هل نحن بالفعل جيل فاشل

[مبسوط من نفسه]

بسم الله الرحمن الرحيـم

السلام عليـكم ..

فيه موضوع حاب اناقشكم فيـه ..

كثيراً ما نسمع هذه الأيام :
(((الزمان تغير و ما عاد مثل أول .....يا ليت أيام زمان ترجع ..كانوا الناس اخوان ... وكل شي كان له طعم ..))).

العبارات هذه كثيراً ما نسمعها في مجالس الكبار ويرون أن هذا الجيل لايصلح
لتحمل المسؤولية
وأن زماننا في كل أطرافه زمان لا يصلح للمعيشة وانه زمن الاتكال على
الغير ..
نسمعهم يتحسرون على أيامهم الماضية
ويصفوننا ويصفون زماننا بأمور غريبة
فهل نظرتهم صحيحة أم أنها جائرة ؟؟
وهل هم دوما محقين فيما يذهبون إليه ؟؟
وهل يخلو عصرنا من كل شيء جميل لهذه الدرجة التي يرونها ؟؟
اريد ان اسمع ارائكم بعقلانيه دون تعصب لزماننا
فهل فعلا نحن جيل فاشــــــل ؟!!!



منقــــــــــــــول

[زهرة الخليج وبس]

ليه ياخوي نحكم على انفسنا بانافاشلين ماشاءالله فيه ناس يضرب بهم المثل في زماننا لواحنا فاشلين ماكان فينا الان الام والاب اللي قاعدين يدرسون وابنائهم مثلهم على مقاعد الدراسه عندنا في الجنوب يقولوا مافي رجال هالزمان كلهم راعين الجوالات والانترنت لدرجه حتى بعضهم مافيه خير لاهله وبعد يقولوا مافي بنات زي اول هالحين بنات الموضات اللي يمكن تقولي لها سوي مثلا شي قالت الله يخلي الشغاله بالله هذي شلون تمسك بيت ارجزكم لاحد يزعل علي وترى الكلام هذا ماينطبق على كل الناس لكننا لاننكر وجوده وتقبلوا خالص تحياتي

[fƠƠȤ]

[align=justify]نعيب زماننا والعيب فينا ومالزماننا عيب سوانا
و نهجو ذا الزمان بغير ذنب و لو نطق الزمان لنا هجانا
فدنيانا التصنع و الترائي و نحن به نخادع من يرانا
و ليس الذئب يأكل لحم ذئب و يأكل بعضنا بعضاً عيانا[/align]
هل اكتفي بقول الشاعر ام ازيد على رأي يحتمل الصواب والخطأ كل مازاد العدد زادت نسبة الخطأ والصواب والاثنان بميزان واحد لا ترجح كفة احداهم على الاخرى
وصاحب النظرة الايجابية سينظر لمدى التطور وصاحب النظرة السلبية سينظر لمدى الانحلال .

[أبــو الـولـيـد]

شوف انا بتعمق شوي بالموضوع وافصل اشوي ..
اذا تتكلم من الناحية الدينية والالتزام بالدين طبعا وبلاشك السلف الصالح افضل منا والاجيال السابقة افضل منا بكثير ودليل ذلك قوله صلى الله عليه وسلم " خير القرون قرني, ثم الذين يلونهم, ثم الذين يلونهم, ثم يأتي قوم يشهدون ولا يستشهدون, وينذرون ولا يوفون, ويظهر فيهم السمن ."
يعني معنى الحديث ان الصحابة رضي الله عنهم افضل الناس ثم اللي بعدهم ثم اللي بعدهم ..
هذا من ناحية ..
لكن من ناحية التواصل والارتباطات الاجتماعية
كان الوضع غير الحين كانت الحياة بسيطة ماكان فيه سيارات وجوالات..الخ وكان التواصل بين الجيران كثيرر
لكن الحين تغيرت طريقة التواصل وصارت عن بعد وهي شيء كويس بس مايعجب الكبار اللي ماتعودو عليه ...
طبعا التقنية مناسبة للشباب وصار فيه قوة ترابط بين الناس عبر البلاك بيري والايفون كثير من الناس ماكانت تتواصل مع بعض والحين كل يوم يرسلون على البي بي او الواتس اب ..الخ لو هي رسائل عامه الا انها تواصل .. حتى اذا تاخر عليك مارسل يوم يومين تسأل عنه .. طبعا هي مناسبة بحكم ان الناس منشغلين بأعمالهم .. ومع اهليهم
كل زمان له مميزاته وله سلبياته .

