حس يازمن جفني ترى النوم عافه

[ذكرياتي تحتويني]

حس يا زمن جفني ترا النوم عافه ..

قلبي توطأ الهم مجبور لي عاف ..

وأنا أتحسس دمعته وإنجرافه ..

في همسي الدايم على ذيك الأطياف ..

دمعة حزين تالي الوقت شافه ..

هم وهوجاس على القلب صفصاف ..

قالوا له أحباب ترا الصد آفة ..

تاه الوله ما بين صابر وخواف ..

ينوي وهو ما حس بالوقت طافه ..

يبكي على الغالين في كل الأوقات ..

عارف جروح القلب ما هي بصدافة ..

يذبحك كان إنه مع النوح ذراف ..

يذرف دموع تحرق الموق سافه ..

يكسر بها العبرات شاف الذي شاف ..

يطحن رحاه الود والشوق رافه ..

معلوم حالي ساير الوقت ينراف ..

من يكتم الآهات عاش بكلافة ..

حار بزمانه وحار مع ذيك الأصناف ..

يقولها اللي عايش الوقت تافه ..

ما عاش في ديمومة الوصل عراف ..

[غيمْـة♥•]

روووووووووووعه القصيده والاروع اللي منزلتها..


الى الامام مرام>>نفص الورن احس اني شاعره


تقبلي مرور حزونه او غيومه >>انتي حره

[ذكرياتي تحتويني]

هههههههه يالبى قلبك بس
تسلمين غلاااي
انرت موووضوعي ومشكوورة ع ردك

[أنين]

جميل جدا


استمري يامبدعة..

[ريــمــا]

رآآآئــ،ع،ـــة

سلمت يمنآآآآكــِ



ِ

[سماراء]

من يكتم الآهات عاش بكلافة ..

حار بزمانه وحار مع ذيك الأصناف ..

يقولها اللي عايش الوقت تافه ..

ما عاش في ديمومة الوصل عراف .
ذآآآئقتك مميزه وفريده من نوعه
لاعدمنا الجديد والتوآآجد تقبلي مروري
المتوآآآضع

[الْجَمُوحِ]

ـأبدعتِ في نثر حروفكِ
ربي يسلم آناملك .,
دمتِ بـِ سعادهـ

[ذكرياتي تحتويني]

انين ريما
سامراء عنودي
شاكرة مروووركم الروعه تسلمون لي