 |
|
||||||
| منتدى كلية الآداب بالدمام منتدى كلية الآداب بالدمام ; مساحة للتعاون و تبادل الخبرات بين طالبات كلية الآداب بالدمام و نقل آخر الأخبار و المستجدات . |
 |
|
|
أدوات الموضوع |
|
#1
2012- 10- 8
|
||||
|
||||
|
.[بنآت الجآمعة -Banat aljam3ah]. كشختك اليومية مع ديم!
اولا بالجامعة مثل كل مكان بس يمكن اكثر.. تلقون كل سنة تتجدد الصرعات اكثر من اي مكان ثانية
وذلك بحكم ان الاغلبية فئة الشابات او البنات اللي 18 سنة والخ..وطبعا الجامعة مافيها لا قيود ولا شروط لكن لو تروحين لاماكن دوام لموظفات او اماكن عمل ثانية بتلقين نسبة اقل متابعه للموضة لانهم اكبر سنا شوي مع ان الاناقة مالها دخل بالسن لكن دايما نلقى كل ما يكون السن اصغر يكونون Trendy اكثر اكيد اللوك مهم جدا بحياة اي بنت لكن بالاخص بفترة الجامعة تبدا البنت تكتشف ستايلها الخاص الستايل الخاص هو بالعربي ( تفسير او تلميح لشخصيتك) .. اذا ستايلك كلاسيك .. او بوهيميان او punk او nerd او chic او ستايل خليجي.. يعطي انطباع عنك طبعا .. من خلال نظرة واحدة للبنت .. تعرفين اللي منتبهة ومطلعه على الموضة و اللي مهملة واللي تدقق بالتفاصيل واللي ذوقها عدم بالتنسيق وكل هالاشياء طبعا تنحط بالاعتبار و احيانا تحكمين على الشخص ومستواه المادي والاجتماعي من لبسه!! للاسف هذا مجتمعنا نحكم على الشخص من شكله وهذا واقع لازم نعترف فيه طبعا ارجع واقول ان هالشي خاطئ تماما انك تحكمين على الاشخاص من اشكالهم بس 50% يظل فينا هالصفة ان نحكم عليهم ونعرف شخصيتهم ويمكن حتى من اي بلد واي اصل!! علشان كذا اقول انتبهو لموضوع الموضة والفاشن و اكيد البسو اللي يناسبكم يعني حلو الواحد يتابع الموضة بس ما تكون هوس وعموما فترة الجامعة المفروض تكون فترة شباب ووناسة يعني اذا ما انبسطتي بهالسنين متى بتنبسطين ..؟ واحب انووه ان البنت اللي تعوود نفسها من ايام الثانوية او من ايام الجامعة انها تهتم باناقتها وشكلها الخارجي راح يصير عندها روتين وتلقينها حتى لما تكبر وتعججز تكون انيقة ومتجددةبينما المهملة تلقينها تعلللق على نفس الشكل وتهمل شكلها و عالارجح الثنتين ينقلون هالاشياء لعيالهم بالمستقبل.. يعني المهملة بناتها يصيرون مايعرفون يلبسون ولا يحطون ميك اب واللي تهتم تلقين بناتها مكشخين.. لا تفكرون الموضوع تافه او غير مهم او اللي تقول بعد الجامعة ببدا .. صدقيني ترا والله العظيم المظهر مهم جدا جدا جدا وخاصة بزمننا هذا المهم ما علينا من كل هالكلام  اولا طبعا بنبدا باللبس  التوبآت لازم يكون عندك تشكيلة منووعة و مختلفة بالتصاميم والالوان و الخامات يعني اكبر خطأ تشترين نفس القطعة الوان او نفس الموديل اشكال يطلع للناس كانك لابسه نفس التوب!!! راح تحتاجين: -قمصان / طبعا حاولي تختارين الالوان السماوي او baby pink و الابيض لانها الوان هادية وحلوة بالنهار مع اضاءة الشمس وتناسب السمر والبيض وحلو انك تجربين القمصان المخططة بالطول تخطيطات ناعمة وبالوان هادية وابتعدي عن القمصان الساتان او الحراير لانها ما تصلح مع حرارة الشمس ومزعجة لان الدوام فيه حركة كثير و شكلها (متكلف او مبالغ فيه) للدوام او النقشات المزعجة للعين وطبعا اي شي ترتر او لماااع انسي تلبسينه. - تي شيرتات/ سادة اسود وابيض لازم يكون عندك قطع كلاسيك ..