 |
|
||||||
| منتدى كلية التربية بالجبيل منتدى كلية التربية بالجبيل ; مساحة للتعاون و تبادل الخبرات بين طالبات كلية التربية بالجبيل و نقل آخر الأخبار و المستجدات . |
 |
|
|
أدوات الموضوع |
|
#1
2012- 1- 24
|
||||
|
||||
كليتي لمتى بنقعد تسذا فارت تسبدي :(
السلام عليكم
صباح /مساء الخيييير ياعسوولات في البداية موضوعي هذا جعلته متنفساً لما يدور في خلجات خواطري المكسورة <<يادافع البلا وش ذا الأسلوب   ولا تزعلن نغيره هالمويضيع نفست بوه عن كل شي باطن تسبدي وفاقعن مرارتي بتكلم بأكثر من نقطه في بعضها يشمل عدة اقسام <<ياشين التفلسف اولاً بنات وش رايكن بقسم التربية الخاصة !! يعني اكيد سمعتو قبل تدخلون القسم زي الكلام اللي سمعته انو القسم مرغوب وجديد وله مستقبل واحنا واهلنا بانين عليه طموحات انو بنلقى وظايف انا بحثت بالنت ولقيت بنات كثير كلامهم مايطمن ابد انو السالفه سمعه بس ومافيه توظيف لدرجة اني يأست وقررت اني احول رياض اطفال لكن الحمد الله عدلت عن رأيي بعد ماجبت معدل لابأس به ولله الحمد طيب احنا بنكون متفائلين ان شاء الله لكن ياطويلات الأعمار انا اكتشفت ان بكليتنا لايوجد مسار في قسم التربية الخاصه سوى صعوبات تعلم طيب هالمسار حلو ماقلنا شي بس نبي بعد اعاقه عقلية نبي اعاقه سمعيه نبي اعاقة بصريه نبي توحد بالأحرى نبي نتوظف بعدين مانبي نتكدس وننطق في البيت هاذي المسارات مطلووبة ونقدر نلقى لها اكثر من وظيفه بأذن الله ابي اعرف لييييش مايفتحونها ابي سبب مقنع المناهج ومليانه الكتب في المكتبات وكل دكتور مألف له كتابن هذا زينه كلن يقول الزين عندي وحنا اللي بنشتري ماهم دافعين من جيبهم ريال واذا ع الكوادر لايتعذرون بها فيه بس ياعميدتنا بحبحيها شوي جيبي دكاتره ميزانية الكليه وين راحت على هالشاشات وهالأصباغ اللي مالها داعي والخشبان اللي حشرتونا بها الكلاسات يادافع البلا واذا مره ماعندكم هالعشرات ياخيه اللي تاخذونها منا بتجي راتب اكثر من دكتوره وبالراحه  واذا ماقدرتو مره خلاص وشوله دكتوراتنا مشاء الله هذا انتو تعطونهم اكثر من ماده مايحتاج ماعليها الا تقرا وحنا الكرف علينا راضين بس نتخرج بمسار زين صعوبات التعلم زين بس لمتى بنضل كذا نبي تنوع خلاص الشكوى لله افتحو مسار ثاني بس ماحنا قايلين شي احنا ماكرفنا بتحضيري وجبنا معدل ودخلنا هالقسم وانضغطنا عشان نطلع ونقابل البيت انا ماأقولكم استغفر الله اني متأكده انو هالمسار بنتوظف فيه والثاني لا كل هذا بعلم الغيب بس لو تفكرن شوي لغة الأشارة تنفع حتى بعدين تقدرين تلقين به وظيفه خارج مراكز رعاية المعاقين هذا التوحد مالقو له علاج الى الان على حسب اطلاعي يمكن وحده مننا اسم الله عليها تلقى العلاج ماتدرون طيب بتكلم بنقطه ثانيه غير المسارات المحاضرات العمليه انا باقي مااخذت بس سألت البنات وانا فاتحتن اثمي مستانسه قلت بنطلع ونطبق برى الكليه انصدمت انها اسسسم بسسس .gif "(107)") ابي اعرف وراه دبلت التسبد ذي مدام انكم ماتبون تطلعونا برى او ماعندكم القدره ليش بس زيادة محاضرات تسذا نفختو عقولنا يمال النفخه عوذه ماخلصنا مستوى ثالث الا عقولنا وارمه وجايين تكملونها قللو من المحاضرات الله لايبارك بعدوكم مدام ماعندكم مسار غير صعوبات التعلم وشوله تضغطونا بها المواد وشوله التفلسف وشوله حشو المخ ع الفاضي  