لو سمحتو احد يفزع لي

[عالي المستوى]

السلام عليكم ورحمة الله وبركاته

اول شي الف مبروووك للناجحين وبالتوفيق يارب

اخواني انا كنت مسجل الترم الاول لغه انجليزيه وابشركم حمدلله عديت
وطلبت تحويل تخصص الى ادارة اعمال وجتني رساله اليوم بقبول الطلب
بس عندي كم سوال

اولا الحين المستوى الاول يروح علي ولا شلون

ثانيا وش المطلوب مني اسويه الحين علشان اسجل المواد

الله يوفق اللي يرد علي يارب

[همي غيابك]

مااقدر افيدك ان شاء الله يفيدونك الاعضاء

[*دانه*]

up

[*دانه*]

**منقووول للفائدة من منتدى الجامعه**

^
^

المترتبات الأكاديمية لتغيير التخصص :

1- يتم إثبات كل المواد التي درستها في تخصصك القديم والجديد في سجلك الأكاديمي ولايتم حذفها ويشمل ذلك الساعات والمعدل الفصلي والتراكمي ولايتم بدء حساب المعدل من جديد .



2- عند تغييرك من تخصص إلى تخصص آخر فإنك تقوم بتسجيل المواد لتخصصك الجديد اعتماداً على مواد المستوى الأول في جدول مقررات تخصصك الجديد باستثناء المواد التي درستها سابقاً في تخصصك القديم (أي لاتقم بتسجيل مواد قد درستها سابقاً في تخصصك القديم).



3- عندما تغير تخصصك إلى تخصص آخر ينتمي إلى نفس الكلية كأن تغير تخصصك داخل تخصصات كلية الآداب مثلاً ؛ فإن مواد المستوى الأول والمستوى الثاني تكون محسوبة لك ضمن مواد التخصص الجديد لأن المستوى الأول والثاني هي عبارة عن متطلبات تشترك فيها جميع تخصصات الكلية الواحدة .

أما إذا غيرت تخصصك إلى تخصص آخر خارج كليتك كأن تغير تخصصك الذي كان في كلية الآداب إلى تخصص إدارة أعمال في كلية إدارة الأعمال أو العكس ؛ فهنا يتم إثبات جميع الساعات التي قمت بدراستها في تخصصك القديم في سجلك الأكاديمي حسب النظام ولكن لايتم حسابها من ضمن ساعات تخصص إدارة الأعمال ، ويتم حساب فقط المواد المشتركة بين التخصصين .



4- المواد التي رسبت فيها في تخصصك القديم يجب أن تسجلها وتجتازها حتى وإن قمت بتغيير تخصصك .



5- المواد المشتركة بين التخصصات تتم معادلتها تلقائياً من قبل الجامعة ولايتقدم الطالب بطلب معادلة لها .

[عالي المستوى]

دانه ياربي يوفقك ويعطيك العافيه ويرزقك على قد نيتك
امين يارب العالمين

[عالي المستوى]

نسيت الحين وش المطلوب مني اسجل مواد المستوى الاول ولا الثاني

[ǺĽ ẕeeห]

حياك اخوي ""

حولت من انجليزي ل اداره تبدآ من جديد

تسجل مواد المستوى الأول ربي يسلمك

وكان طلبت معادله عشان ترتاح اذا كانت في مواد مشابهه عشان ماتدرسها من جديد "

[عالي المستوى]

الله يعطيك العافيه يالغلا

طيب يمديني الحين اطلب معادله للمواد ولا خلاص راحت علي

بس من رد الاخت دانه من نقلها للموضوع اللي في منتدى الجامعه انها تتعادل تلقائي هذا اللي فهمته من رقم خمسه

الله يوفقك

[ǺĽ ẕeeห]

صح وانا اختك تتعادل تلقائيآآ

اجل بس سجل مواد المستوى الأول

[جنوبية07]

يآخوي حبيت أقولك شغلة أذآ سويت معآدلة موآد وبعد مآيقبلونهآ آلجآمعة رآح يحذفون لك آللي عآدلتهآ

ويعطونك درجة آلنجآح بشرط مآيدخل آلدرجآت بآلمعدل آلترآكمي وبصرآحة خسآرة وآلله

شوف أذآ أنت يهمك بس شهآدة آلجآمعة كذآ كأ أسم فسو معآدلة أمآ أذآ لآ فلآتسوي معآدلة ويكفي أنك

دآرسهآ يعني عآرف كل شي وتقدر تجيب فيهآ بأذن آلله آلفل مآرك

آلمهم يآخوي آلخيآر لك أنآ حبيت أنصحك بس

وبكل آلأحوآل

مووفق يآرب