لايام زهقانة مالك خلق.. وطبعا ممكن تلبسين تي شيرتات منوعة .. عموما انتبهي لنقطة انك ما تلبسين شي فيه شك او ترتر او اشياء لممماعة او الوان مزعجة للعين و فيه حاليا موضة دارجة اللي هي تي شيرتات قطن مطبعة بالزهور مثل الصور اعلاه هذي مرااا كيووت ومريحة باللبس و تخفف عنك الحرارة والرطوبة ،ومهم تبتعدين عن التي شيرتات اللي مكتوب عليها عبارات وقحة او مزعجة للنظر في كلام ما يصلح تلبسينه بالدوام . -سويترات او جاكيتات/ ممكن تلبسينها بالوان و ممكن تكون مبطنة بلون ثاني .. بس حاولي تختارين خامات خفيفة و مناسبة للجو والمكان والالوان تكون معقولة.  القطع السفلية~ طبعا اهم شي انك تنووعين لان اذا لبستي قطع متشابهه راح يبين انك تلبسين نفس القطعة مليون مرة فبالنسبة للبنات اللي مضطرين يلتزمون بتنانير رمادية او سودا او الوان معينة .. جبتلكم موديلات زي ما انتو شايفين فووق انها مختلفة تماما الديتيلز يا بنات مهمة جدا .. واحدة ستايل الخمسينات والثانية ضيقة وبعدين تكون واسعة من تحت وواحدة فيها ازارير ستايل نيفي شوي وواحدة سادة لكنها هاي ويست وواحدة بينسل سكيرت وواحدة كلاسيك سادة يعني لاحظو كل تنورة موديلها مختلف مع انهم كلهم لونهم اسود وهذا اللي احب اقوله .. لما تسوينلك تنورة او تشترينها حاولي تغييرين بالموديلات ..  الحقائب~ بالنسبة للشنط لازم تكون عندك شنط كبيرة ومريحة باللبس.. بس لا تعلقين على نفس الشنطة!!! اختاريلك 5 او 4 شنط مبدئيا وحاولي تغيرين بين فترة وفترة ..اهم شي تكون كبيرة وقادرة على التحمل وخامتها (ماتتوسخ بسرعه) علشان كذا ما انصح بالوان فاتحة مثل الكريمي او الابيض لانها تتوسخ بسرعه حاولي تختارين الوان مميزة وارجع واقول البساطة افضل حل.. اخطاء شائعة/ - الاحظ بنات ياخذون شنط البحر على اساس انها شنط للجامعة !!!! هذا اكبر خطأ ويدل على (تخلف) البنت صراحه هذي اول فكرة تجيني لما اشوف هالحالات بالجامعة لان شنط البحر للبحر وشنط العادية غيرر .. - شنط الدعايات ... هذي ما تنلبس بعد .. في شنط من بلومنغدايل هذي صراحة مدري وش تحس فيه اللي تلبسها والمشكلة اكثر من واحدة مدري مين قاص عليهم شكل مراا يفشل!شكلها بلاستيك ومرا مو مرتب! -شنط الترتر او اللي تلللمع جليتر .. هذي ما تنلبس بالدوام ابدا ابدا ابدا ..  