- 10- 16
|
#3 |
|
أكـاديـمـي مـشـارك
|
رد: دردشه الطالبات المستجدات مع مساعداتكم طبعا يالقديمات
حبيبتي اقامه السواق تكفي
طبعا لازم يكون سواقكم الخاص مو ايجار لانهم بيطابقونها مع بطاقتك ومو صورة لا الاصل موفقه يا بعدي سبحان الله وبحمده سبحان الله العظيم اللهم اشفي ابنه عمي شفاء عاجل غير اجل يارب |
|
|
|
2009- 10- 16
|
#4 |
|
أكـاديـمـي ذهـبـي
|
رد: دردشه الطالبات المستجدات مع مساعداتكم طبعا يالقديمات
\
\ موضوع حلووو وممتاز الله يعطيك العافيه على الفكرة المميزه الانقليزي وماادراك مالانقليزي بنات كثير يبون هالقسم وبعد فتره او بعد سنة يجيبون العيد ويبون يغيرون .. طبعاً الاخت عسوله ماقصرت قالت كلام جميل جداً وتحتاجه كل طالبة تبي تتخصص في هالقسم وان شاء الله الكل يستفيد يعطيك العافيه وماقصرتي والله يوفقك ويوفق جميع الطالبات دمتم بخير \ \ |
|
|
|
2009- 10- 17
|
#5 |
|
أكـاديـمـي مـشـارك
|
رد: دردشه الطالبات المستجدات مع مساعداتكم طبعا يالقديمات
يسلمووووووووووووووووو اخ سوبر على المرور
تدري فاحد المواضيع الي كتبتها انت الظاهر انها بعنونا كوني انسانه قبل... كتبتلك مشاركه وفيها سؤال لك رديت على مشاركتي لكن خليت السؤال يولي ادري ان الواحد يرد على الي يبيه والي ما يبيه يخليه لكني من النوع الي اللقافه تااااااااااااااكلني ولا اعرف انام الا اذا عرفت كل شي فمن وقتها وانت بـالـ Black list لكن يوم شفت مشاركتك بموضوعي اكتشفت اني جـــــد سعيده بتواجدك معي لكني لازلت احتري اجابتك ترا شكرا على مرورك موفق سبحان الله وبحمده سبحان الله العظيم اللهم اشفي ابنه عمي شفاء عاجل غير اجل يارب |
|
|
|
2009- 10- 17
|
#6 |
|
أكـاديـمـي ذهـبـي
|
رد: دردشه الطالبات المستجدات مع مساعداتكم طبعا يالقديمات
\
\ الله يسعدك دايماً واذا على الاجابه اعتقد اني بقعد طول عمري على Black list بالتوفيق لك أختي \ \ |
|
|
|
2009- 10- 17
|
#7 |
|
أكـاديـمـي مـشـارك
|
رد: دردشه الطالبات المستجدات مع مساعداتكم طبعا يالقديمات
يسلمو على المرور مره ثانيه لكني مافقد الامل ترا وعندي احساس كبير انه الا ما يجي يوم واعرف موفق سبحان الله وبحمده سبحان الله العظيم اللهم اشفي ابنه عمي شفاء عاجل غير اجل يارب |
|
|
|
2009- 10- 17
|
#8 |
|
أكـاديـمـي
|
رد: دردشه الطالبات المستجدات مع مساعداتكم طبعا يالقديمات
اها يعني اجيب اقامة السواق معي والله مشوار
يلا الله يعين
|
|
|
|
2009- 10- 17
|
#9 |
|
أكـاديـمـي مـشـارك
|
رد: دردشه الطالبات المستجدات مع مساعداتكم طبعا يالقديمات
لاااااااااااااااااااااا
مو تجيبينها معك خليها وياه لو احد وقفه ولا شي الا هي معه تكون معه يا ياخذونها امن الرجال يا تحطين بطاقتك عند امن النساء وتطلعين بدون بطاقه تاخذين الاقامه وتجيبينها لهم وهم يطابقونها يا ويلي البنت تبي تاخذ اقامه السواق لا يا قلبي اقامته خليها معه لا تجيه سكته قلبيه فديتك يا قمر اتمنى اني افدتك موفقه سبحان الله وبحمده سبحان الله العظيم اللهم اشفي ابنه عمي شفاء عاجل غير اجل يارب |
|
|
|
| مواقع النشر (المفضلة) |
| الكلمات الدلالية (Tags) |
| مساعداتكم, المستجدات, الطالبات, يالقديمات, دردشه, طبعا |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| لحظات غريبة بين اثنين ...خلقت الحب في قلبين | نجمة الليل | ملتقى الفنون الأدبية | 12 | 2013- 12- 18 03:29 PM |
| الطالبات المستجدات المجموعة الثالثة !!! بلييييز أدخلووو | تفائل طالبة | منتدى كلية الآداب بالدمام | 12 | 2009- 10- 9 03:44 PM |
| مهم لجميع الطالبات غير المستجدات | al.sultanah | منتدى كلية العلوم بالدمام | 3 | 2009- 10- 5 10:33 AM |
| سؤال مهم جدا جدا لجميع الطالبات المستجدات | تراتيل الروح | منتدى كلية الآداب بالأحساء | 15 | 2009- 10- 5 10:00 AM |
| في حضيض الغدر | Sakora 99 | ملتقى الفنون الأدبية | 0 | 2009- 5- 9 02:45 AM |
