الابسألكم سؤال وياليت محد يتفلسف بخصوص المذاكره

[ROUZ]

مرحباً بصحبي الكرام ،،،
معليش بس هاالمستوى عندي شغلات منعتني من متابعة المحاضرات
فأنا بسألكم ينفع اذاكر المحاضره 14 اللي هي الاخيره بس ؟؟؟؟
للرياضيات فقط تتوقعون بيمشي الحال ؟
لان المستوى الاول اغلب الاسئله من المحاضره الاخيره يعني لو ذاكرتها هي لوحدها كان اخذت +a
فأيش رايكم ؟؟

[B7H]

والله يآخيتو انآ بعد للحين مآذآكرت ولآ محآضره بس مآآقدر اقولك ذآكريهآ بس لأن الأستآذ تغير
مآندري عن اسلوبه
بس انآ بركز على الموجود هنآ

الرياضيات 2

الدكتور قال ركزو المحاضرة 14 + اسئلة الواجبات وانا اقول ايضا ركزو على أسئلة الاختبار الماضي مهمه، وسوف تجدونها بالمرفقات على النحو التالي :

محتوى المحاضرة 14.

حل محتوى المحاضرة.

أسئلة الأختبار الماضي عدد 2 ملف وورد + حلول أسئلة الاختبار عدد 3 ملف وورد.

اسئلة وحلول الواجبات الثلاثة .

في النهايه اتمنى لكم التوفيق والنجاح واتمنى انكم تشدون حيلكم

مع اطيب تحياتي،،

مقتبس من هآلموضوع طلي عليه وشوفي الرد الخآص بالرياضيات وحملي من المرفقآت
http://www.ckfu.org/vb/t309010.html


لأني حسيتك مثلي مستحيل اذآكر من اول محآضر لأخرهآ بتركيز

أتمنى اكون افدتك

[Rolen]

الرياضيات فهههم مستحيل نركز على فصل الاخير ونترك التمارين والقاعدات المهمه
لو خلصتي كل الفصول راجعي ال14
اذا انتي من النوع تفهمين من غير شرح مايحتاج تشوفين كل المحاضرات انا من النوع كذا لمن اركز لوحدي من غير ما اشوف المحاضرة افهم طريقه الحل اسرع
عالاقل اذا مرا ماقدرتي بس احفظي القاعدات وطبقي بس

الله يسسهلكك ويعينك

[a.zz9]

اختي لازم تتابعين المحاضرات عشان تفهمين ,,,

حاولي يعني كلها ماراح تاخذ منك اربع ايام اذا اجتهدي زين,,,
موفقه يارب

[ام انيس]

انتبهي لانها مغامره هالطريقه افضل طريقه الملازم اذا تشعري ان دكتور يطول بالمحاضره وكلامه كثير

[ام نانا]

الله يسهل علينا المذاكره والاختبار يكون سهل يارررررب قولو امين

[ابو رياض]

يارب

[ضوء الحب]

ماراح نتفلسف يالمشغولة : بس ترا ياطالبة التعليم العالي ليست كل مرة تسلم الجرة, بالنسبة لمذاكرة المحاضرة (14) فقط .
بإختصار ياطالبة التعليم العالي : الكل مشغول وعنده ظروف ... الخ حتى الطفل الي في بطنه أمه مشغول بركل بطنها ...
يعني يابنت الأصول لا تتعذري بشي وخصصي لو ساعة في اليوم لأي مادة صعبة على مخ نيوتن وليس مخك الأسطوري....
الله يوفقك ويسهل دربك

[lightning]

شوفي اقول لك على شي
الاشغال ما تخلص يعني حتى الى الترم الجاي بتجيك اشغال
انا كنت ناويه اعمل تأجيل للمستوى هذا بس قالوا نبي ناخذ قريشاتك ومنتي مستفيده قلت طووط طووط على طووط طططوط وعصبت وبعدها ضحكت على نفسي
انا مشغوله لحد اخر قطره فيني ومع ذلك اغصب نفسي اذاكر في بعض الاوقات حتى اهلي يقولون ما عاد نشوفك الا بالاسبوع مره
تخيلي الوضع كيف دوام واختبار لهيئة التخصصات بوقت اخر اسبوع في اختبارات الجامعه + اختبار وظيفي + ما اخذت بطاقة الانعاش القلبي الرئوي الى الان يعني اذاكر حق اختبار الهيئه الي يضم السنوات الي درستها في جامعة الملك سعود ولا اذاكر حق اختبارات جامعة الملك فيصل ولا انط لأقرب مستشفى واخذ البطاقه ويروح علي يوم كامل والاختبار الوظيفه هين ما يبيله مذاكره بس المشكله اذا صار نفس يوم الاختبارات وتخيلي عاد لو صار بنفس يوم اختبار الهيئه وبنفس يوم اختبار الجامعه يعني 3 اختبارات بيوم واحد من الضغط صايره بس اضحك وفجأه اقلب وفجأه وبعدها وبالاخير اروح اذاكر والمخ مقفل بس اغصب نفسي ..واقول الدووونيا سهله خاااااااااالص

[MISHAL1]

ياكثر هذرتك .. . لكن من جد الله يعينك ويوفقك يا أختاه .

..

أعجبني رد العضو : ضوء الحب ..

لو إنه طغى عليه جانب الإستهزاء النصحي .. والمخاطبه المباشره .
حيث كرر مناداه المخاطب بأكثر من موضع .. ( يالمشغوله ,, ياطالبه التعليم العالي ,, يابنت الأصول )

ونحمد الله أنه لم يستمر بالنصح والإرشاد .. وإلا كان مسكنا خط أبو حدريه .


أرجع وأقول كلام أخونا ضوء الحب عين الصواب .
حيث قال .. مو كل مره تسلم الجره . مع إني مثلك يا اختي روز إلى الآن ماسويت شيء .

لكن الله يعين .. ويكتب لنا التوفيق .


وتمنياتي بالتوفيق للجميـع .

.