فلم هندي سواه رجال في زوجته !! شوفوا النتيجة ؟؟

[التعب منسي]

كلام قريته عجبني


نبدأ الفيلم :

حدثنى احد المتزوجين القدامى (من امضوا اكثر من عشر سنوات زواج) انه كان يسمع كثيرا عن فوائد الكلام الحلو للزوجه ومدى
تأثيره على العائله جميعاً يقول صاحبنا انه كان يضحك على هذا الكلام ....

ويقول انا شخصياً....
متزوج وزوجتى تعلم ومتاكده انى احبها فما فائدة الكلام هل نحن بمسلسل تلفزيونى ويجب ان اسمعها يومياُ انى احبها.

المهم يقول صاحبنا كنت مضغوط بالعمل لمدة 3 شهور وحبيت اخذ اجازه لمدة اسبوعين وفعلا اخذت الاجازه. وفى اول يوم اجازه كنت بالصاله واتصفح الجرايد واتفرج عالتلفزيون وكانوا يتكلموا عن الزوجه وعن فوائد اسماعها كلمات الغزل. وخطر لى ان اضيع هالاجازه بفلم من اعدادى واخراجى واسميه الضحك على الزوجه.

وبدا الفلم من سمعت صوت الاولاد وهم راجعين من المدرسه ومعهم المدام(المدام معلمه).

لما دخلوا البيت مرت المدام من عندي رايحه لغرفتها فأوقفتها وقلت:

هلا وغلا هلا بعمرى ونور عيونى، فنظرت الى وقالت الحمد لله اكيد تحلم ودخلت الغرفه فدخلت معها واعدت ما قلته لها مع حضنه خفيفه وخرجت.

واثناء الغداء صرت امدح بطبخها واقول انى محظوظ ان عندى زوجه حتى وهى جايه من الدوام ومتعبه تهتم لى وتطبخ طبخ حلو ومو اى كلام. بنت الحلال مو مصدقه وقالت الله يستر من الى وراء هالكلام اكيد فيه شى.

وبعدالعشاء دخلت غرفة الملابس وبدلت استعداد للخروج مع الشله ولما طلعت للصاله لم اجد المدام كالعاده عند مسلسلها المفضل فدخلت غرفة الاولاد وسالت عن امهم قالوا بالمطبخ .
مريت عليها وقلت غريبه حبيبتى مو عند التلفزيون قالت: بكره فطور المدرسات علي انا ، (فخطر لى ان اكمل الفلم حقي) فقلت: حبيبتى لا تفوتى المسلسل الى انتى متابعه وانا اجيب لك كل شى من برا ،
استغربت وقالت: انت تتكلم جد
قلت: نعم .

كتبتلي الى تبغاهـ واخذت الورقه وقلت خلاص حياتى وانا راجع اجيب الى طلبتى.
ولما طلعت من البيت خطر على بالى انى ما اروح للشباب اليله واجيب الى طلبت واشوف نهاية الفلم.وجبت طلباتها ورجعت ويوم شافتنى استغربت وظنت انى جبت ا لاغراض لانى بتاخر بالسهر لان ما عندى دوام.لكن تفاجاءت لما بدلت وكانت بجنبى فحضنتها وقلت: حبيبتى وش بتعشينى اليوم ، ورحت للصاله جلست .

المسكينه لحقتنى وقالت: يا ابن الناس قلى وش عندك تراك خوفتنى ....
قلت: والله ما فيه شى ابد ..

وقامت من عندى ورجعت وبيدها مصحف
وقالت: تحلف عالمصحف ان ما فيه شى
قلت: طيب ..

وفعلا حطيت يدى عالمصحف وحلفت... !!
وفجاءه طاحت على وصارت تبكى بكاء قوى مره وتقول يا ويلى على عيالى انا اندهشت وقلت: عما عما ان شاء الله<< "هاذى الكلمات الى كانت تسمع كل يوم"

قلت لها : وش فيك قالت: اكيد بتموت او انا بموت وبيتيتموا عيالنا.
انا قلت تعوذي من ابليس .........

ويواصل صاحبنا سرد قصته او فلمه كما سماه.
يقول كان الحال بدأ يعجبنى واستمريت بنفس الكلام المعسول صرت امدح بلبسها واثنى على ذوقها بإختيار الالوان !



وبعد اسبوعين على هالحال....


يذكر صاحب القصة انه والله العظيمــ بدأت المدام تتغير بعينى وصرت ما اقدر ابعد عن البيت حتى وانا بالبيت لو راحت تسوى شى احس انها تاخرت كثير وصرت كانى باول ايام الزواج.

حتى شكلها اتهيا لى انه تغير وان وجهه صار انظر وخدودها كانها مورده عيونها صارت اوسع وفمها صار اصغر.
وانا افكر واقول يمكن لما سمعت الكلام الحلو ارتاحت ونفسيتها صارت حلوه واثر عليها ذا

جانى ابليس وقاللي: لا تضحك على نفسك هاذى رفيقتك الى انت خابر اول...
وتعوذت من ابليس.

