يالربع والله واحد موظف بالجامعه نصحني نصيحه

[ابو رذاذ]

مسائكم ورد للجميع شباب وصباياً ،،،

انا اعرف موظف بجامعة الملك فيصل ونصحني نصيحه وقلت انقلها لكم،،، ونستفيد ان شاء الله

يقول ان بعض الدكاتره يكون 90 بالميه ينزلون نفس اسئلة الاترام الي قبل لإنه مو فاضي ينزل

اسئله ثانيه لان عنده كذا ماده ،،،

ولكن تجيهم اخبار ان اسئلة الاترام موجوده بالمنتديات ويغيرونها ويحطون الاسئلة الاحتياطيه

زي ما حصلنا المستوى الاول بالانكليزي العام والمستوى الثاني الإحصاء والرجال يحلف يقول

ان اسئلة الاحصاء كانت نسخة من اسئلة الترم الي قبلكم بس اجبره العميد يغيرها علشان

انها موجوده بالمنتديات

ونصحني الرجال ان اي واحد عنده اسئلة الترم الي قبل لا ينزله بداية الترم او وسط الترم

او نهاية الترم يعني راح يكون تنزيلها قبل الاختبارات باسبوع . وياليت نسمع كلام الرجال

وبالتوفيق للجميع يارب

[حلمي الجميل]

كلام من ذهب ..

ليت نثبت هالمـوضوع

[زينب عبدالكريم]

أتمنى انو احد ينفذ هالكلاام

[بدر 2011]

يسعدك ربي ويعطيك العافيه
بس اذا بقى اسبوع الكل بينشغل
ويمكن مايدخل المنتدى او يشارك فيه بالنقاش
والاستفاده من بعض وبكذا وش الفايده كثير راح يروح عليه
هالاسئله بالتوفيق ويرضى عليك ربي وعلى والدين دنيا واخره

[حــرامـــى]

لا ياريت ما يتم تثبيت الموضوع بالعكس نبي الموضوع مخفي

و ممنوع يدخلونه الدكاتره هع

[زقم نملة]

المشاركة الأصلية كتبت بواسطة ابو رذاذ

مسائكم ورد للجميع شباب وصباياً ،،،

انا اعرف موظف بجامعة الملك فيصل ونصحني نصيحه وقلت انقلها لكم،،، ونستفيد ان شاء الله

يقول ان بعض الدكاتره يكون 90 بالميه ينزلون نفس اسئلة الاترام الي قبل لإنه مو فاضي ينزل

اسئله ثانيه لان عنده كذا ماده ،،،

ولكن تجيهم اخبار ان اسئلة الاترام موجوده بالمنتديات ويغيرونها ويحطون الاسئلة الاحتياطيه

زي ما حصلنا المستوى الاول بالانكليزي العام والمستوى الثاني الإحصاء والرجال يحلف يقول

ان اسئلة الاحصاء كانت نسخة من اسئلة الترم الي قبلكم بس اجبره العميد يغيرها علشان

انها موجوده بالمنتديات

ونصحني الرجال ان اي واحد عنده اسئلة الترم الي قبل لا ينزله بداية الترم او وسط الترم

او نهاية الترم يعني راح يكون تنزيلها قبل الاختبارات باسبوع . وياليت نسمع كلام الرجال

وبالتوفيق للجميع يارب

انا أأيد كلامك وكلام صاحبك مليون بالمية بس لي تعليق على كلامة عن الاحصاء اخوي الاحصاء فيه اسألة مراجعة نزلها لنا الدكتور ولمح لنا انه راح يجيبها بالتمام وخبرونا زملاءنا اللي سبقونا بذلك بأن الدكتور هذا نهجة بس اللي حصل معنا انه ماجاب كثيير من اسئلة المراجعة واللي جابها غير فيها الارقام وانعصرت وجيهنا والحمدلله امممم بصراحة الدكتور يشفع له اخلاصة في شرح المادة والله يجزاه الف خير عليها بس الله يهديه ماله داعي اللي سواه في الترم الثاني وايضا كثر الاسئلة من الابواب الاخيرة اللي صعبة مووت على اغلبية الطلاب وماجاب كثيير تعاريف
اما موضوع الدكتور مدير الجامعة ضغط عليه والخ والخ والخ الكلام هذا مايدخل المخيخ عندي قول غبيه قول جاهلة اللي تبي بس انا اعرف انه الدكتور له كامل الاحقية هذا مش مدرس ثانوية ولا ابتدائية هذا دكتور الجامعة ان بغى يدق ابواب الطلاب واحد واحد ويعطيهم اسئلة الامتحانات وبس خلاص انتهى كلامي . على العموم الله يسامحه ويهديه ويعطيه على نيته

[ابو رذاذ]

الله يعطيكم العافيه جميعاً ...

بس لي تعليق على كلام اختي زقم نملة ،،،

العميد هو صاحب الصلاحيات الأولى ولمعلوميتك دكتور الإحصاء كان يكرر اسئلته اربع اترام وراء بعض

بس غيرها الترم الماضي ،،،

خلينا نرجع وراء شوي ذاكره المستوى الاول لمادة الانكليزي العام لمن الدكتور نزل موضوع بعد الاختبار بعد ما شاف من الطلاب السب والشتم وقال

تم تغير نموذج الاسئلة باخر لحظه لإنه كانت بمتناول الجميع وقال العميد هو الي امر بتغييرها للاسئلة

الأحتياطيه ،،،

حنا موظفين جامعه يالغاليه لا تقولين ان الدكتور هو صاحب الصلاحية صاحب الصلاحية هو العميد فقط لاغير

هو الي بيده كل شي حتى يقدر يخليك تخرجين وانتي ما اختبرتي ولا ماده ,,,

وعلى فكره ترا الرجال الي قالي المعلومه هو من موظفين جامعة الملك فيصل وتقابلنا انا وياااه بدوره

بمعهد الإداره بالرياض ،،،

واتمنى للجميع التوفيق

[الكويتي 1]

رائي مثل رائ الحرامي

[ندى العمر]

كلام رااااااااائع....

[ابو رذاذ]

انا اقول ياليت نسمع كلام الرجال وبالتوفيق للجميع يارب