[ الفيزياء ] : سلايدات الفيزياء الحديثه مع الدكتوره ايمان.

[Alanod]

السلااام ..
بنات انا السلايدات اللي حقه الفيزياء الحديثه اللي مع الدكتوره ايمان
فيها كم شغله غلط !

اول شي المحاضره الاولى
سلايد رقم 9 ( فروض النظرية النسبية الخاصة )
ما عندي الا رقم 2 اللي هي سرعه الضور في الفراغ ...... الخ


وفي بعد بالمحاضره 4+5 الدكتوره راسلتهم وهم نفس الشي ! قارنتهم
بليز اللي تعرف شي تعلمني


واخر شي اللي فاهمه سلايد 11 من المحاضره الاولى تعلمني
اللي نفرض إطاران مرجعيان ساكنان s, s/ ....... الخ

وشكــرا

[سفيره السعاده]

صحيح الفروض موجود رقم 2 وناقص 1
موجود عندي الفرض الأول بكتاب بس ما أدري ليه ما حطته الدكتوره ..
أما المحاضرة 4-5 دامجتهم مع بعض
المحاضرة الرابعه هي نفسها الخامسه ..

[Alanod]

اها يعني نذاكر وحده منهم بس p;
الله يعطيك العافيه ما قصرتي

[فيزيائية طموحة]

وعليكم السلام ورحمة الله وبركاته

بالنسبة لشريحة 9 نفس هاذي ؟ <<< عندي 12



إذا ايه ممكن أحط لك اللي قبلها لأن الفرض الأول موجود فيها بس كنت بتأكد نفس العرض حقنا أو لا

[Alanod]

^^
اييوه كذا عرضنا بالضبط
قبل هذي الشريحه مكتوب عندي النظريه النسبيه الخاصه اللي فيها
تعتبر النظرية النسبية الخاصة التى وضعها العالم أينشتين ...... الخ
وبعدها على طول الشريحه اللي حطيتيها

[فيزيائية طموحة]

فعلا فيه شريحة ناقصة بينهم وهاذي هي :

[Alanod]

اشوة اني تكلمت اجل تدرين كنت احسب الدكتوره حاذفتها من عندها

مشكوره فيزيائيه

[فيزيائية طموحة]

صحيح الحمد الله انك انتبهتي زي هالشريحة مهمة مستحيل تكون محذوفة

العفو حبيبتي

بالنسبة لشريحة 11 << اللي هي 14 عندي أشكرك العنود انك كتبتي بدايتها

أو شي ايش يعني مرجع قصوري أو إطار مرجعي ؟

أي حدث أو ظاهرة تصير في مكان معين يعني في مرجع معين ومن خلال هالمكان أو هالمرجع نقدر نوصف هالحدث مثل الأرض و الفضاء وحتى القطار والسيارة والطائرة وووو .....

مثلا قطار وفيه واحد راكب فيه أو حتى يمشي فيه وواحد واقف على الأرض
اللي واقف على الأرض يقدر يوصف حركة القطار مثلا من خلال سرعته فنقدر نقول ان الأرض تعتبر مرجع قصوري واللي في القطار بعد يقدر بعد يوصف سرعة القطار فيعتبر القطار مرجع قصوري

لازم تكون فاهمين هالكلام عشان تفهمون اللي بعده

الحين نجي للجد : <<< بطبق المثال اللي كتبته على اللي في الشريحة

نفرض إطاران مرجعيان ساكنان S (الأرض) , S' (القطار) والنظام S' (القطار ) يتحرك بسرعة منتظمة v في الإتجاه الموجب لمحور x كما هو موضح في الرسم (اللي عندكم في الشريحة) فإذا وقع حدث معين عند النقطة A (انفجار مثلا) (أو واحد مشى في القطار وهو يتحرك او أي شي ) وأن هناك مراقبين رصدا هذا الحدث (المراقب اللي في الإطار المرجعي S + المراقب اللي في الإطار المرجعي S' ) ( اللي واقف على الأرض + اللي راكب في القطار ) بحيث بدأ الزمن عندما عندما كانت o' منطبقة على o ( يعني تخليلوا المحاور في البداية منطبقة على بعضها مو زي اللي عنكم مفصولين عن بعض ) يعني بيكون الزمن في البداية ( t=0) وبالتالي يمكن كتابة المعادلات التالية بين الإحداثيين S , S' ( بعد ماتحرك المرجع القصوري S') (القطار)

نجي للشريحة اللي بعدها

المعادلة الأولى واضحة من الرسم لأن الحركة النسبية كانت باتجاه محور x فقط
المعادلة الثانية والثالثة يدل على عدم وجود حركة نسبية في اتجاه المحورين y , z
المعادلة الرابعة تدل على ان المراقبين بدو يقيسون زمن الإنفجار في نفس الوقت وهذا اللي افترضه جاليليو يعني الزمن مايعتمد على الحركة النسبية للأطر المرجعية
<< وهذا صحيح بالنسبة للسرعات العادية زي سرعة القطار مثلا أما السرعات اللي قريبة من سرعة الضوء يعتبر هالفرض خاطئ وعشان كذا درستوا تمدد الزمن

سؤال المحاضرة الأولى كم شريحة عندكم ؟؟؟

ونفس الشي باقي المحاضرات

عشان اشوف اذا عندكم شي ناقص انزله لكم بعد ماأنزل رد أكتب فيه بداية كل شريحة وانتوا حددوا اللي مو موجود عندكم <<< عادي أنا فاضية اليوم

[Alanod]

^^ مشكــــوره مرا فيزيائيه تذكرت الشرح الحين الحمد لله , ما قصرتي حبيبتي

امم المحاضره الاولى 34
والثانيه 15
والثالثه 20
والرابعه الخامسه مع بعض 26

ان شاء الله يكونون صح .

[فيزيائية طموحة]

العفو لا شكر على واجب

طيب امتحانكم إلى وين ؟

وياليت وحدة منكم ترسل لي المحاضرات على الخاص عشان أتأكد منها أخاف اذا كتبت أنسى شي لأن احس في فرق بعدد الشرايح

بس شرايح تكون بداية السلام عليكم ورحمة الله وبركاته أو شكرا لحضوركم وفيه شرايح مكررة بمحاضرتين لإنها تحتاجها يمكن تكون حذفت المكرر

بروح اشوف بنات الجوامد في التجمع تأخرت عليهم على ماترسلون لي المحاضرات