تنظيم سيء

[فهد الميزاني]

تحية طيبة للجميع
بالتوفيق لكل طالب وطالبة في الامتحانات
المادة سهلة ونشالله حصلنا على الدرجة المستحقة للنجاح

ولاكن هناك تنظيم سيء لأماكن الاختبارات فأنا ساكن في حي الازدهار وحطوني في العريجا مع العلم أن يوجد مركز اختبار قريب من المنزل ( ثانوية البيعة ) بحي النزهه وأعرف صديق لي يسكن في حي النظيم شرق الرياض وتم شوته للسويدي جنوب الرياض يعني الواحد يبيله ساعة طريق بدون زحمة وعدم الزحمة مستحيلة في الرياض

السؤال كيف تمت عملية تحديد المراكز للطلاب وعلى أي أساس تم تحديد المراكز بدون أي دراسة مسبقة على أنهم يدرسون مادة الأدارة الا أنهم لم يبدعوا في أدارة الطلاب واختيار المراكز المناسبة لهم ... وما الفائدة من أخذ رسوم رسائل الجوال

[i b r a h i m]

توقعي ان التوزيع كان بشكل عشوائي مع العلم ان اليوم في قاعة الاختبار اسولف مع اللي جنبي في القاعه يقول انك تقدر تغير المركز و العهده على الراوي

[parliament]

راح تتعب اذا مافيه كلام وصوت قوي يوصل لمدير الجامعه او مدير الانتساب المطور لانه بصراحه كذا ماينفع ابدا سوء في تقديم الخدمات الالكترونيه سوء في التنظيم في مراكز الاختبارات والدخل كل ترم بملاييييين الريالات لاتعكس ابدا الخدمه المقدمه منهم بس لاحول ولا قوة الا بلله

[ابوحور العنزي]

انا من شرق الرياض وحطوني في غرب الرياض (العريجا )

[Mohammed saeed]

انا بجنوب الرياض العريجاء وساعه ادور المكان
ورقم الجوال ادق مايرد او مقفل او مشغول ههههههههههههه

[أشواااااق]

الإختيآر كآن عشؤآئي طبعا .. وش يدريهم إنتو ب أي حي سآكنين -_-

ومابيخلوكم تختآرو المركز [ ل أسباب أمنيه ]



موفقين

[ابـــ راكـان ـو]

انا في النسيم وحددولي مركز السويدي والله ان اليوم الطريق اخذ مني ساعه ونص من قوووووووة الزحمه

[ابـــ راكـان ـو]

انا في النسيم وحددولي مركز السويدي والله ان اليوم الطريق اخذ مني ساعه ونص من قوووووووة الزحمه

[aseel.w]

انا احسهم متعمدين هالشوتات مافيه احد مركزه قريب منه

وبالنسبة لتغيير المركز سالت اليوم رئيسة القسم على قولتهم
قالت لي لا لا ابدا مافيه امكانيه عاد ماادري يمكن صادقه ويمكن تصرف لانها مشغولة .

موفقين

[عبدالله الالمعي]

انا من غرب الرياض وحطوني بشرق الرياض لا والجوال مايردون عليه هههههه والله مصخره جامعتنا