مذاكرة مادة الإدارة .. من فين

[شعله]

السلام عليكم

بسألكم لو اعتمدت ف المذاكره على الملزمه لمادة الادارة
كفايه ..؟

او لازم اسمع المحاضره المسجله مثل ماقال ف المحاضره المباشره !!

[كنانه]

انا عني ماراح افتح الا المحتوى وحتى لوفكرت افتح المحاضرات مو راضيه تنفتح
ولا فيه وقت

[«ღ»حلم منكسر]

وعليكم السلام ورحمة الله وبركاته

المذاكرة من الملزمتين


براحتك تسمعين المحاضرة او لا انا با النسبة لي ما اسمع المحاضرة ...احسه يقرا بس

بس الطريقة الصحيحة انك تسمعين المحاضرة بعدين تذاكرين الملزمة ..

موووفقة

اتمنى اني افدتك

[حكمتي أبتسامتي]

من الملزمه هاالماده تجيب العله ماكاني ذاكرت

[شعله]

يعني اذاكر الملزمتين وبس
الله يعطيكم العافيه

[حلم متجدد]

وعليكم السلآم ..
شعله الله يوفقتس يارب ويوفقنا ، يابعدي ذاكري الأثنين الملزمة والملخص المحاضرات اذا مب سامعة المحاضرات الدكتور ،
أنا عن نفسي بذاكر من الملخص المحاضرات ؛ لأن مرتبه وكنه شرحه بس هو يزود شوي ،
لاخلصت الملخص ببدأ على الأسئلة اللى مسوينها الأخوان ربي يوفقهم
وبعدها بقراء الملزمة وأخطط وهيك << لأن بيروح وقتي وانا ماخلصت الملزمة
فببدأ بالملخص المحاضرات بعدها الملزمة لأن الملزمة مافتحته من قبل ولو في وقت فتحت المحاضرات الأخيرة بسمعها وأخطط بالملزمة على السريع وهيك
.
.
كنانه حبوبه لاتعتمدين على المحتوى لأن مابُه شيء كله رؤؤس أقلام ..
وحملي المحاضرات من عندنا هونا .. ربي يوفقتس

بالتوفيق يَ جميلات .

[شعله]

لا لا لا ملخصاااااات كفايه اني ضعت ف العقيده
شوي اذاكر ملخص الا يطلع ناقص والا خطأ

بذاكر الملزمتين اللي منزلهن والله يوفق

الله يعطيك العافيه اختتتي

[هتآآن]

من فين من الملزمتين

[الهوى شرقي،]

قسم بالله ذا المادة جننتني
بصيح منها مدري وش احفظ من الصبح ومابعد خلصت الملزمة الاولى وابي احفظ الملزمة الثانيه وما دري ما عاد فيه وقت
وعندي عيالي جن الله يهديهم ويصلحهم كل شوي ماما ما ما ردي علي
بينفجر راسي وهذي المادة مدري وش تبي حوسه مره تاريخ ومره فلسفه ومره دين ومره حضاره ومره كهف يازين حياة الكهوف هي اللي حفظتها بسرعة اما الباقي الله يوفقنا فيها ونجحنا من جد ضغطتني ذا المادة

[شعله]

المشاركة الأصلية كتبت بواسطة هتآآن

من فين من الملزمتين

إن شاء الله مابذاكر الا هي والله يوفق