الي جميع الاخوان لمركز الاختبار 9 بالرياض يوجد وصف

[dawood]

تحياتي للجميع تم اليوم زيارة موقع مركز الأختبارات في مدينة الرياض رقم (9) وحتى لا يشكل على أحد زرت الموقع لأنه غير واضح بالخريطة.

تعليمات الاتجاهات:
يمكث أستخدام طريق الملك فهد ولا انصح فيه للأزدحام وخصوصا هذه الأيام لذا ننصح بأي طريق بديل لكن الوصف للموقع بالنسبة لي راح يكون من طريق الملك فهد بأتجاه الجنوب وحتى الوصول الى تقاطع الكباري الموزع الى جهة اليمين الى السويدي والبديعة والمتجه الى اليسار الى العزيزية والحائر يجب الأستمرار بأتجاه الجنوب حتى الدخول على بداية طريق ديراب وأنصح مباشرة بعد تجاوز مجمع الكباري وبداية طريق ديراب دخول خط الخدمة والاستمرار حتى يأتي على يمينك مركز على كيفك أستمر قليلا حتى يأتيك دوران(مديور) أرجع معه وأستمر على خط الخدمة والآن أصبح أتجاهك شمال على نفس طريق ديراب حتى يأتيك على اليمين مسجد وبعده بعمارة بزاويتها يوجد مركز توزيع لشركة (قو للانترنت) تدخل بالشارع اللي بعد (قو) مباشرة طبعا يمين أصبح على يسار الآن مطعم الطازج وقو على يمينك هذا الشارع أسمه أبن المفلح شارع في نهايه حرف(t) وتقابلك فلل المدرسة المتوسط الحكومية التمامي خلف هذه الفلل أبحث عن طريق يوصلك الى خلف هذه الفلل وتشاهد المدرسة.

تمنياتي للجميع بالنجاح في الاختبارات وآمل أن أستحسنتم الدعوة لي بالنجاح بالاختبارات

شكرا لدعمكم المتواصل لنا

[السلطاN]

معليش أخوي ما فهمت عليك
أنت تسأل هل فيه وصف لمركز 9 بالرياض
والا تعلمنا أنهم زودوا الوصف بكروكي مرفق

[dawood]

تحياتي لك السطان الظاهر ماظهرت لك الكتابة

[زايد العصيمي]

اخوي كم يبعد على كيفك من مجمع الكباري

ومشكور يالغالي ازحة عني هم

[حسين العتيبي]

الله يجزاك خير يالغالي


صراحة وصفك لايعلى عليه


بالرغم من اني كنت مدري وين ارضه قبل وصفك

[أبو رائد]

ان شاء الله تنجح
وياليت يفكوننا ونختبر في مراكز اقرب عند بيوتنا

[البدر15]

طيب ياشباب انا معكم بالمركز

و ماودي اروحله لانه بعيد بالمره مشوار فوق الساعه

السؤال اقدر اروح للمركز اللي بجنب البيت واختبر فيه

[ابراهيم التميمي]

إتجاهات طريق ديراب فقط شرق وغرب يالحبيب مافيه شمال !!! لاتضيعهم ،،،

[ابو عشوان]

مشكور اخوي

والله انا ساكن في شرق الرياض يعني المشوار بعيد بصراحه

وتوني رحت اعس المكان على شان بكرة ما اقعد ادور والف وادور
مثل ماقلت اول ما تمسك طريق ديراب تقريبا ثاني مخرج على يدك اليمين يجيك على كيفك و صيانة هونداي على اليمين ابد شارع بن مفلح قبال على كيفك بالزبط يعني تسوي يوتيرن وترجع وقبل الطازج تاخذ يمين

[dawood]

تحياتي اخوي ابراهيم التميمي لا تخاف على اهل الرياض يعرفون وشو اقصد والقصد شمال الرياض