وكمان بوه نقطه <<<راعية طويله  قولو لا اله الا الله مكان المحاضرات الكلاسات لمتى تسذا حاشرينا مع رياض اطفال بلعناها وسكتنا الكلاسات شاشاتها مو ذاك الزود وقلنا يالله مابوه اشكال بس اللي بط تسبودنا يوم قسمتوها حشره وكتمه وريحه وغير تسذا صراخ الدكتوره اللي بالكلاس الثاني وووويييييييين نركز وييين نفهم ابي اعرف هالخلا اللي ورانا وشوله نتفرج فيه ابنو فيه وسعو الكلاسات الله يوسع عليكم دنيا واخره انا لو اعرف من اللي جايبه فكرة تقسيم الكلاسات كان مسكتها مع حنوكها وجلستها تحضر محاضره وحده وتذوق اللي نذوقه يارب ان اللي معها ربو وش تسوي تاخذ حرمان ولا الدكتورات طلعو فيها افتحو البيبان ايه صادقين الهوى شمالي  من كبر السيب اللحين يوم يهب به الهوا استغلو المساحات الصحراوية اللي ورى لا والله ان حديتوني اجيب بها غنم جدتي وبعارين العزيزية كلها ونقطه اخيره  التعارضات اللي تصير انا كاطالبة وش ذنبي اذا صار عندي تعارض بوقت اختبارات الفاينل بين مادة تخصص وعامة اروح للدكتورة تقول كلمي دكتورة المادة العامه اروح للدكتوره الثانيه تقول روحي لرئيسة القسم اروح لرئيسة القسم تقولي اعتذري عن المادة العامه سلامات هي بالبساطه ذي ياناس حراااااااام لمتى كذا وتقعدين تستميتين عندهن وتبكين وتصيرفيك اعراض جلطه والرد ببرود خلاص يابنتي نختبرك مع المعتذرات لييييه يبوني اختبره مع المعتذرات لا وبعضهن يكون مقالي على كيف امكم انا موجوده وتقارنوني بالغايبه ليييه أنا ابنتكم خواطر مكسورة بكامل قواي العقليه<<<بالأحرى ماتبقى منها .gif "(177)") أناشدكم بصفتي طالبه وبصفتي انسانه كائن حي أن تحاولو تحققو مطالبي كليتي العزيزه لاتستكثرونه علينا ماطلبنا شي ياعيشتن قشرا  بس نبي نتعلم ونبي بيئه تعليميه مناسبة فقط لاأكثر واختمها بمقولة وحده من البنات بالمنتدى ليس الآنجاز آن تتخرجَ من جامعة الدمام !! { بتفوقَ } </3 بلَ الآنجاز آن تتخرجَ بكامل قواك العقليهَ والنفسيہ
|
|
2012- 1- 24
|
#2 |
|
أكـاديـمـي فـعّـال
|
رد: كليتي لمتى بنقعد تسذا فارت تسبدي :(
آآآآه ي قلبي وربي تحططيييم
الله يكون بعونآ ي خييه ومالنا الآ الأستغفار لين الله يفرجهآ 
|
|
|
|
2012- 1- 24
|
#3 |
|
Banned
|
رد: كليتي لمتى بنقعد تسذا فارت تسبدي :(
انا اشششششهد
وربي كلامك بالصميم وترينه مكرررررر دآآآيم نقوله ودآآآيم قلوبنا ممتليه عليهم حسبي الله عليهم ونعم الوكيل والله يا منسوبين كلية التربيه بالجبيل انهم يستاهلوون الدعوه وبالوجه ولو قدرت اقولها ك كلمة حق والله اني لا اقولها فوجهها بس المشكله عندهم لي حاجه وحاجه كبيره بخاطري اخذ شهادتي من هنا وامسح بكرامة الكل من هنا  معيشينا فغبنه الله لا يحللهم والله مَ حسيت بالام القولون الا من يوم دخلتها  حسبي الله عليهم ونعم والوكيل حسبي الله عليهم ونعم والوكيل حسبي الله عليهم ونعم والوكيل |
|
|
|
2012- 1- 24
|
#4 |
|
متميزة في كلية التربية بالجبيل
|
رد: كليتي لمتى بنقعد تسذا فارت تسبدي :(
حسبي الله على من كان السبب
ربي يكون في عونكم حااااااااسسسة انـه بيجــيني شي فضيـع من هالكليـة ربــي يهـــون علينـا وعــليكم ط يب وش يضرهم اذا زادو مسارين ثلاثة ما قلنا افتـحـوا تخصصــات جديدهـ  انقهـــر من كليـات المنــاطق الثانيــة فو ق 10 تخصصــا للأبي غير العلمي وإنــا وش نـــاقصـنــا ربــــي يسهـــل لنــا ويــوفقنــا ويـــلطف بحالنـا |
