اللي أخذ مادة التسويق ( أبي رأيكم ومساعدتكم )

[abu remaas]

السلام عليكم ,, وتقبل الله صيامكم وقيامكم ,, وكل عام وانت بخير

أنا حاب أعرف طبيعة مادة التسويق من ناحية صعوبتها وكيف مذاكرتها ودكتور المادة والأسئلة

والسبب في ذلك طلع موعد إختبارها بعد مادة مالية 2 على طول ,,

أبغى نصيحتكم ومشورتكم في مادة التسويق أخذها وأتوكل على الله إذا كانت المادة معقوله ومقدور عليها ,,

تحياتي لكم جميعا ,,

[anasser2]

انصحك تأخذ المادة ممتع جدا بأسلوب الدكتور عبدالرحمن الحماد وهو من أروع الدكاترة الذي يبث الحماس داخل الطلاب وله دور كبير في تحفيز الطالب لا للنجاح فقط ولكن لتستفيد من المادة في حياتك العلمية والعملية اسال الله لنا ولك التوفيق

[شعاع الأمل]

اخذتها ولله الحمد عديناها الدكتور على قولتهم ابن سوق واسلوبه حلو ودائما يضرب لك امثال من الواقع

خذها وتوكل على الله وحاول تسمع المحاضرات اول بأول مو تترك الماده لايام الاختبارات

بالنسبه للاسئله فيها شوي لف ودوران لذالك انصحك بإستماع محاضرات الدكتور انا اعتمدت عالملخص وماسمعت كل محاضرات الدكتور وكان عندي بعض الأخطاء والماده بصفه عامه حلوه

[Adel F]

دكتور المادة متعاون وأسئلته مابين متوسط وسهل ..
لكن المادة منهجها ( حشو ) + ( مصطلحات ) وتشتتك في المذاكرة ..
فلذلك ضروري يكون لها مساحة مذاكرة ، حتى لو كان الدكتور متعاون وأسئلته سهله .. ممكن بسبب عدم المذاكرة الشامله لها تضيعك في الاختبار .. لأنو مثل ماقلت لك مصطلحاتها متقاربه وتشتت ..

ولاتنسى ان قبلها ادارة ماليه 2 ، فـ ماراح تذاكرها الا بعد اختبار ادارة مالية 2 .. ويكون الوقت ضيق .. شوف ايش اللي يناسب قدراتك وقرر ..

ومايمنع تشيك على ملخصها وتاخذ نبذة عنها قبل القرار .. ممكن ترتاح لها وممكن لا ..


..*

[Adel F]

هات جدولك .. وعطني المواد اللي باقي ماخذتها واذا فيه مواد اخذتها من مستويات متقدمة خبرني فيها .. وكم تبغى عدد ساعات ..

..*

[المتفائله 3]

حتى انا متردده لما نزلوا الجدول الثاني كان افضل لنا

[@الصبر@]

دكتورها ما شاء الله شعبي ونصوح وضحوك دائماً

والمادة شيقة للغاية

لاتترد في اخذ المادة ولاتنسى إنها من صميم تخصصنا

[coffee mate]

الماده حلوووووه وممتعه جدا جدا وسهله ولكن وركز على كلمة ولكن!! الدكتور اسئلته جدا صعبه وفيها لف ودوران الله يهديه طبعا مو معناته انك ترسب ولكن مثل هالماده تقدر تجيب فيها معدل وللاسف من اللف والدوران في الاسئله يادوب جبنا c ولكن ممكن الدكتور تغير في طرح اسئلته والشي الثاني عندك نماذج كثيره للماده اكثر من خمسه اترام وهالشي راح يساعدكم
بالتوووفيق

[A3mal_student]

تبدو مادة سهلة
كان عندي نية أضحي بمادتين بسبب ضيق الوقت.

ولكن الحمدلله عدت على خير.

[Ronin]

إذا تقصد أسلوب الدكتور بالمحاضرات فالمادة حلوة
بس كأسلوب الدكتور بالإختبار متعب ويحسسك أنك مافهمت شي ههه

بس الحين سهلات صار قدامك كم دفعة عدّت الإختبار وعندك كذا نموذج سابق محلول يعني ماأظن بيخترع أسئلة جديدة