فقه المعاملات1 سؤال وجواب

[العـــــزي]

السلام عليكم ورحمة الله وبركاته

أعزائي الطلاب والطالبات

أسعد الله أوقاتكم باليمن والمسرات ( اليمن)<- بضم الياء لاتفهمون غلط

المهم

المحاضرة الاولى

زي ماعرفتو قبل بأختصار ان شاء الله نلم بأهم مافي المحاضرة


بسم الله نبداء


<- من اولها جاه النوم

-----------------------------------------

س: ماهي شروط البيع ؟
1- ما يشترط في العاقدين .
2- ما يشترط في المعقود عليه .


س: إذا فقد شرط من شروط البيع هل يصح البيع أم لا ؟
لايصح البيع


س: كم شرط للعاقدين وأذكر كل واحد منهما ؟
1-التراضي من الطرفين فلا يصح أذا كان:
-احدهم مكره بغير حق مثال (لقول النبي انما البيع عن تراض).
-ويصح اذا كان مكره بحق.(لو أكره الحاكم على بيع ماله لسداد دينه).

2- ان يكون جائز التصرف حراً رشيد ولايصح لصغير او سفيه او مجنون.

3-ان يكون لكل العاقدين مالك للمعقود مثال( تروح تبيع سيارة اخوك بكيفك هو )

س:ماهي شروط المعقود عليه ؟ وأذكر مثال على كل منهما ؟
1- ان يكون مايباح الانتفاع به مطلقاً مثال(الخمر والخنزير لقول الرسول ان الله حرم عليكم الميته والدم ولحم الخنزير ..... الخ ) حتى لو شحوم الميته التي يدهن به السفن حرام

2-يشترط بيع من ثمن ومثمن ان يكون مقدور على تسليمه مثال ( ماتبيع عصفور بالهواء طار او حمامه لك طارت وتوهقت وتروح تبيعه على جاركم .

3-كل بيع يكون عند المتعاقدين معلوم لأن الجهاله غرر والغرر منهي عنه مثال :
لايصح شراء مالم تراه - ولابيع حمل في بطن - ولا لبن في ضرع - ولابيع الملامسة مثل اي ثوب لمسته عليك بكذا - ولابيع المنابذه مثل اي شي طاح منك فهو بكذا - ولابيع الحصاة مثل ارم الحصاة واذا طاحت على اي ثوب فهو بكذا .


انتهت المحاضرة الاولى

[القلب الحنون س]

تسلم يمناك يالعزي

مشكور وما تقصر الله يجزاك الجنه يارب

بانتظار بقية المحاضرات
بالتوفيق

[القلب الحنون س]

وخل عنك النوم

[أبو البراء وإياد]

العزي الكل ينتظر جديدك هههههههههه

[أبو البراء وإياد]

ركزوا ع المحاضرة السابعة اشوفها مهمة خصوصا احكام بيع الاصول

[العـــــزي]

س: ماهي البيوع المنهي عنها ؟

1- البيع وقت صلاة الجمعه لمن تلزمه الصلاة وباقي الصلوات ( لأن البيع اكثر مايشغل المرء).
2- البيع الشي لمعصية الله كبيع العصير للي يصلح خمر .
3- بيع سلاح وقت الفتنه بين المسلمين لايجوز ولايصح وكذلك جميع ادوات القتال.
4- ولا تبيع عبد مسلم إلا شخص كافر لايجوز إذلال العبد المسلم الا كافر.
5-يحرم بيعه على بيعة اخيه مثل ابيع سيارة 100 الف ويأتي آخر ويقول أشريه 150 ألف طبعاً انا على طول اوافق امزح موداعبه موداعبه.
6- لايجوز بيع الحاضر للبادي والحاضر الي ساكن بالمدن يعني يروح الحاضر لأهل البادية ويقول انا ابيع سلعتك لايجوز الا اذا اهل البادية ذهب له وطلب منه هذا فلا بأس . يعني دلال بالعربي.
7-بيع العينه أنك تبيع لشخص مثال لاب توب وتشرية منه بثمن أقل بنفس الوقت يعني حيله يتوصل بها الى الرباء يعني كأنه باع فلوس بفلوس وجعل الاب توب حيلة ونصب .


أنتهت المحاضرة الثانية

[أبو البراء وإياد]

العزي عادي اذا حطيت رابط يوتيوب ؟

[أبو البراء وإياد]

فيه شروحات جميلة ومبسطة للي مافهمتووها اكتبوا في القوقل يوتيوب بيع الأصول

ان شاء الله بكره نبشر بعض بالنتائج الحلوة

بالتوفيق يارب

[القلب الحنون س]

بالتوفيق للجميع يارب

[العـــــزي]

س: ماهو تعريف الشروط في البيع عند الفقهاء ؟
ألزام أحد المتعاقدين الاخر بسبب العقد لما له فيه منفعه.
بالعاميه ( ألزام احد من المتعاقدين للأخر بشي له منفعه فيه) للتوضيح طال عمركم


س: ماهي الشروط في البيـــع ؟
1- صحيحه
2- فاسدة


س: ماهي الشروط الصحيحه ؟ وكم أنواعه ؟
هي الشروط التي لاتخالف مقتضى العقد يعني ماكتب بالعقد إلا اذا ما أبطلع الشارع ونهى عنه.

أنواعها نوعان :
1- شرط لمصلحة العقد مثال ( رهن بيت او ضمان مادي او تأجل الدفع الا مده او صفة في البيع مثل كونه اصلي او صناعه فلانيه اي شرط يعني) واذا اختلف يحق له الفسخ او الامساك مع التويض او يعطيه الفرق اذا طلب.

2- ان يشترط أحدهم بذل منفعه معينه مثال ( بعت بيتي واشترطت بالعقد ان اسكن فيه الا نهاية الشهر او بعت سياره وأشترطت بالعقد بخليها معاي لنهاية الاسبوع او الشهر .
او اشتري ثوب واشترط عليه خياطته .




س: ماهي الشروط الفاسدة ؟ وكم أنواعه ؟
ما أبطله الشرع

أنواعه :
1- شرط فاسد يبطل العقد من أصله مثال (اني بعت لك البيت لكن أتشارك معاك في متجرك أو بعت سيارتي لك لكن اسكن عندكم وهذا الشرط فاسد ويبطل العقد من اصله
ونهي النبي صلى الله عليه وسلم (عن بيعتين في بيعه ) .

2- شرط يفسد نفسه ولايبطل البيع مثال (ان يشترط المشتري على البائع اذا خسر في السلعه ردها عليه وهذا الشرط فاسد والبيع صحيح لقول الرسول (من اشترط شرطا ليس في كتاب الله فهو باطل ولو كان مائة شرط.


* فالخيار في البيع : معناه طلب خير الأمرين من الإمضاء أو الفسخ


انتهت المحاضرة الثالثة