تحويل الكليه تكفون ساعدوني

[الله كريم]

السلام

كيف حالكم

بس حبيت استفسر هل في تغيير للكليه قبل بدء الدراسه

يعني انا انقبلت في المجتمع بالإحساء

وابغي احول قبل الدراسه للعلوم الزراعيه

لان بعدين مايحولوني من دبلوم لبكالريوس

وانا سمعت ان في تغيير رغبات في 25 هالشهر

هل هالكلام صحيح ولاا

طلبتكم تساعدوني

تكفوون

ردو ابي احول شلون

[الغلا]

اختي انا ماعندي خبر عن التحويل الي سمعتي عنه

بس بعطيج رابط للشروط وان شاء الله يفيدج

http://www.ckfu.org/vb/showthread.php?t=45845

[الله كريم]

مشكوره الغلا

بس للحين مالقيت جواب لسؤالي

ياليت توضحي اكثر

مسموح لي و لا

[الغلا]

اختي اذا تساليني بحسب الي سمعتيه عن التحويل قبل لاتبدا الدراسه

فانا ماسمعت بهالشي ويمكن يكون قرار جديد

بس ماعندي خبر فيه!!

بس الي اعرفه عموما

ان ماتقدرين تحول من كليه لكليه الا بعد ماتدرسين فتره معينه في الكليه وتجيبين معدل محدد

وانتي تبين تحولين من كليه الى كليه مختلفه عنها بس كلهم تبع نفس الجامعه (جامعة الملك فيصل)

اتوقع هالاقتباس يناسبج

2-التحويل من داخل الجامعة :

أ- لتخصص موجود في كلية لأخرى
يجب أن تنطبق على المحول شروط القبول بالكلية في نفس سنة التحويل .
1-أن يكون قد أمضى فصلين دراسيين على الأقل في الكلية المحول منها .
2- أن لا يقل معدله التراكمي عن ( 2من 5) .
3-أن يتقدم بطلب التحويل بستة أسابيع على الأقل قبل بدء الفصل الدراسي ، ويثبت في سجله الأكاديمي جميع المقررات التي سبق له دراستها ، ويشمل ذلك التقديرات والمعدلات الفصلية والتراكمية طوال دراسته في الجامعة – بالإضافة إلى شروط يحددها مجلس الكلية المعنية ...

بالاضافه الى

قد يكون هناك شروط أخرى تشترطها كل كلية لذا على الطالب الاستعلام من عمادة القبول والتسجيل قبل تقديمه لطلب التحويل .



اجرائات التحويل:
أن يتقدم الطالب بملئ نموذج طلب التحويل ويسلمها لعمادة القبول والتسجيل مرفقاً معها نسخه من السجل الأكاديمي للطالب وذلك خلال الفترات محددة ثم يعرض الطلب على مجلس الكلية التي من صلاحياتها الموافقة من عدمها بناء على الشروط المنصوص عليها

وعموما اختي هذي الاقتباسات جبتها لج عشان تاخذين فكره

بس انتي السبت بعد ماتداومين استفسري من كليتج
عشان تتاكدين اكثر واكثر

[بنت الخليج]

انا بعد ابي انقل من لخفجي لاحساء

وسألت عمادة القبول قال لي لازم ادرسه سنه كامله واجيب معدل فوق 3

[ريتاج ..]

انا ما سمعت ان في تغيير رغبات في 25 هالشهر

يمكن يكون قرار جديد مثل ما قالت الغلا

بالنسبه للتحويل لازم تدرسين سنه كامله بعدين تقدمين على طلب تحويل وممكن يقبلون طلبك

بالتوفيق ..