[ جميع التخصصات ] لصديقاتي المستجدات...♥

[تهولة]

الجامعه أحلى مرحله نُمر فيها احنا البنات
ندخل مرحله جديده وعآلم جديد
نحب نظهر كُل شئ كان مستخبّي طول هآلـ 12 سنَه
نحب نتحدى آللي حولنآ ونتحدآ أنفسنآ في كثير أمور
نثبت ب اننا قآدري على التفرد والإعتماد على أنفسنآ أكثر من أي وقت


وبما اني تخّرجت وودعت الثآنويه وحوستها وصرت الحين جآمعيه
فَ فيه نقآط ودي أتكلم عنها مررره مُهمه لكل المُستجدات ؛
وان ششالله الكل يستفيد منهآ


أولاً : آلآستعداد النفسي

1 / هيئي نفسك للجامعه .. للمجتمع الجديد .. للبنات والآشكال والألوان اللي بتقابلينها
المعروف أن دوامات الجامعه بعد المدآرس ب آسبوع يعني الأسبوع الأول مايداوم بنات كثيير
روحي أول يومين ع الأقل تعرفي ع الجامعه ع المداخل والبوابات ع مكآتب المُشرفات والإداريات
شوفي قسمك والكفتيريآ وكككل شئ
حتى بآلمره تشوفين مشرفآتك وجدولكِ
وأتوقع بعض الجامعات إجباري للمستجدآت يداومون آول آسبوع عشان إختبار الكفايه أو شئ زي كذآ
المُهم روحي من بدري عشان مايكون حولك بنآت كثيير ومآتنحرجين ولآشئ
2 / آستوعبي فكرة أنك في الجامعه أولا وأخيراً عشان تتعلمين
فـ لآتشغلين عُمرك بالشيل والحط واللبس والكشخه المُبالغ فيها
في نفس الوقت لآتهملين نفسك وتجين وجهك بآهت وحالتك حاله
3 / كوني وآثقه من نفسك , وآآآآآثقه من نفسك
وآثقه من قدرآتك ومهاراتك وأسلوبك وشخصيتك وشكلك وهيئتك
وآحرصي تكون لكِ شخصيتك المُستقله ورأيك الخاص
4 / النميمه . الكذب . القيل والقال . سوالف الحب والأعجاب والعلاقات الماصله
هذي كُلها ألغيها من قآموسك , أجل ايش فآيدة ثقتك وشخصيتك وتميُزك بعد مآتسوين أو تتصفين بهالصفآت
5 / طولة اللسآن
آنتي بنت جآذبيتك وتميُزك كله في هُدوئك ورزآنتك حررررآآآآم تخربين على عُمرك وأنوثتك
الشخصيه المُتزنه الرقيقه والوآثقه مآتجي ب الصراخ
فـ خليكِ هاديه , رزينه وذربه إذا تكلمتي بأسلوبك تجبرين الكُل ينصت لك ويسمع
وإذا أنوخذ لكِ حق -أياً كان- لآتسكتين آسترجعيه وأعتمدي ع نفسك
ما أقصد إذا سبك أحد سبيّه ووووو - لآ قصدي الإتهامات / السرقآت .... آلخ
وتوقعي أي شخصيه ممكن تقابلينها وتحتكين فيها وأي موقف ممكن يصير لكِ
فـ آمسكي نفسك وحآولي تكون ردآت فعلك مُهذبه
6 / كوني إجتمآعيه ولبقه في التعامل
سآعدي آللي يحتآج مُساعدتك ترا والله تجيكِ ايام غبره تحتاجين المُساعده فيها
كوّني علاقات وصداقات وأكسري الملل والوحده في حالة مامعكِ أحد من صديقآت الثآنوي
إنتقي صديقآتك ولآحظي ماقلت إختاري
إنتقيهُم وأعرفي مين أنتي مصآحبه ومع مين تجلسين وتتكلمين
* فيه حاجه مُهمه ودّي أنبهكُم عليها
راح تشوفين بنآت كثيييير اللي معروفه ب ميآعتهآ وقلة أدبها
والي معروفه بإنها رآعية إعجاب وحركآت بنآت / وآللي تكلم شبآب وتطلع و و و و و
لآتقولين بصآدقها أوسّع صدري وحركاتها وقلة أدبها تلحقها هي مالي دخل
لآ لا لآ يابنات ؛ والله الكلام يلحق والناس مالها غير الي تشوفه
فـ إنتبهي وحافظي ع نفسك وسمعتكِ حتى لو ماسويتي شئ الكلآاااااام يلحقك
وتأكدي إن آللي يبغآ يعرفك بيسأل عن صديقآتك قبل يسأل عنك
7 / خليكِ دائما مُبتسمه ووجهك بشوش
مود النفسيّه والتكشيره اللي ف الصُباح إنسيه
وسعّي صدرك حتى لو ماصار شئ يسعدك إستآنسي إنتي وابسطي عمرك
يعني تنتظرين تجيك السعاده والوناسه تقول تكفين تكفين آبتسمي ؟
طبعاً لآ .. فـ إنتي بس ابتسمي من قلب وسمّي بالرحمن والبآقي يجي إن شاء الله
8 / إنتبهي لـ أشيائك وشنطتكِ , مو أي مكآن تجلسين فيه ترمينها وتقومين
الشنطه بيكون فيها عبآيتك وملآزمك وجوالك وبوكك والبوك فيه بطآقاتك وفلوسك ..
فـ أحرصي احرصي احرصصصصي عليها
9 / آحرصي ع الوقت
ترآ مافيه جرس يدق ويجون الآستاذات يقشونكم ع الفصل
ومآفيه مُشرفآت إذا شافوك تتمشين هآوشوك ودخلوك الفصل
فيه أنتي وإعتمادك ع نفسك
الساعه شئ ضرووووري ومهم , لاتنزل من يدّك آبببببد
وإذا أنتي من النوع اللي مآينتبه للوقت وللساعه زيي وقتي منبه جوآلك أضمن



