اليوم سجلت في الدبلوم التربوي العام بس عندي سؤال

[قاصد القرب]

بسم الله الرحمن الرحيم

اليوم رحت عمادة الدراسات العليا بجامعة الملك فيصل الدور الخامس
وقدمت أوراقي المطلوبة للتسجيل في الدبلوم التربوي العام للي شهادتهم غير تربوي

والأوراق المطلوبة :
1. صورة من الشهادة الجامعية
2. صورة من كشف الدرجات
3. صورة شخصية
4. تعبئة الفورم الموجود على الموقع

طبعاً سألته كم سؤال وكان الموظف يجاوب أسئلتي بصدر رحب ، الله يرحم والديه ، ماقصر معاي

بالنسبة للدراسة فهي بفلوس ومقدارها 12000 ريال للسنة واحدة تدفع كل سمستر 6000 ريال وينزل لك الجدول . ( البرنامج سنة واحدة فقط )

أما وقت الدراسة فهو السبت والأحد والأثنين والثلاثاء من الساعة 3 ظهراً إلى 7 مساءً
( الله يعين المدرسين على هالدوام )

نجي لشي المهم والي ماحصلت له إجابة عنده وهي :
الآن يقول أن الشهادة معترف بها لأنها من جامعة حكومية بس السؤال الي يسدح نفسه وهو هل إدارة التعليم إذا أخذنا هذا الدبلوم راح تنقلنا من المستوى الرابع إلى المستوى الخامس ولا تروح علينا الفلوس وكنك ماسويت شي !!!!!؟؟؟؟

أرجوا من عنده إجابة لا يبخل علينا ويجاوب علينا تراني متردد وخايف أن أنا راح يروح علي الوقت والفلوس .

وشكراً

[قاصد القرب]

نسيت أيضاً مطلوب صورة البطاقة

[امواج الغلا]

تسلم ع خبريه <<<ودى اخذ شهاده تربويه


وسؤالك ماعرف له جواب

[blanco]

السلام عليكم بخصوص الماستر التربوي هل فيه شروط بما إنه بفلوس ؟
يعني من ناحيه المعدل و و و و إلخ
والي شهادتها بكالوريوس تربوي تقدر تاخذ ماستر تربوي زي ماسويت أو لا يعني ابغا اعرف من إلى عشان اذا ربي كتب لي اقدم والله ييسر امور الجميع

[blanco]

سوري توني انتبه مكتوب دبلوم تربوي طيب الي شهادتها تربويه هل تحتاج دبلوم تربوي أو لا
والماستر التربوي هل فيه بفلوس ومن شهاده معترف فيها
المعذره ماعندي اجابه للسؤال المطروح وإن شاءالله الاخوات يردون عليك

[فراشه]

نجي لشي المهم والي ماحصلت له إجابة عنده وهي :
الآن يقول أن الشهادة معترف بها لأنها من جامعة حكومية بس السؤال الي يسدح نفسه وهو هل إدارة التعليم إذا أخذنا هذا الدبلوم راح تنقلنا من المستوى الرابع إلى المستوى الخامس ولا تروح علينا الفلوس وكنك ماسويت شي !!!!!؟؟؟؟

راح تعامل كخريج جامعي تربوي ... عاد ما ادري التربوي على اية مستوى ..
بس الي اعرفه انه التربوي اعلى مستوى من الغير تربوي ...