ادخل وشــارك بغرائب وعجاـــائب مارأيت اثناء الاختبارات

[الهادئ]

موضوع جديد نبي من خلاله كل يدلي بدلوة في الاشياء اللي شافها او حصلت له اثناء الاختبارات

لان اوقات الاختبارات هي الفترة اللي تجمعك بالزملاء وحقيقة فهم مختلفين فيهم الطيب وفيهم

من لايستحق الذكر ,,يعني اصناف البشر ,,

بس بما اني بديت بالموضوع احب اذكر تجربة في اول يوم للاختبارات وكان عندنا محاسبة تكاليف

وكنا بمركز الخبر 1 والحقيقة ان ثانوية الكسائي من اسواء المدارس في العالم لكن هذا ماهو

الموضوع الموضوع ان فيه شخص من اول مادخل وهو يكلم المراقب وش هذا المركز ووين حنا

عايشين ومن هالكلام واستمر يااخوان الى نهاية الاختبار ويقول للمرافب شوف اذا بكرة مايتغير

المركز هذا والا انا ماني فلان بن فلان المهم ازعجنا الله لايوفقه والله يااخوان اربشنا لدرجة انه

انتهى الوقت وباقي عندي 10 اسئله ومع العلم ان الشخص هذا اول واحد سلم ورقته كيف

جاوب ماادري وكان فيه ثاني بالقاعة يكلمه كل شوي بصوت عالي وش سويت ؟ وهذاك يقوله

تمام انا ماادري هل هو مسلم ورقته بيضاء والا وش سالفته ؟

الموقف الثاني فيه واحد الله اعلم انه اردني تقريبا اذا شافني قاعد افكر في سؤال يعطيني اجابة

غلط يعني اقوله شلون جاء الحل كذا قول لا تسأل حط ب وبس طبعا جمدته واخترت اللي اتوقعها

انا بس صراحه ماكنت اتوقع ان فيه ناس في قلوبهم حسد وحقد لزملائهم له الدرجة

الاول شوش علينا

والثاني يوزع اجابات خطأ حتى من دون ماحد يكلمه

[ام تيمو]

معقول فيه ناس طالبه حرش ان شا الله عدى اختبارك ع خير

[كان في مكان]

1/ المركز الاختبار مزبلة بكل ماتعنية الكلمة و ريحة خايسة من جد اختبار وان ماتنفس من الريحة تطير المعلومات

[الهادئ]

المشاركة الأصلية كتبت بواسطة ام تيمو

معقول فيه ناس طالبه حرش ان شا الله عدى اختبارك ع خير

كملته بشختك بختك بس صراحة فيه ناس تخليك تحمد ربك ع نعمة العقل

[الهادئ]

المشاركة الأصلية كتبت بواسطة كان في مكان

1/ المركز الاختبار مزبلة بكل ماتعنية الكلمة و ريحة خايسة من جد اختبار وان ماتنفس من الريحة تطير المعلومات

اي والله مدرسة من القرون الوسطى بس شكل الجامعة زاد عليها عدد المتقدمين وبدأت مرحلة تطفيش الطلبة

[ابغى اتعلم]

أذا انت يا الهادئ شوش عليك طالب كان طلبتوا من المراقب بسكوته او ينقلونه في غرفه لحاله
المشكله عندنا بعض المراقبات تقرقر. من اول ما تدخل كملوا بيانتكم. لا تحلون الى ان تكملوا بيانتكم تعرفون كيف تعبئه البيانات يعني 3 اترام. وما نعرف بس الله يهديهم يخلون الواحد يقراء السوال اكثر من مره علشان يستوعب. هبلوا فينا

[وردة سلام]

المركز امانة مايتعيب
ولكن الموقف بعد امتحان الصحة
سامحهم الله البنات ما اقول غيرها
هو الي اشعر انه خطاء فادح

[سمو الإحساس]

بصراحة اكثر شي يستفز هم المراقبين اذا كان من النوع اللي مايحب يسكت .. وصادفني باختباراتي الفصل هذا اثنين من المراقبين من بداية الاختبار الى نهايته وهو يتكلم .. بدأ بالاول بالتحضير واذا رد الطالب عليه يسأله كم سؤال كأنه متعمد الشوشرة على الطلبة وانهاها بالسوالف اللي في غير محلها ولاوقتها ،، وانا بصراحه اعترضت على الاثثنين وصار نقاش حاد مع مراقب وكذا طالب وقفوا بصفي وتكلمنا بصوت واحد ان اللي قاعد يصير نوع من الشوشرة افقدنا التركيز .. والمراقب استمر واخذ الموضوع كنوع من العناد او محاولة اثبات نفسه ،،

[عذبة القلم]

انا بصراحه مااقدر اوصف لكم مركز الاختبار الي اختبرت فيه كانت ثانويه اهليه ومن كثر ما المراقبات مريحيين البنات كانت مديرة الثانويه بنفسها توزع قهوة وبقلاوة وكابتشينو وشاي عالبنات كل طالبة تبغى حاجه كانت تأشر بيدها للمديرة ذي او لاحد المراقبات ويجيبو لها الي تبغاه ....الله يسعدهم دنيا واخره والمكان كان لايعلى عليه من ناحية النظافه كل مااطلع للاختبار احصل البلاط يلق وباين دوبه مشطوف .....والله من جد شي عجيب بصراحه ....

[DALAL99]

الحمدلله بالنسبة لي انا في مركز الظهران مدرسة ارامكو المتوسطة الثالثة للبنات
من ناحية المدرسة فهي رائعة مثل اغلب مباني ارامكو،
أما بالنسبة لتعامل المشرفات والمديرة كان روووعة الله يعطيهم الف عافية، تمنيت لو اعرف كل وحدة كان كتبت اسمها وشكرتها
وأيضاً حريصات على الهدوء اكثر من البنات كل مرة يذكروننا بأن نحط الجوالات ع الصامت
فشكراً جزيلاً ي مشرفات وادارة مركز الظهران ،الدانة.
*