الاحذية~ مهم الاحذية تكون فلات وعملية!! صراحة الكعب ما انصح فيه ابدا ابدا و اصلا صوت الكعب يطقطق بالجامعة ما يدخل عقلي .. ما احسه يصلح لمكان اكاديمي! لكن الفلاتات مهم تنووعين فيها وممكن تلبسين شوز التنس الابيض الكلاسيك مراا كيوت .. ولاتنسين النقشات والالوان تكون حلوة وبسيطة .. اخطاء شائعة/ - خطأ تلبسين نعل البحر او النعل اللي مفتوحة بدون سير مثل (نعل الحمام او شبشب البيت) هذي ابدا ابدا مو مرتبة فضلا عن انها تعطي مظهر رث و (غير حضاري) للبنت. - خطأ تلبسين صنادل رومانية .. احس هالاشياء حتى لو حلوة بس ما تصلح لمكان اكاديمي يعني لازم تعرفين ملابس الطلعة وملابس بحياتي العادية وملابس الدوام لازم تكون فيه لمسه رسمية شوي. -خطأ تلبسين صنادل او فلاتات فيه اشياء لميعة او جليتر او سيكوين .. لانها ما تصلح للنهار اساسا!!  اكسسوارات~ بالجامعة اكبر واهم الاكسسوارات تكون بالساعات و الحلقان والنظارات .. طبعا ممكن فيه سلاسل وخواتم يعني هالاشياء بالنهاية ترجع لذوق وستايل وشخصية البنت وايش تحب لكن يفضل ان تكون قطع ناعمة ومطفية ومريحة للنظر و تكون صغيرة او متوسطة الحجم ..القطع التشانكي او الكبيرة والتصاميم المعقدة خليها للطلعات او بحياتك الشخصية لكن بالدوام لا تلبسينها.. الشعر~ بالنسبة للشعر حسب طول شعرك وملمسه وتكوينه .. اهم شي تهتمين بالجامعة لكونك طبعا بتاخذين شاور يوميا انك ترطبين شعرك بالكريمات بالويك اند وتستخدمين ماسكات شعر و كونديشينر مناسب و تهتمين فيه .. لكن ارجع واقول السيشوار والفير وخاصة السيراميك حاولي تستغنين عننه قد ما تقدرين ولو مضطرة تستخدمينه يوميا لازم وضروري تستخدمين (واقي الحرارة) مثل ماركات تريسيمي وغيره .. يحمي شعرك مع ان اكيد راح يتضرر على المدى الطويل.. حاولي تجربين اطلالات مختلفة وانا جبتلكم هذي الصور ممكن تخلينه ويفي طبيعي او تجربين الظفاير لان ممكن تسوين حركات مثل كورتني هنا مسويته بطريقة مرتبة وTrendy  الميك اب~ لازم لازم لازم الميك اب يكون ناعم وبسيط لكن لازم يكون فيه ميك اب .. انصدم من كمية البنات اللي يجون وجيهم مغسولة!!!!!  كانها واحدة فيها مصيبة او جاية من سفر!! وتلقين وجهها اصفر او شاحب و حالتها حالة وشكلها (رث) ما كانها جاية دوام كانها رايحة عزا وفي اللحظة الاخيرة ! اختاري الوان مطفية لا تقربين من الالوان اللي فيها لمعه او شيمر .. اختاريها بالوان بشرتك يعني ترابية او بيجيات عامة .. وانسى تماما شي اسمه اسود او الوان فاقعة او صارخة! *طبعا الاهم من الميك اب الـwaxing للمناطق مثل فوق الشفتين (الشنب) لان بعض البنات اللي يصلحهم تحط ميك اب فوقه ويصير عندها شنب اخضر +تشذيب الحاجبين وترتيبهم ورسمهم بطريقة صحيحة ونظيفة مهمة جدا جدا جدا .. الفاونديشن يكون طبيعي شكله و طبقته خفيفة مناسبه للنهار و لو تلقين كريم اساس معه وقايه من الشمس يكون افضل . الارواج اختاري اللالوان اللي تبينها بس اهتمي انها تكون مناسبة لدرجة اسنانك وكيف بيطلع شكلها مع اضاءة الشمس او اضاءة الكلاس ! اخطاء شائعة/ -بنات ما