ثانياً : النظافه

طبعاً ومايخفى عليكُم حبيباتي كيف جونآ لطيّف مرره
فـ اهتموآ بالنظآفه , أحرصوآ عليهااا وخليكُم بطلآت



ثالثاً : ستآيلك

1 / الشعر

ممكن تسوينه ستريت وتخلينه < مع إني آحلف ماتجي الساعه 10 إلآ رافعته
أو كعكع
أو ويفي بسيييييط
أو تجعيده خفيفه وبدون جل وحوسه تعطي شكل حيوي وصبآحي

الفير الكثيف والجل والتسريحات واللمعآت وهالحوسه آلي تخليّ رآسك كأنه مزهريه إبعدوآ عنهآ
أتذكر قبل في الثانوي إذا صار حفله والا شئ يجون بنآت
تقولين بسس شكل عندها بارتي والا حفله وجآيه المدرسه بالغلط
مررره شئ مُقزز ومُضحك ومُزعج وكل شئ أنك تسوين تسريحه وحوسه في الصبآح وفي مكان عمل
فـ خليكم سنبل وكيوووووت أكثر شئ -_-


2 / آلشوز

الكعب ومو مريييييح أأأأبد وآوفر بعض الشئ
الصنادل تتوسخ الرجل فيها وتسوّد وحالتها حالها
فـ الله يسَلم الفلآتات

3 / الشنط

الشنط آحجام .. صغير - وسط - كبير
الصغيره آشطبيها من قائمة مشتريآتك ماتشيل شئ وحتى شكلها
معروف عفش الجامعه كثيييير فـ الأفضل والأحسن تآخذين بآق كبيييره شكلها أنيق وكآجول و على الموضه وتشيييل العفش وتأدي الغرض
وممكن تآخذين وسط إذا حسيتي إن آشيائك ماراح تكون كثيره

4 / اللبس

فيه أشياء آحسها مآتصلح للجآمعه وللدوآم , وممكن غيري ما يأيدني في هالنقاط


المهُم :


