صح الانتساب المطور يحدد النسبه وسنه التخرج ياليت ترييحوني مرة متضايقه.؟؟

[المتفائله~_~]

السلام عليكم..قرات رد من المنتدئ ان ممكن يكون التسجيل بالانتساب المطور يحددون النسب..وانا متخرجة من الجامعه من 5 سنين ونسبتي طايحة ..ومررة كنت فرحاانه اني رااح اسجل السنه اللي تجي لكن الرد حطمني مررة ...ولما دخلت علئ خطة التسجيل لقيت انهم محددين سنه التخرج ماادري هوة للانتساب العادي ولا المطور...ولو مو هوة متئ تسجيل الانتساب المطور..وصح الكلام اللي سمعته انهم محددين نسب ياليت تريحووني ..

[Aziza algarny]

وعليكم السلام ورحمة الله تعالى وبركاته

هلا بك زود ~ نورتي ~

ممكن يكون التسجيل بالانتساب المطور يحددون النسب

جميع التخصصات مايحددون لها نسب باستثناء تخصص ادارة الاعمال ,ويتفاوت التحديد من تسجيل لاخر كل ترم ,

وانا متخرجة من الجامعه من 5 سنين ونسبتي طايحة

عادي مو مشكله يالغاليه ,,مو مهم 5 سنوات ,هذا الشرط فقط عندما تريدين ان تحولي الى انتظام , طيب كم نسبتك واي تخصص ناويه تدخلين؟

دخلت علئ خطة التسجيل لقيت انهم محددين سنه التخرج ماادري هوة للانتساب العادي ولا المطور

.للانتساب العادي خطة التسجيل, اختي ,,

ولو مو هوة متئ تسجيل الانتساب المطور

غالبا من شهر شعبان فما وراء ,, ولا أستطيع تحديد التاريخ لك بشكل أدق , لكن تابعي موقع الجامعه أول بأول من شهر رجب إلى شهر رمضان ,يعني شيكي عليه ولو مره في الاسبوع ,


بالتوفيق لك اختي الغاليه ,

[لــوســي]

يااه لالالا .. حراام من هذا اللي حطمك ؟؟

لا تصدقين أنا تخرجت من الثانوي عام 1422 .. يعني لما سجلت كان لي 8 سنوات من التخرج .. ونسبتي زففت ..

مايشترطون سنه محدده ولانسبه محدده .. ومايشترطون أي نسبة .. لا للأعمال ولا غيره

لكن وقت التسجيل أذا أجاهم فائض على تخصصات يفاضلون بينهم ويختارون النسب الأفضل للتخصص

يعني كل تخصص يتعاملون معاه لحاله .. والبنات لحالهم والأولاد لحالهم ..

مثلا :

تخصص الأنجليزي .. قدم عليها 6000 آلاف طالب .. و4000 الاف طالبه ..

وهم مايستعبون في هذا التخصص الا 5000 آلاف طالب و5000 طالبه ..

راح ياخذون أفضل 5000 نسبه للطلاب .. ويردون الباقي ..

و4000 طالبه راح ياخذونهم كلهم .. بأي نسبه لأن مافي فائض ..

أنا أنقبلت في أدارة الأعمال ونسبتي 65% ..

وفي طلاب نسبتهم 70 % و80 % ما أنقبلوا ..



والترم الماضي سووا حركه جديده ..

تم القبول على شكل 3 دفعات ..

قبلوا أول دفعه .. وقعدوا بعدها أسبوع وأعلنوا أنهم قبلوا دفعه ثانيه .. وبعدها بأكثر من أسبوع ثالثه ..


طولتها وهي قصيرة ..

على العموم .. لاتتحطمييين ولاتشيلين هم ..

قدمي على التخصص اللي تحبينه .. وأكثري من الدعااء .. وأطلبي اللي حولك يدعون لك ..

وان شااء الله تنقبلين .. ونشوفك معانا الترم الجاي ..

[نجداويه]

ماعليك سجلي وتوكلي ع الله مووفقه

[Aziza algarny]

مثلا :

تخصص الأنجليزي .. قدم عليها 6000 آلاف طالب .. و4000 الاف طالبه ..

وهم مايستعبون في هذا التخصص الا 5000 آلاف طالب و5000 طالبه ..

راح ياخذون أفضل 5000 نسبه للطلاب .. ويردون الباقي ..

و4000 طالبه راح ياخذونهم كلهم .. بأي نسبه لأن مافي فائض ..

أنا أنقبلت في أدارة الأعمال ونسبتي 65% ..

وفي طلاب نسبتهم 70 % و80 % ما أنقبلوا ..



والترم الماضي سووا حركه جديده ..

تم القبول على شكل 3 دفعات ..

إجابه وافيه 100% ,لوسي ,,يعطيك العافيه .