تهتم بازالة شعر الوجه او تشذيب الحاجبين باستمرار وهذا خطأ. -بنات يحطون ارواج حمرا او بنية بالدوام وهذا شي خطأ لانه يعطي لوك اووفر ومؤذي للعين فضلا عن انه لوك مسائي ما يصلح للنهار اساسا. - اللي يبالغون باضاءة تحت الحاجب ويصير مزعج للعين وباضاءة الكلاس كانها راسمه بالابيض تحت حواجبها. - اللي تبالغ بالبودرة بعد الفاونديشن و تنتهي بلوك (طحيني). -اللي يختارون فاونديشنات غير مناسبة لدرجة بشرتهم و يصير لوكهم (شاحب مائل للرمادي) او يبالغون بالبرونز ويصير (وجهها احمر وبني). -الارواج المات على الشفاه المتشققة اكبر منظر مقزز! -المبالغة بالبلاشر تعطي لوك (مهرجين السيرك). وبالنهآية الاهم ان ننتبه بالتفاصيل وهي بالبداية ممكن للي اول مرة يكون صعب عليهم لكن بعد فترة بيكون موضوع روتيني و سهل وماياخذ الا 20 دقيقة بالكثير.~ مهم جدا نهتم بالمظهر يكون لائق ومرتب ومنسق ويناسب مكان و الهدف اللي انتي جاية علشانه بنفس الوقت ما نبالغ بالبساطة ونصل لدرجة الاهمال يطلع شكلنا (رث)<<مدري وش فيني على هالكلمة خخخخخخخخخخ يعني يطلع شكلنا مزري وكاننا جايين من عزا او مستشفى او مصيبة .. و عموما الاناقة مَلَكة تتوفر ببعض الناس وليس الكل .. لكنها مكتسبة .. ارجع واقول .. في فرق كبير بين كلمة (مرتبة ) و كلمة (انيقة)! الاولى يعني واحدة مرتبة متناسقة .. لكن الثانية يعني واحدة فاهمة ومتابعه وعارفه هي ايش تسوي.. واكبر خطأ التقليد اللي اشوف كثير بنات يطيحون بهالخطا بالجامعة تشوف واحدة وتنسخ ستايلها تراه جدا جدا يدل على قلة الثقة بالنفس وشي سلبي جدا و ترا باين للناس مين يقلد ومين الاصل فترا ما يضحكون على احد هالاشكال .. التوازن هو الحل .. ايه احط ميك اب والبس واتانق لكن بشكل فيه لمسة رسمية تناسب المكان اللي اانا رايحه له وللهدف اللي رايحه له وللزمن اللي رايحه فيه.  المصدرhttp://www.shamoa.com/vb/forumdisplay.php?f=11 التعديل الأخير تم بواسطة ديم2008 ; 2012- 10- 8 الساعة 09:19 AM 
|
|
2012- 10- 8
|
#2 |
|
متميزة في كلية الأداب بالدمام
|
رد: .[بنآت الجآمعة -Banat aljam3ah]. كشختك اليومية مع ديم!
موضوع جدا رائع
بس م نوهتي عن العطوور والاستحمام يعني بنت تجيك كاشخه وستتايل ومره روعةة وريحتها اعوذ بالله كريهه تزعج اللي حولها لاتكشخ \ انا عندي تلبس شى غبي وكريهه نفس ريحتها عذرا بنات بس بجد يعني لاجينا نشتري من الكافتيريا نكتم نفسنا مع الازدحام يعني موب حاله بناات حبايب انتبهوا لاتغركم الكشخهه ترى الكشخهه تجنن بس تطلع احلى مع ريحة تهبل حلو لا حد مر يمك يقول حلو عطرها مش ياشين ريحتها حظ موفق 
|
|
|
|
2012- 10- 8
|
#3 |
|
أكـاديـمـي فـعّـال
|
رد: .[بنآت الجآمعة -Banat aljam3ah]. كشختك اليومية مع ديم!
|
|
|
|
2012- 10- 8
|
#4 |
|
أكـاديـمـي فـعّـال
|
رد: .[بنآت الجآمعة -Banat aljam3ah]. كشختك اليومية مع ديم!
