الوقت ضايع بفعل فاعل احنا وش ذنبنا

[totoيارب اتوفق]

تكفون يااصدقائي نكون يد وحده ونتضامن ونطالبهم وبقوه يعطونا زياده وقت انا من الناس اللي بطيئه واحب اقراء الاسئله بهدوء اكثر وتركيز وهما يضيعون اكثر الووقت خايفه احتاجه انا واللي مثلي السمسترات الجايه اكثر من الان ونتورط تخيلو لمن اختبرنا نصف الوقت ضايع مو منضمين ابدا كل شوي اللي واقفه علينا تتكلم وماتقول للبنات يسكتون

حتى بالبدايه لمن دخلت ماشفت اسمي واضطريت ادخل عندهم واسئلهم خفت لايكون انا مو من اهل المركز لمن طلبو رقمي الجامعي الحمدلله طلع اسمي موجود لكن هم اللي تاخرو وكانو مبعثرين وش يسوي اسمي داخل الادراج انا ومن معي ليش ماعلقوه يعني لازم من الحوسه والواحد متوتر وشايل هم الامتحان وهما يزيدون الطين بله ويزيدون قلقه
يعني ضاع الوقت ادور اسمي وانا اي لجنه ولمن دخلت لجنتي الا وألاقيهم لسسه مابدو ووالوقت الافتراضي للاختبار المفروض انو خلاص يبداء ماوزعو الاوراق الا بعد فتره

ولمن عطونا ورقه تعبئه البيانات طولو عبال ماعطونا ورقه الاسئله يعني الوقت كله رااااح في اشياء مالها فايده والاختبار ع ماعتقد اهم والمشكله هاللي توقف علينا ماتعرف شئ تقول انها جديده طيب ليش ماعلموها قبل لا تضيع وقتنا كل مانسئلها سؤال تجاوبنا بشئ مو متاكده منه وهذا غير انهم يقطعون الوقت علينا ويخلون مدري كم مره نكتب اسامينا وارقامنا وسجلنا ونوقع ونتختم ولا اله الا الله...

المشكله مافي احسن منهم بانهم يطلعونا بالوقت من دون زياده اي ثانيه واما البدايه ولا همهم وهذا كله ضدنا حرام اللي يسونه

اللي قاهرني بعد انو ان المديره تبع المركز تقول يلا اطلعو عشان اذا مافيه اوراق اصور هل هذا يعقل طيب انتي صوري زياده ولا تضيعين وقت البنات وتنتظري اذا يحتاجون زياده وورق او لا وش ذنبها تنتظرك وكلن يختبر الا هي وين حنا فيه

الفصل اللي راح كنت بمركز منظم وارقى من هذا بكثييييير يمكن عشان هذا حكومي يعني ياربي لازم اي شئ حكومي يكون فيه خراب واهمال الى متى كذا معنى انو بامكانهم يكونو مثلهم لكن الشكوى لله

اناشد وبقوه انو يمددون لنا الوقت مدام هذي افعالهم يضيعون الوقت وبالاخير يقولون خلص الوقت وخلونا نتعاون ونشكي وهم ع ماعتقد يحطون استبيان او ملاحظاتك ع اللمركز اللي تختبر فيه وان شاء الله بخبرهم ع كل شئ صادفني وازعجني

[بدر 2011]

ماقول غير صبرا جميل
عسى ربي ييسر امرك
ويسهل امورك انتي واللي معك
فالك التوفيق

[Bsho22]

والله المفروض دام هما يضيعون الوقت فالمفروض يعوضونه لكم بالزياده الاختبار مدته ساعتين كامله يعني اي وقت يضيع بسبتهم ما ينحسب من وقت الاختبار بعد ما يخلصون من تعبئة البيانات ويسلمون أسئلة الاختبار هنا يبدا يحسبون الوقت

[DALAL99]

فعلا وقت مواد التخصص تحديداً ي ليت يزيدون على الاقل نص ساعة خصوصاً أهل الانقلش يحول بس
و للي بطيئين يحاولون يجون قبل الاختبار بفترة يعبون البيانات القلق ذيك ..
الله يسهل علينا وعليكم ي رب ويفرحنا بأكبر نجااح

[بوح نبضي]

نفسسسسسسسسسياتهم خايسسسسسسه كآننا آطفال عندهم ينافخون وحالتهم حاله مفروض ينظمون وضعهم ويجون للمركز بدري مو يجون مع وقت الاختبار وينرفزووووونا مادري اذا قيمنا المركز بيعطونا وجه ولا بيسحبون علينا

[أبو تركي الرياض]

اؤيدك .. حيث ان الوقت غير كافي

[ASOY]

المفروض يبدأ الدخول للقاعه بزياده نصف ساعه لكتابه البيانات
وتكون الساعتين لحل الاختبار.

اختبار الرياضيات خلص الوقت وانا لسه ماكملت 30 سؤال صرت
اظلل على أي شي, واشوف الاسئله واعرف احلها لكن ماكو وقت..
قطر عطتهم وقت لتاسعه وربع تعويض عن الوقت اللي راح ماشاء الله عليهم

المراقبات كانوا جدا متعاونات, تجي وتساعدك وتتاكد من نموذجك مطابق مع نموذج الاجوبه
جزاهم الله خير.

[بنت سلام1]

ياريت احد يوصل الكلام لهم مومعقوله الي قاعد يصير