لكن الى صار حقيقه ومو تهيات حتى اولادى تغيروا وصرت ما اسمع زعاقهم الا نادراُ وهو الى كان يلج بآذنى حتى وانا بالدوام.
صاروا يحبوا بعض ويخافوا على بعض .

يقول الحبيب صرت اسمع منهم صباح الخير يا بابا وتصبح على خير يا بابا وهالشى كنت اشوفه بالمسلسلات واضحك واقول مستحيل يصير هالشى باى بيت سعودي مهما بلغت تربية الاولاد ومهما بلغت مثالية الاب والام ...!!!

ويستمر صاحبنا بسرد قصته ويقول انا لاحظت اختفاء الكريمات الى دائماُ مرصوصه عالتسريحه. ولما سأل زوجته قالت كان زمان انا الان ما استخدم اى شى حتى زميلاتى مو مصدقين انى ما استخدم شى لبشرتى ويقولوا لو تحلفى ما راح نصدقك.

ختاماً ...

هل يعقل أن الكلام الحلو يحدث هذا التغير ؟؟؟
فعلا الكلمه الطيبه اصلها ثابت وفرعها في السماء ..
تحياتي للجميع

[وردهـ ذبلانهـ]

قصه قمة الرووووووعه

بجد فيه عبر حلووة في نهايتها

يعطيك ربي الف عاافيه

[ـأحـَآسيسْ مدْفوُنهْ]

رووووعه القصه ^_^

يعطيك العااافيه يالتعب

[روعة فكر..]

هههههههههههههههه ضحكتني يوم تجيب المصحف ياحليلها والله

يارب تدوم المحبة بينهم

[الصمت الذهبي]

قصه حلوووه
يعطيك العافيه

[{ نُ }..]

موضوع راااائع ياليتهم يسمعون

يعطيك العافيه التعب

[ماهمـ ن ـے غيرگ]

رآآآآآئع باختيارك بالطرح اخــوووي ,,

والموضوع مايحتااج توثيق

لكن القصه مو سهله انك تكون لطيف وحبوب ,, الا إذا استمريت واصبح عاده حميده عندك

اكتشفت ان الاكثر منى هم ناس للاسف يفتقدوون لللحنان والكلام الطيب ,, سواء لزوجته او حته لناس الثانيه

واقيس بكلامي هنــا بمنتدانا ,, للاسف لما تأخرت النتائج وصااار الوضع مشحوون
صارو النــاس عدائيين

الكل يدش ويشتم هذا ويتهاوش ويـــا هذا ويجرح هذا

الاخلاق والكلام الحلو والابتسامه وكل ماقلته في موضووعك ( يبين في اللحظات هذي )

لان الواحد لما يرجع لدوام تعبان وماله خلق راح يكون متضايق ,, فا هنـــا تبين الاخلاق والمعامله
لان بالوقت اللي تكون فيه مرتاح و ( مستانس ) اكيد اخلاقك بتكون ارقى

وإذا اكثر الاعضاء كذا سواء رجل او امرأه ,, فا راح تكون المعامله حدث ولا حرج

لكن في نـــاس واعضااء هنــــا انا ابصم لك بالعشره بأذن الله ان لهم حياه زوجيه ناجحه
إذا توفق باختيار الزوجه الصالحه او العكس

لانك تشوفه في منتهى الذوق والاخلاق حتى في اصعب الظروف
ومرات يجرح فيه الاخرين ,, وابتسامته هي اللي تخاطبهم

اتمنى اكون انـــا وانتم من الممتثلين للاخلاق الحميده ,, والحلم

وراح نكون إن شاء الله من لهم النصيب في نجاحه في الحياه الزوجيه



لك احــــترامي ,,

[هتوشة]

قلت لها : وش فيك قالت: اكيد بتموت او انا بموت وبيتيتموا عيالنا.
انا قلت تعوذي من ابليس .........


أولا شي/ بعلق على احساسها من جد سعوديه وربي يالتعب انو هالشي حصل
اذا اختلفت المعامله بينها وبين زوجها يا يبي شي يا انو يدل على انو الحبيب خاتمته قريب وربي فتح على قلبه قبل لا يموت هههههههه
ثأني شي/ الكلا م الطيب والتصرف الخلوق من شخص قريب لك او بعيد سواء من الاهل او الاصحاب
يغير في النفسيه والشي الكثير بعد انت شوف شخص ماعنده مشاكل وشوف هيئة شخص اخر فيه هموم وعندها من المشاكل مايعلم بها الا الله وربي فرق السماء عن الارض
وانا عن ملاحظه قريبه لي كذا شخص من معرفي شفت الفرق بين الي منتهني وبين التعيس
ثالثا شي/ من جد القصه ممتعها وطرح رااااقي من شخص تميز به الشي
يعطيك العافيه

[ملكة العواطف]

الله يعطيك العافيه
رائعه وفيها عبره

[التعب منسي]

اخواني الف شكر لكم ع المرور . واسأل الله ان يغمر قلوبكم وبيوتكم بالحب والإيمان .. تحيه للجميع