|
|
|
2012- 1- 24
|
#5 |
|
Banned
|
رد: كليتي لمتى بنقعد تسذا فارت تسبدي :(
يآ رب الله يسمع منك
 |
|
|
|
2012- 1- 24
|
#6 |
|
أكـاديـمـي فـعّـال
|
رد: كليتي لمتى بنقعد تسذا فارت تسبدي :(
صرررراحه لاتزعلون مني انتو ماتشكرو الله
يااخوات اللي مو عاجبتها الكليه تجلس بالبيت اااالف مليون وحده تتمنى تكون في الكليه صح ان كليتنا صغيرة وضيقه وازعاج بس هذي قدرات الكليه بإمكان كل وحده تسعد نفسها بنفسها كلها كم سنه وتعدي بإذن الله سبحان الله حنا مايعجبنا ولااااشي |
|
|
|
2012- 1- 24
|
#7 |
|
أكـاديـمـي فـعّـال
|
رد: كليتي لمتى بنقعد تسذا فارت تسبدي :(
^^
ترا احنا ما طالبناهم يحطون لنا ملاهي في الكلية ما قلنا الا نبغاهم يضبطون انظمتهم ومواقعهم واذا وحده من البنات صارت عندها مشكله بالتسجيل اللي سببه نظامهم الخايس وراحت للشؤون يعاملونها باحترام وبادب اعتقد ما طلبنا شيْ ما يقدرون عليه |
|
|
|
2012- 1- 24
|
#8 |
|
أكـاديـمـي فـعّـال
|
رد: كليتي لمتى بنقعد تسذا فارت تسبدي :(
اقول ميير الله يصلحك يالي تقولين نحمد ربنا والله احنا حاامدين ربي بس لمانقارن كليتنا بغيرها في نفس الجامعه إنه شيء يقههر بالعكس المفروض يكون في تنافس لافضل كلية بس كليتنا نظام حريم وقهوة وتكيه وسوالف .. معليش إحنا مانشتكي من فرااغ  إذا النظام خاايس مو معقوله بععد يصير تعامملهم بعد خااييس يعني وربي احياناً الوااحد يقول خلاص بكيف الدراسه من تعاملهم لوتدرون ان باليوم الي برووح للششؤؤن أحسب حساابه من قبل لا يجي والله مايسوئ علينا المصيبه مآخذين فكرآ انو بنات التربيه جايين بلاهدف مدري ليش يعممون إذا بنت او ثنتين كذا اش ذنب البااقين .... اييه  وبس نيهههههاي ماخليت بخااطري شيء |
|
|
|
2012- 1- 24
|
#9 | |
|
أكـاديـمـي فـعّـال
|
رد: كليتي لمتى بنقعد تسذا فارت تسبدي :(
اقتباس:
^اوك صادقه الحمد الله ع النعمه بس برضو نبي مسار ثاني موب حلو صعوبات التعلم نبي اعاقه عقليه نبي اي شي ثاني وكمان في اشيااء واجد موب حلوه الناس يرتقون وكليتنا للاسف فاشله باانظمتها وليه الي موب عاجبه يقعد بالبيت اكرف 12 سنه وعشان احقق حلمي احلم بس لا ي حبة عيني الكليه لو تبي لها قدرات اكثر بس الشكوى لله <<قوقل 
|
|
|
|
|
2012- 1- 24
|
#10 |
|
أكـاديـمـي فـعّـال
|
رد: كليتي لمتى بنقعد تسذا فارت تسبدي :(
بالضبط كلآمك بالصميم وبردتي حرتي فيهم
بس اللي مآعجبني بكلآمك سآلفة الوظآيف اننآ مآنلقى وكذآ اول شي لآتسمعين كلآم البنآت ثآني شي صدقيني اذا كنتي متشآئمه مآرآح تلقين وظيفه حتى لو كآن تخصصك من افضل التخصصآت انتم تفآئلوا وصدقوني كلكم بتتوظفون وعلى ضمآنتي لحد يقول مآفيه إلا صعوبآت التعلم ونبي مسآرآت ثآنيه ! ترى حنا إلى الأن درسنآ تقريبآ جميع الإعاقات ونظآم التربيه والتعليم هنآ ان شآءآلله لو انك تخصص ريآضيآت عآدي يوظفونك بوظيفة معلمة عربي واقرب مثآل عندكم دكتوره سوزآن من دكتورة تربيه إلى رئيسة قسم الإنقلش سبحآن الله انا عن نفسي متفآئله جدآ اني بتوظف ان شآءآلله ووآثقه ان ربي مآرآح يخيب ظني  تفآئلوا بس وصدقوني بيجيكم كل اللي تتمنونه .gif "(204)") وبس اما بآقي كلآمك انآ معك وبقووه :’) |
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