يعطيكي ربي الف عافيه على الموضوع الحلو
|
|
|
|
2012- 10- 8
|
#5 |
|
أكـاديـمـي فـعّـال
|
رد: .[بنآت الجآمعة -Banat aljam3ah]. كشختك اليومية مع ديم!
موضوع جدا رائع و مشوق
 كسر لروتين مواضيعنا المعتاده يعطيج العافيه ..... |
|
|
|
2012- 10- 8
|
#6 |
|
أكـاديـمـي
|
رد: .[بنآت الجآمعة -Banat aljam3ah]. كشختك اليومية مع ديم!
موضوعك قمة فالرووووعة...... والأناقة شئ أساسي في حياة اي بنت.
|
|
|
|
2012- 10- 8
|
#7 |
|
أكـاديـمـي ألـمـاسـي
|
رد: .[بنآت الجآمعة -Banat aljam3ah]. كشختك اليومية مع ديم!
الكشخة الحقيقة ,, هي آللي يحدّها إطار الحشمة و الستر ,,
يعني مو تلبس قصير و ينطلونات و ضيق و تتشبه بالممثلة الفلانية و العارضة العلّانية و المغنيّة الفلنتانيّة سواءًا باللبس أو قصات الشعر أو غيرها فيه ناس فاهمة الكشخة غلط ,, فاهمة الكشخة بلبس السكيني و الضيق و البنطلونات القصير و تقليد الفنانات ,, و هالشي إذا ما كان حرام فهو على الأقل ( عيب ) عيب تلبسين القصير و العاري و تذوبين شخصيتك في قالب غربي كافر ,, لأن التعرّي من سمات الكافرات ,, و ديننا دين حشمة و ستر و وقار و أدب و ( حياء ) و أخلاق ,, مو تفصّخ و ألبسة فاضحة تصف و تشف ,, تكشف أكثر مما تستر ,, قبل لا نجيب طاري الأناقة المفروض نتكلّم عن الحشمة قبل كذا ,, هيّن الأناقة نقدر نحصلها بسهولة ,, لكن الحشمة آللي اختفت من ملامح بناتنا ,, العروس مأساهـ !! الحفلات مصايب ! بنات يتسابقون للتعري و على بالها كاشخة الحين وش تسوى عليك لو تلبّسك جنّي و صرتِ ملبوسة و انهبلتِ ؟ وش تسوى عليك لو انصكّيتِ عين و تشوّه منظرك ؟ يعني ما نتوب إلا لمّا تصيبنا مصيبة و نتعرض للعقوبة ؟ يا ليت تقرون هالموضوع يا بنات : بسم الله الرحمن الرحيم السلام عليكم و رحمة الله و بركاته كيف حالكم بنات عساكم بخير يا رب أحبكم في الله تفضلوا : ماذا يحدث لو لبستي لباسًا عاريًا ؟ 1) لا تدخلين الجنة و لا تجدين ريحها ، 2) تصبحين من شرار الخلق لأن تعرّيك عبارة عن مجاهرة بالمعصية و المجاهرين من شرار الناس كما ثبت في الحديث الشريف . 3) إنك عرضة إلى الأذى الشيطاني ( مس ، حسد ، عين ، تلبس ) إلـخ ، و الكثيرات من اللواتي يعانين من تلبس جان كان بسبب تعرّيهن . 4) أنك معرضة إلى سوء الخاتمة ، فإن متّي بمثل هذا اللباس فإنك ستُبعثين عليه .. فالمرء يعبث على ما مات عليه .. 