|
ملتقى المواضيع العامة منتدى المواضيع العامة والنقاش الهادف |
|
أدوات الموضوع |
#1
|
||||
|
||||
هللة تصير ملايين...... لا تفوتك
السلام عليكم كثير منا يكون دايم في رصيده ريالات او كسور ولا يقدر يحركها ولا يسحبها بل تكون في البنك عندي لكم مشروع يضاعفها لك اضعاف كثير طبعاً في الآخرة والدنيا كذلك وبدون عنوه ولا مشوار راح تسويها في اي مكان بنده مجمع تجاري سوق تعال اعلمك وشلون خطوه خطوه اوك 1_ تروح للصراف 2_استعلام عن الرصيد وطباعة ايصال طبعاً الرصيد اقل من قيمة الايصال 3_التوجه الى كشك متوفر في كل الامكان المذكوره اعلاه ^باللون الاحمر طبعا كل الكشكات هذي تتبع جمعيات خيريه 4_تسلم على الرجال وتعطيه البطاقة وتقول له وش البرامج اللي عندكم للتبرعات وبعطيك بروشور نق انت اللي توده 5-قز كم باقي في رصيدك او الكسور اللي تبي تتبرع فيها وقوله اسحب مثلا 7.83 سبعة ريالات وثلاث وثمانون هلله فقط لاغير . بيقولك سم بيشخط البطاقة وينط لك الايصال تاخذه وتقوله سجل عليه مثلا (وقف الوالدين) او غيره انتهت عملية التبرع ملاحظات *بتقول استحي اتبرع بمبلغ زي هذا (ابليس متكي عندك ومسوي شغله ) تعوذ من الشيطان واصمل . *بتقول هذي ريالات وهلل وش بتسوي ما تنفع احد بحسبة بسيطة 2 ريال *1000 طالب*3مرات يالشهر=6000 ريال وهذي تسوي كثير *خل النية بالتبرع لك او لأي شخص آخر مثل اخونا سعد الحارثي الله يرحمه ولك مثل اجره بإذن الله طولت عليكم سوري ، عَن أَبِي هريرة قَالَ : قَالَ رَسُول اللَّهِ صَلَّى اللَّهُ عَلَيْهِ وَسَلَّمَ : " إن اللَّه يقبل الصدقات ، وَلا يقبل منها إِلا الطيب فيأخذها بيمينه فيربيها كَمَا يربي أحدكم فلوه أو فصيله ". وَفِي لَفْظٍ آخَرَ قَالَ : " من تصدق بتمرة من كسب طيب ، ثُمَّ وضعها فِي موضعها أخذها اللَّه بيمينه ، فلم يزل يربيها كَمَا يربي أحدكم فلوه حتى تكون مثل الجبل أو أفضل ". وَفِي لَفْظٍ آخَرَ : " إن اللَّه يقبل الصدقة بيمينه ، وَلا يقبل منها إِلا مَا كان طيبا ، وإن اللَّه ليربي لأحدكم صدقته كَمَا يربي أحدكم مهرة أو فصيله حتى يوافى بها يوم القيامة وهي أعظم من أحد ".
|
2012- 3- 5 | #2 |
أكـاديـمـي ذهـبـي
|
رد: هللة تصير ملايين...... لا تفوتك
الله وفقنا وياك
والله يجزاك خير |
2012- 3- 5 | #3 |
مراقب الساحة العامة سابقاً
|
رد: هللة تصير ملايين...... لا تفوتك
|
2012- 3- 5 | #4 |
صديقة ملتقى التربية الخاصة
|
رد: هللة تصير ملايين...... لا تفوتك
لك اجرها ياارب
لاهنت |
2012- 3- 5 | #5 |
أكـاديـمـي ألـمـاسـي
|
رد: هللة تصير ملايين...... لا تفوتك
الله يجزاااك خير
|
2012- 3- 5 | #6 |
مشرفة سابقة
|
رد: هللة تصير ملايين...... لا تفوتك
الله يسعدك ويجزاك خير
|
2012- 3- 5 | #7 |
أكـاديـمـي ذهـبـي
|
رد: هللة تصير ملايين...... لا تفوتك
بارك الله فيك .. طريقة جداً مفيدة , تدخل علينا كثير من الحسنات
|
2012- 3- 5 | #8 |
مراقب الساحة العامة سابقاً
|
رد: هللة تصير ملايين...... لا تفوتك
|
2012- 3- 5 | #9 |
متميزة في ملتقى الصور وعالم التصوير
|
رد: هللة تصير ملايين...... لا تفوتك
الله يجزاك الجنه وش تبي بعد طريقه رهيبه
اعجبتني حيييييييييل .....تعوذ من الشيطان واصمل . ايه والله الشيطان مابنفع معه الا الربط في بعض الاحيان |
2012- 3- 5 | #10 |
أكـاديـمـي مـشـارك
|
رد: هللة تصير ملايين...... لا تفوتك
الله يجزاك بالخير
ويقدرنا ع فعل الخير ويعيننا ياررب سلمت يمناك دمت بحفظه |
مواقع النشر (المفضلة) |
الكلمات الدلالية (Tags) |
ملايين, تصير, تفوتك, هللة |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|