[ جامعة فيصل ] : استخراج الرقم السري وتسجيل المواد للمستجدات ..؟ ضروري :(

[FoFo59]

[b]بسم الله الرحمن الرحيم
السلام عليكم ورحمة الله وبركاته [/b]

حبيت أسألكم عن نظام جامعة فيصل للمستجدات في :

1- الرقم السري اللي يقولون أن المفروض نستخرجه ولما كتبت رقمي الجامعي كتبو لي انه غير صحيح ..؟

2- تسجيل المواد ... اللي اعرفه أن السنه التحضيريه الفصل الدراسي الأول بالذات ما نسجل ولا ماده .. طيب كيف الوضع يعني هم يوزعونا بكيفهم ؟ وكيف نعرف جدولنا

[محمد الناصر]

الأرقام السرية تكون فِي أول أسبوع إن شاء الله

المواد وتسجيلها بالنسبة للمستجدين والمستجدات
المستوى الأول يكون مجهز وموزع من الجامعة
شلون تعرفينه?
بحضورك للجامعة أول أسبوع وبيعطونك الرقم الأكاديمي والباسوورد وعن طريق نظام البانر راح تعرفين الجدول

و ربي يوفقك

[FoFo59]

شكرا لكم

[جرحني بسكآت]

شكل اخوي تكلم لك بالنسبه لـ جامعة الدمام

وانت تبين جامعة الملك فيصل

فعلا الجداول تكون جاهزه ومرتبه من الجامعه وعليك تطبعينها فقط

(الرقم الاكاديمي = الرقم الجامعي) موجود عندك بورقة البريد

وانتي شكلك ضغطي ع ايقونة استرجاع الرقم السري وهذا خطأ

راح يفعلون لكم انتوا المستجدين ايقونة اسمها استخراج الرقم السري

واذا ضغطتي عليها راح يطلب منك بعض الارقام واذا دخلتيها راح

يطلع لك الباسورد الخاص فيش وهذا تحتفظين فيه دايم , عشان اذا

جيتي تطبعين الجدول راح يطلب منك رقمك الجامعي والباسورد

وكل هذا يصير اذا علنوا الجامعه عن موعد نزول الجداول والارقام السريه

يعني خليك متابعه موقع الجامعه وان شآء الله راح ينزلوا قبل 20 / 10

موفقه يآرب

[FoFo59]

شكراًًٍ لكم .. لا عُدمنا عطاء كم ..

[duaa.y]

مشكور اخوي
انا من اليوم احافص واخيرا عرفت اشلون

[محمد الناصر]

لا أنا أتكلم عن جامعة فيصل

لكن ربَّما الاختلاف يكوّن
من كلية لأخرى
في السنّة الماضية تم توزيع الأرقام يدوياً
كلية إدارة الأعمال

[سامسونج]

دخلت ارقامي الجامعي والسري كلهم غلط.... شلوووووووووون؟؟؟؟؟

[جرحني بسكآت]

الاستفسار والردود تخص الانتظام فقط ^^

المشاركة الأصلية كتبت بواسطة سامسونج

دخلت ارقامي الجامعي والسري كلهم غلط.... شلوووووووووون؟؟؟؟؟

فشكلك تقصدي انك بالتعليم عن بعد (الانتساب المطور)


إذا كان نعم , فحطي استفسارك هون

http://www.ckfu.org/vb/f183

موفقه يآرب

[queen darino]

يعطيكم الف عافيه