فضفضة طالبة علم

[غزاله الدوسري]

السلام عليكم ورحمة الله وبركاته

اتمنى ان تكونوا بأتم صحه وعافيه وان تكون السعادة رفيقة لدروبكم جميعآ

..

اخترت هالأسم عنوانآ لموضوعي كي اضمن ان هناك مجموعة لا بأس بها سيجذبها العنوان وستدخل لتقرأ ما قيل

طبعا من خلال تصفحي لمنتدى الجامعه وجدت ان الكثير يسعى وراء مصلحته وهذا شيئ طبيعي

بس لاحظت شيئ ما اعجبني ابدااا .. انو لما ينزل موضوع فيه فائده نلاقي الكل يرد عليه

بس لما يكون في موضوع فيه طلب نادر ما نلاقي كم رد ..

ما انكر انو في ناس طيبه تتعامل بالأجر وتنبسط حيل لما تتعاون مع الكل عشان ربي يواليها النجاح والتوفيق بكل شؤون الحياة ..

واكثر فئه [ اعذروني ] أهل الأحساء اللي للأسف المفترض انهم هم اكثر ناس يكونون متعاونين لأن مقر الجامعه بمدينتهم .. إلا اني اشوف أهل الرياض وأهل الدمام والخبر متعاونين اكثثثثثر

اكثر من مررره كنت اقول يااااليتني من سكان الرياض كان ما تبهذلت مع الملخصات والمحتويات

قبل شوي قلت للوالد الله يحفظه ويخليه يارب يوديني لمركز سعد ..؛ قلت لهم عندكم محتويات للإنتساب المطور .. قالوا لي لإأ لسى الجامعه ما اعطتنا شيئ .. قلت له مالي شغل بالجامعه ابغي المحتويات حقة الأعوام الماضيه .. قال .. الجامعه مسوين تعديلات ما اقدر اعطيك شيئ .. طبعا .. مالي حل إلا اني اطبع .. مهي صعبه .. بسس بعد يازين التعاون وربي .. وش فيها انو طالبه والا طالب يطبعون المحتويات والملخصات والأشياء المفيده مثل اسئلة إختبارات سابقه او اسئلة الواجبات من تجميعهم وينسخون نسسسسخ ويحطونه بالمكتبات ويجون يعطونا خبر وحنا نروح ندفع وناخدهم ..

انا بنفسي لو عندي وقت ومتوفره عندي وربي ما اتردد اني افيد غيييري وراح انزلهم بمكتبه عشان الكل يستفيد ..

ولو تذكرت شيئ ينقال راح ارجع اقوله .. ولحد يعترض او يحتج على كلامي هذه مجرد [ فضفضة طالبة علم ] << انا اطلب العلم ماني طالبه شيئ ثاني من أي مخلوووق ..


والله يوفق الجميع

[واحد من الناس ؛]

غزاله ؛

؛

كلامك في محلهـ ؛ ربي يسعدك ؛

؛

انتي وين موقعك وش اللي تحتاجي ؛

؛
ممكن يكون عندي واقدر اخدمك فيها من عيووني ؛

؛
اذا انتي من الدمااااام او الخبر ؛؛


؛؛

تحيتي ..


..

[غزاله الدوسري]

واحد من الناس ..

الله يكتب لك النجاح بكل خطوه تخطيها ..

للأسف واقولها بشششده للأسف اني من سكان الأحسااااااء

[the.best]

طيب يا انسه غزاله
لو انا محلك شريت لي طابعه ابو 120 ريال وطبعت الي احتاجه في البيت بدون ما احتاج احد وبلا مشاوير وبلا هم اللهم انك تغيرين الحبر كل ما خلص وبلا مشاوير وهم زي ما سويت بلا مكتبه بلا خربيط واطبع وادبس وارتبها على كيفي لا وتطلع طاااازه كانها طالعه من مخبز

[شتاتّ أصيلْ]

