مشكلة بسلك الـ hd

[Hanin G]

السلام عليكم ورحمة الله وبركاته ..

اخواني واخواتي ان شاء الله تفيدوني ,, عندي مشكله مع سلك الأتش دي اشبكه على الاب
وعلى التلفزيون ولا يشتغل ..

مع ان السلك تمام 100% و التلفزيون بعد بلازما اتش دي ,, وش المشكله ..

مع العلم انه اول كان يشتغل تمام بس مدري وش جاه بسم الله عليه ..

لمى اشبك جهازي عليه يقولي Unsupported signal check your device output ..

ولا يطلع معاي لا صورة و لاصوت ,, حست بجهازي ولا قدرت ازينه ..

جهازي سوني فايو ويندوز 7 ..

والف شكر مقدما ..

[KSAjamal]

وعليكم السلام ورحمة الله وبركاته ,,,

طيب أولا جربي الحلول السهلة ::

- تأكدي أن السلك شغال لأنه كان يشتغل قبل (جربي سلك آخر) أو جربي السلك على جهاز آخر
اكس بوكس , بلايستيشن

- تأكدي من التلفزيون أنك حاطه على قناة الاتش دي الي مشبوك عليها السلك


اذا الامور تمام :: جربي تحديث كرت الشاشة :: وان شاء الله يضبط

[Hanin G]

كل شي تمام بس مايشتغل ..
سمعت كثير عن تحديث كرت الشبكه ذا وشو هو .. ؟!

[KSAjamal]

طيب ,, أنا المشكلة هذي كانت عندي نفسها بلابتوب hp وشاشة سوني

كانت شغالة تمام ,,, لين يوم من الايام صارت ماتشتغل وتطلع نفس الرسالة هذي الي تطلع لك

,,,,,

عندك في اللابتوب قطعة داخلية اسمها كرت الشاشة

طبعا هي مسؤولة عن الصورة الي تطلع لك بشاشة اللابتوب

جودتها ودقتها ,, وفيها معالج منفصل يعالج الصور والرسوم والألعاب ,,,

والقطعة هذي نفسها هي مسؤولة عن اخراج الصورة من مخرج hd للتلفزيون

.....

القطعة هذي لها برنامج مركب بالجهاز عندك مسؤوول عنها ويشغلها ويتحكم فيها ,,,

البرنامج هذا كل فترة ينزل له تحديث فيه تصليحات واضافات تحسن الكرت والصورة وتعالج المشاكل
الي مثل كذا ,,,

طبعا جهازك يكون مكتوب عليه نوع كرت الشاشة ::

غالباً يكون اما
Nvidia او ATI

اذا عرفتي نوع ورقم كرت الشاشة تبعك

تحدثيه من موقع الشركة وتضبط عندك اشياء كثييير ,,,

بس قبل كذا

فيه كم حل ,, لأن الرسالة هذي تظهر لأكثر من سبب

غيري دقة الشاشة من اللاب توب خليها على دقة اقل وشوفي الشاشة بتشتغل ولا لا

(هذا حل من موقع شركة سوني )

[KSAjamal]

وبرضه جربي الحل هذا ,,

علقي على زر الوندوز بالكيبورد
واضغطي حرف p اكثر من مرة
بتطلع لك الشاشة هذي



اختاري الخيار duplicate