تنآنير الجينز ( x )
تنآنير بموديلات واشياء معلقّه وجيوب كبآر وحوسه ( x )
الكعب ( x )
الصنآدل ( x )
تنورة السكيني لوحده بدينه أو قصيره ( x )
تيشيرتات الرسومآت والفيسآت واشياء المبزره ( x )
إكسسوآرات ملونه وبلآستيك ( x )


* بشكل عآم

- مثل مآلكِ شخصيه وأسلوب مميز , لازم تكون لك طلّه وستآيل خآص
- لآتقلدين آحد ولآتتأثرين بأحد
ممُكن تقتبسين فكره عجبتك لكن مآتقلدينهآ طبق الأصل
- لآتخلي طلتك مُكرره
بـ معنى إن المفروض منك تلبسين مره رسمي , مره سبورت , مره كآجول .. وهكذآ
- لآتكلفين آهلك فوق طآقتهُم
مو كل من لبس مآركه وآآو وكششخه مره
كثير آشياء عآديه أحلا من الماركآت بكثييييير
فـ شدي حيلك ب التنسيق وخليكِ وآآآو
- إلعبي ب آلتيشيرتآت والبديآت وهالأشيآ
تقدرين تلبسين بدي وآحد مليون مره ف السنه ومحد ينتبه إنه نفس البدي
مره دخلّي سكآرفات وأكسسوآرات - مره إلبسي جآكيت - مره دخليه تحت التنوره ومره طلعيه وإنتي وذوقكِ
- ثقي تماماً إن مو كُل موضه تنزل ممكن تصلح لك وتنآسبك
- والأهم من كُل هذآ رآعي حُرمة آلله في لبسك وحيآتك كلها

.
.
للأمانة الموضوع منقوول..وحبيت افيد البنات بكم فكرة

[تهولة]

المطلوب : دحينه هو آنو كل وحده جآمعيه تتفضل هنآ
سوآء للمسآعده آو لعرض خلآقينهآ
آو لتبدي رأيهآ في آي شي او تنتقد شي
يعني الحين كل وحده تنزل صور لموديلآت وستآيلات
تصلح للجآمعه .. آقمصه , شنط , شوز , عطورآت , تسريحآت شعر ,, إلخ
آو تصور آغرآضهآ وتنزلهآ

يشَمل :

- تجهيزآتنآ من ( ملآبس - شنط - آحذيه - آكسسوآرز )
- إستفسآرات بخصوص لبس معين أو شنطه مُعيّنه
- تعليمآت أو شئ تحسينه مُمكن يفيد البنآت آضيفيه
- عندك شئ متوهقه أيش تنسقين معه هآتيه وتعآلي نتسآعد
- شفتي شئ في محل مُعيّن حآبه تدلين البنآت عليه تعآلي هنآ وخبريهُم
- آشتريتي شئ تعآلي شآركينآ وقولي لنآ كُل تفآصيله
.
.

الموضوع لكُم | حيآكُم

.
.
اتمنى تنال الفكره على أعجابكم
.,

[Eman1]

يعطيك العافيه

[روناا]

ياااااااااي مشكورة والله يعطيك العافيه
مررررررررة حلو الموضوع
بشوف اذا امداني اصور بعض تجهيزااتي وانزلها

[Queen jewel]

,,

يسلمو تهولة
الله يعطيك العافيه

,,

[تهولة]

اووه فيه تفاعل شوي..

ببدأ انا اجل ههاع
انا ابي اشتري واقي شمس بس مادري اي نوع افضل...؟؟
العام ماشريت وانقلب لوني عددل

[Eman1]

سؤال ع الطاير بما إنك ذكرتي واقي الشمس


الحين الامن يطلعوننا برا ؟ والا عادي نقعد بالصاله وداخل !


خير حر طيب


- أدري سؤال داخل طول

[صمت الفراق]

تسلم الايادي موضوع ممتاز استفدت منه كثير

[تهولة]

Eman1
لالا ابد اخدي راحتك هههاع
بس داخل الاقسام مايرضون الامن
بالصالة عادي

[Eman1]

أها



أشوا حسبت بعد