حمسوني على المذاكره ترى قافله عندي 1000

[مملكة الشموخ]

مادري ايش فيني مش مشتهيه اذاكر ولا افتح شي مادري ليه

ساعدوني خوفوني قولوو اي شي يحمسني

متحمسه بس مادري شجاني بسم الله الرحمن الرحيم

[.. هيَـا ..]

هلا وغلا بـ ملكه .. اشحالك يا فتاة ..
أبشري .. ما طلبتي شي يا بعدهم


تراك بتحملين المواد معاك .. وتخسرين مستوى بسبب الاحباط والمزاج السيء

هذا التخويف ..

التشويق ..
الترم هذا قصير .. غمضي وفتحي تلاقيه خلص


التشجيع ..
المتابعة أول بأول راح يسهل المواد .. وكلنا هنا نساعد بعض

المساعدة ..
خذي الأمور بسهاله .. لا تضغطي نفسك .. ذاكري شوي ووسعي صدرك شويات

[( ابو خالد )]

كلنا كذا في البداية لحد ما يتعدل نظام الجامعه بعدين تبدأ المذاكره الحقيقية
انا تقريباً مثلك ,, قل دخولي للمنتدى بسبب اشغالي اللي ماتخلص
لكن ودي ابدأ طباعة الملخصات اللي اعتمدوها ربعنا هنا
علشان ابدأ مذاكره من الآن قبل ما يزنقنا الوقت أو تصير ظروف غير متوقعه

ندائي لقروبي العزيز ( المتهور ) اسعفوني بالملخصات اللي اعتمدتوها وتشوفون انها الأفضل
وأعتذر منكم عن الغياب

[ام-عساف]

هلا والله
منور يالغايب وينك فقدتك ترا وسألت عنك
والملخصات اعتمدنا المحاسبه طموح شايب يشرح لنا كل يوم 6:30
واذا لازم تطبع اطبع ملخص بيزنس او اشتريه
صحه ولياقه بوموزه
التقنيه والعقيده واداب المهنه المحتوى كافي
الانجليزي السكرتير عبادي
الاقتصاد ملخص خجل
اذا مالقيتهم ارفعهم لك

[soul hope]

ترا الضغط والتوتر ابدا مايساعد في المذاكره روقوا وارتاحوا والامور سهالات
كل يوم شوفي محاضرتين واذا قدرتي ثلاث اكثر من كذا لا ياختي لاتكلفين نفسك اكثر من اللازم ترا كل شخص طاقه وقدره مو لازم الكل يتبع طريقه وحده المهم النتيجه في الاخر خلصي الملخصات او اشتريها جاهزه وبعدين ابدي حسب مقدرتك وتجهيزك النفسي وموفقه خير

[.. هيَـا ..]

المشاركة الأصلية كتبت بواسطة ( ابو خالد )

كلنا كذا في البداية لحد ما يتعدل نظام الجامعه بعدين تبدأ المذاكره الحقيقية
انا تقريباً مثلك ,, قل دخولي للمنتدى بسبب اشغالي اللي ماتخلص
لكن ودي ابدأ طباعة الملخصات اللي اعتمدوها ربعنا هنا
علشان ابدأ مذاكره من الآن قبل ما يزنقنا الوقت أو تصير ظروف غير متوقعه

ندائي لقروبي العزيز ( المتهور ) اسعفوني بالملخصات اللي اعتمدتوها وتشوفون انها الأفضل
وأعتذر منكم عن الغياب

يالله إن تحييه
هلا وغلا يـ ابو خالد .. عوداً حميداً
منووووور يا أخوي .. وترى العمر يخلص والأشغال ما تخلص

والله أنا مثلك ,, توني جيت وتقريباً وبتعبير أدق .. أدربي راسي
لذلك أنا معك فـي انتظار المتهورين

[بيـان]

انا مثلك كان مالي خلق ويجيني وسواس ابطل دراسه واتفرغ لبزنزي الصغير

بس أتذكر الفلوس اللي دفعتها ويعورني قلبي واشيل الفكرة من بالي

وافكر الايام رايحه رايحه فخليها تروح بشي ينفعني يعني الافضل تمر 4 سنوات وتكون عني شهاده ولا تمر وانا ماسويت شي

تخيلي اليوم اللي بتتخرجين فيه وبتكونين في قمة السعاده والمستقبل قدامك

اتوقع هالتخيل كفيل بانه يعطيك طاقه

[هولمز]

ما تتصورين قد أيش الضعف إلي يمر على الأنسان ,, وهذا لأنه أنسان يجيه وقت ويكون في قمة تفاؤله

ووقت ثاني يفكر يرفع الراية البيضاء ويسلم للأمر الواقع

لكن ما أتوقع يصير هذا معك ,, تدرين ليش

لأن الشموخ عمره ما أستسلم وعمره ما ترك التعب ينال منه

فكيف عاد وأنتي مملكة الشموخ



هيا .. وأبو خالد الحمد لله على السلامة

[ام-عساف]

انا اختلف عنكم كلكم
دايم بالبيت دوري المحفز للدراسه وماكان عندي دروس
فجاء الوقت اللي ادرس فيه وانا اقول لفلان قوم ولا تهمل
مو حلوه بحقي وانا بنفس الوقت مهمله فلازم اكون بصوره
جيده كبريائي مو سامح لي انقص ولا دقيقه كل يوم بالليل
ساعه اجبر نفسي عليها طبعا واذا فكرت من جانب مادي
زوجي دفع لي عشان واثق مني فلابد ايضا اكون قد الثقه
ربي يعطيني علي قد نيتي ويساعدني لبلوغ مرادي

[هولمز]

المشاركة الأصلية كتبت بواسطة ام-عساف

انا اختلف عنكم كلكم
دايم بالبيت دوري المحفز للدراسه وماكان عندي دروس
فجاء الوقت اللي ادرس فيه وانا اقول لفلان قوم ولا تهمل
مو حلوه بحقي وانا بنفس الوقت مهمله فلازم اكون بصوره
جيده كبريائي مو سامح لي انقص ولا دقيقه كل يوم بالليل
ساعه اجبر نفسي عليها طبعا واذا فكرت من جانب مادي
زوجي دفع لي عشان واثق مني فلابد ايضا اكون قد الثقه
ربي يعطيني علي قد نيتي ويساعدني لبلوغ مرادي

وأنا أتفق معاك أم عساف ..

ما تتصورين كيف وضعي وأنا قاعد على مكتبي فاتح الملخص .. والعالم رايحه وجاية

مابين مابي أقصر في عملي وبرضه ودي أطلع بمعلومة تساعدني على فهم المواد ,,

يمكن ماعندي أحد يتطلع لنجاحي أو ينتظر فشلي وأتمنى من الله يجبر خاطري

وأعوض حرمان السنين إلي ضيعتها في أعتقاد أن الجامعة ماراح تزيد ولا تنقص ..

طبعا كنت غلطان الدراسة جهاد وعز وفخر وأن تأخرت ..