وبصراحة دايخ اليوم مداوم ومسافر بعد
لعل يكون لي تعليق افضل من هذا

[سوسو الرياض]

يمسيكم باالخير جميعا

اولا مع احترامي الشديد للشيبان والعجايز احس ان هياطهم باالماضي زاد عن حده

صحيح شباب اليوم مو مثل شباب ذيك الايام واصلا ماافيك تقارن اساسا يختلف الوضع 180 درجه

الوالده الله يحفظها كل ماتشوفني ماسكه اللاب تقولي ياابنيتي انايوم كنت بمثل عمرك كنت أخبز في التنور وأسقي الركاب (الجمال) وقايمه باالضيوف وكنت حامل بعزوز وهند عمرها سنتين >>انتهى كلامها حفظها الله



بلاه وش اسوي اشق هدووومي


لا تقاارنونا باالاوليين بتاتا البته


بلاه من وين اجيبلي تنور وجمال عشان امي ترضى >>ابي رباابه بعد عشان يكمل المشهد التحيف

حنى لنا ابداعاتنا ومهاراتنا وعندنا سنع يختلف عنهم


والله احنى ياحلينا طيبين وحبيبين وش زينا مير الوقت تغيير ومتطلبات اليوم مابدها حل امبارح


اتوقع هذا اللي يسمونه اختلاف الثقافات

تحيااتي

[rmmunajam]

[ســالم !!]

احم احم ..
معاكم اخوكم ابو صبا << ادوختهم بهالسالفه

شف وانا اخوك ..

انا اتكلم اصالة ً عن نفسي .. ونيابة ً عن روحي .. انا فاشل

وصبو بتكون افشل مني
ومريم << هذي بنت صبو ان شاء الله بعد 23 سنه بتكون افشل من صبو

وهكذا دواليك <<


تبي الصدز .. والله لكل زمان دولة ورجال .. اللي قبلنا كانو شاطرين بأدواتهم في وقتهم ..
وحنا اشطر منهم في أدواتنا الحاليه ..

يعني بشكل عام المسألة لا تقبل المقارنه المطلقه لكنها مقيده بالموارد والادوات والنتائج..
حنا الحين شاطرين في ادواتنا .. و ع حسب الموارد المتاحه .. اتوقع ان انتاجنا حلو ..

واللي سبقونا كانو شاطرين في وقتهم باستغلال مواردهم البسيطه ..

يعني هي مسأله نسبيه يالغالي ..

وشكرا

** انا مارجعت اقرا ردي لكن احس اني مكرر كلامي

[أبــو الـولـيـد]

اول الحرمه تسأل الزوج شو تبغاى اسوي لك ؟؟

يقول قهوة

تقول ابشررر .. وتروح تزين ذاك القهوة اللي على كيف كيفك وتجيبها وتجلس تتقهوا معاه ..


والحين

تسأل زوجتها تبغا شيء عيوني ؟

يقول قهوة .."طبعا سعودييين ماعندنا غير القهووووة"
عاد تقول ميري سوي قهوه حق بابا ههههههههههههههههههههههههههههه

[نوره | ~]

وربي ان جيلنا كفو و كفو سبعين مره من ناحية الشباب ان بغيت احد اصحابك في الفزاعات قسم تشوف الكل يسابق على فزعتك و ان بغيت الفله و الوناسه ابشر بعزك و ان بغيت الثقافة تنذهل والله من اعداد هائلة جدا من المثقفين في زمننا هذا و ان بغيت استهبال و استعباط انت بس اشر و شوف

و من ناحية البنات نفس الكلام اللي فوق ينطبق عليهن تقدير و احترام لصحباتها ولا يفرقهن الا الموت و فيات بمعنى الكلمة قريبات من بعض اكثر من الاخوة و تحت الخدمة باي وقت

هالحين بنات الموضات اللي يمكن تقولي لها سوي مثلا شي قالت الله يخلي الشغاله بالله هذي شلون تمسك بيت ارجزكم لاحد يزعل علي

لا لا لا يا عزيزتي لا تحكمين عالبنات اللي عندهم شغاله انهن موب كفئات لتحمل مسؤليات المستقبل
لو تلاحظين يا حبيبتي بنات اول اول زماااااان ترى كان اللي يخدمهم و يقوم بشؤنهن " الرقيق " صح ولا انا غلطانه ومع هذا كانوا كفئات بقوة
يا اختي الدور الاساسي للمرأة هو تربية أجيال صالحة و ليس مثل ما انطبع في اذهانكم بان المرأة الجيدة هي اللي تقوم باربع بيوت و سنعة و حقت خم طباخ و نفخ و مدري شنو

[mad77000]

حنا افضل منهم بكثير حنا تعلمنا وتثقفنا واخترعنا وعملنا في مجالات كثيره وهم ليسوا كذلك حدهم سادس , ومصلحين خبره