5) فعلك هذا لا يرضي الله البتة ، و أنتِ تستخدمين نعمة الجسد في معصية الله ! و هذا من كفر النعم و الله يقول ( لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيد ) 6) لباسك هذا فتنة للنساء مثل ما هو فتنة للرجال و بهذا تكونين معرضة لعذاب جنهم و عذاب الحريق فالله تعالى يقول ؛ ( إن الَّذِينَ فَتَنُوا الْمُؤْمِنِينَ وَالْمُؤْمِنَاتِ ثُمَّ لَمْ يَتُوبُوا فَلَهُمْ عَذَابُ جَهَنَّمَ وَلَهُمْ عَذَابُ الْحَرِيقِ ) 7) لباسك هذا سيطعن في تربية والديك و أخلاق و رجولة أخيك و زوجك ! لأن أول شيء سيُقال عنك : فلانة ما رباها أبيها و لا ربتها أمها ، فلانة زوجها ديوث أخيها ديوث كيف يرضى لها تطلع بهذا المنظر ؟ الديوث هو الذي لا غيرة له على محارمه كما ثبت في الحديث الشريف .. 8) من الذوق أن لا أتحدث بصوت عالٍ في حضرة نائم حتى لا أزعجه ! و من الذوق أيضًا أن لا ألبس العاري حتى لا أزعج الحاضرين ، 9) أميرات بريطانيا لا يرتدين اللباس العاري ! فهنّ يرينه لباسًا لبنات المراقص و النوادي الليلية ! 10) إذا كان جسدكِ هينًا عليك فنحن أعيننا غالية عندنا لا نريد أن يسلبنا الله عز و جل إياها بسبب النظر إلى مناظر العُريّ ، 11) الناس على أحوال : هناك من سينظر إليك و يستعيذ بالله من أن يكون مثلك و هناك من سينظر لك و يقلدك فتبوئين بإثمه و هناك من سيدعو لك بالهداية و هناك من سيدعو عليك فليس سهلاً أن تفسدي على المرء دينه .. سواءًا كان الناظر إليك رجلاً أو إمرأة .. أخيرًا : إذا علمتي مثل هذه الأمور المرعبة فهل ستتجرأين على معصية الله ؟ أحسب أنني برسالتي هاته أنني أقمت الحجة عليك إن شاء الله .. و أمر الأخذ بنصيحتي عائد إليك طبعًا ،، لكن لي رجاءًا أخيرًا : إذا وقفتي بين يدي الله للحساب و الجزاء و كانت الشهود منك و الشهادة عليك : لا تنكري أن أحدًا لم ينصحك ! ها أنا ذا نصحتك !! بقلم / الفجر الباسم يا ليت تنشرونه حتى تعم الفائدة . |
|
|
|
2012- 10- 8
|
#8 |
|
أكـاديـمـي
|
رد: .[بنآت الجآمعة -Banat aljam3ah]. كشختك اليومية مع ديم!
الله يعطيك العافيه موضوع واقعي وجميل
|
|
|
|
2012- 10- 8
|
#9 |
|
أكـاديـمـي فـعّـال
|
رد: .[بنآت الجآمعة -Banat aljam3ah]. كشختك اليومية مع ديم!
 good |
|
|
|
2012- 10- 10
|
#10 | |
|
أكـاديـمـي ذهـبـي
|
رد: .[بنآت الجآمعة -Banat aljam3ah]. كشختك اليومية مع ديم!
اقتباس:
العطور وادوات النظافه الشخصيه متوفره بكل مكان لكن بعض البنات الله يهديهم مايهتمون وين تودي مكافاءه الجامعه مدري |
|
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| ][乂النصر乂][ رابطة الملكي][乂النصر乂][ | ₪ƦάЂƳ ДĽ7εƧ₪ | ملتقى الرياضة | 3666 | 2013- 10- 7 10:07 AM |
| طلب الاخت املي بالله كبير المحاضرات مكتوبة | مديناوي | مواد مشتركة - ارشيف تربية المستوى 5 | 19 | 2011- 12- 22 01:37 PM |
| استيضاح | جنان55 | ارشيف المستوى 3 تربية خاصة | 12 | 2011- 11- 29 01:55 PM |
| مادة التربية الخاصه في المملكة | الماستر هدفي | ارشيف المستوى 3 تربية خاصة | 9 | 2011- 6- 6 09:14 PM |
