استفسار لو سمحتوا

[losecontrol]

بما انك دخلت هنا لازم تجاوب على اسئلتي اللي مو كثيره مره بس 3 اسئلة
1- اذا نزل الواجب لي مده زمنية معينه علشان احله او لا
2- انا سمعت ان المشاركه عليها 10 درجات طيب لو اشارك بأي سؤال عادي علشان العشر درجات ولا لا
3-المحاضرات المباشره لها توقيت معين علشان اسمعها او عادي متى ما بغيت انزلها واسمعها وتجيني العشر درجات
ومليون تريليون شكرا مقدما على الاجابات

[صوت الحلم]

المشاركة الأصلية كتبت بواسطة losecontrol

بما انك دخلت هنا لازم تجاوب على اسئلتي اللي مو كثيره مره بس 3 اسئلة

ولا يهمك اخوي نجاوب عليها ليش لا

1- اذا نزل الواجب لي مده زمنية معينه علشان احله او لا
بحسب اللي اعرفه من الدفعات اللي قبل ان لو مثلاً نزل الواجب الاول عندك مهلة تحله لين ما ينزل الواجب الثاني واعتقد بينهم فترة طويلة
لا تحاتي لو نزل الواجب بيكتبون بعد لنا المدة اللي لازم نحله فيه

2- انا سمعت ان المشاركه عليها 10 درجات طيب لو اشارك بأي سؤال عادي علشان العشر درجات ولا لا
اظن عادي المهم مشاركة مفيدة او تجاوب على طالب طارح استفسار
قد يكفي مشاركتين بكل مادة في الاسبوع

3-المحاضرات المباشره لها توقيت معين علشان اسمعها او عادي متى ما بغيت انزلها واسمعها وتجيني العشر درجات
المباشرة اذا كان عندك استفار او شي تبي تطرحه على الدكتور او حتى علشان تستفيد احضر المحاضرة
ما عندك شي او فاتتك تنزل بعد فترة مسجلة شوفها واستفيد منها
سواء حضرتها او نزلتها مسجلة تحصل الدرجات
ومليون تريليون شكرا مقدما على الاجابات

العفو حاضرين اخوي
لأي سؤال نقدر نجاوب عليه

بالتوفيق

[حلوهـ بحركاتي]

ماقصرت صوت الحلم جاوبت ربي يجزاها كل خير

ربي يوفقكم

[الحب الوفي]

ماقصرت صوت الحلم


ابد اعتمد اجابتها لكن تعقيب بسيط بخصوص المشاركات

لك 14 مشاركه في كل ماده عاد انت تبي تفرطها مره وحده والا تبي كل اسبوع تشارك


خلاااااص هذا هو الي عندي <<<<< قال بسيطه هههه

[زقم نملة]

والله ودي يكون عندي علم علشان ارد عليها !!!

بس الاخوان والخوات مايقصرون الله يوفقهم

والله يجزاها خير اختنا افادتنا وانت بعد جزاك الله خير افتني بأسئلتك لاني لسى مبتدئة

[صوت الحلم]

المشاركة الأصلية كتبت بواسطة الحب الوفي

ماقصرت صوت الحلم


ابد اعتمد اجابتها لكن تعقيب بسيط بخصوص المشاركات

لك 14 مشاركه في كل ماده عاد انت تبي تفرطها مره وحده والا تبي كل اسبوع تشارك


خلاااااص هذا هو الي عندي <<<<< قال بسيطه هههه

ايه صح

نسيت

القرار اللي نزل ان بس 14 مشاركة



بس بعد لا تنسى اخوي ان كان هالقرار بسبب مشاكل البلاك بورد

نعتمده لو كيف الحين ؟؟

اتمنى يوضحون مع بداية الدراسة

[losecontrol]

الله يعطيكم الف عافيه وما قصرتوا و نفرح فيكم بالتخرج .