وعليك ِ السلام ورحمة من الله ،، حياك ِ الله غزاله
بالنسبه للفضفضه وجهة نظر وأعتقد هي خاصه فيك ِ
ومن أراد أن يحترمها ياهلا .. ومن لم تعجبه لايرد يقرأ ويذهب
وهذا الواقع الذي نراه بما أن أهل الأحساء عندهم كل شي
ليش مايوضحون للمكاتب أو أي شيء مهم بالنسبه للجامعه بحكم قربهم لها وبأمكانهم الوصول إليها
إذا لزم الأمر .. اذا حصل خطأ عندنا بالذات اللي من أهل حائل ,, أو المناطق البعيده الأخرى
يتصل لين ينشف ريق جواله ويطفي شحن / ولافيه من يرد الصوت علينا
مانطلب المستحيل .. لو كان بيدي العون لن أتأخر عن طالبه
ولا ألوم أو أضع اللوم كُله على أهل الأحساء فيهم الخير والبركه لكن لاتخلو من تكاسل هذا الذي نراه

ودام هي فضفضه / أبي أفضفض عن نقطه اذا ما أندثرت أو شنقناها من بدري راح يكون فيه حزازيات
اللي هي اذا كتبت بنت موضوع الكل هب لها وكلن ترك شغله وراح يعاونها
واذا كتب رجل موضوع يطلب فيه المساعدة قليل اللي نشوفه يرد عليه إلا بعض المشرفين الله يقويهم
وبعض الأعضاء .

لا نطلب مستحيل ..
وأخر كلماتي / إكتب حرف وإعلم بأنه سيبقى في هذا الصرح والكل يدعي لك بالخير
يمكن الكثير مايستفيد منه لكن فيه قليل نشوفهم توهم يدخلون المنتدى ولاهم فاهمين شي ومجرد النظر لموضوعك يدعون لك بالخير والتوفيق
وش اللي يضر من كتابة شيء لن يأخذ من وقتك الكثير ..!؟؟

كتبت بالأعلى اذا لم تعجبه الفضفضه ... ووجهات النظر لايرد يبقى خارج إطار هالموضوع

أعتذر من الأخت غزاله لإسترسالي بموضوعك ِ

جنائن ياسمين لكم

[غزاله الدوسري]

the best

الله يسعدك ويريحك إن شاء الله

ومنو قال لك ان ماعندي طابعه .. العوووق بأني أجلس يوم كامل عشان اطبع وأنا بصراحه واقولها لك .. نظري يتعب بسسسرعه


فبسس كنت حابه انو نتعاون .. ونحب لبنضنا مانحبه لأنفسنا

؛

[نشاط زايد]

هذه المكتبة توفر لك الي تبينه وفي اي مكان
ولكن كثري الدراهم
مع تمنياتي لك بالتوفيق والنجاح

[the.best]

كل يوم اطبعي لك ملخص وذاكري مادته حتى تخلص وبعدها روحي للماده الثانيه الله يقويك
هذي اسمها اداره الوقت .. والله يوفقك يارب
واذا في الحسا اكتبي موضوع واكتبي فيه الحسا يمكن يدخلك حساوي والا حساويه ويفيدونك
وفي موضوع الظاهر حاطين فيه كل مكاتب المملكه في كل المدن الي توجد فيها التخصصات

[the.best]

المشاركة الأصلية كتبت بواسطة نشاط زايد

هذه المكتبة توفر لك الي تبينه وفي اي مكان
ولكن كثري الدراهم
مع تمنياتي لك بالتوفيق والنجاح

صحيح كلام الاخ
راح تكلفك 140 ريال مع الشحن وتوصلك بعد 3 ايام

[غزاله الدوسري]

شتات اصيل

اهني نفسي بوجودك ووجود اخواني اللي سبقوك بدقائق الرد

؛

والله لايحرمكم الأجر على انكم اكسبتوني القليل من وقتكم

جدا سعيده بوجودكم وايضا إضافة فضفضتكم بجانب فضفضتي

ويدا بيد نرتقى بأنفسنا وطريقة تعاملنا مع بعضنا البعض وتعاوننا ايضا

؛

لك مطلق الحرية بوضع أي حرف تود وضعه بأيي وقت تشاء بمتصفح الجميع وليس متصفحي انا فقط

.