سنضع تصويت بخصوص مسمى الشهادة وسيرفع للجهات المختصة لدراسته

[شموخي تعدآهم]

السلام عليكم ورحمه الله وبركاته
أخواني أخواتي
أنا سبق ونزلت موضوع عن تغيير مسمى الشهاده
والوااضح أن أكثركم مو فاهم وش السالفه
لهذا انا بوضح لكم شغله
يااانااس اللي يقول ان الانتساب المطور افضل من التعليم عن بعد على فكره ما أتوقع النظام راح يتغير بالحالتين
لأن نظام الدراسه نفسه ولا راح يكون فيه تغيير واذا كان فيه تغيير راح يكون الى الافضل ان شاء الله
يعني ماراح يكون دراستنا أون لاين ولا راح يتغير شئ في نظامنا فقط اللي راح يتغير مسمى الشهاده

يااارب تكونوا فهمتوا والدكتور عبدالله النجار نزل تصويت لأنه راح يرفعه للمسؤلين لتغيير مسمى شهادتنا


ومسمى تعليم عن بعد أفضل للي ناوين يكملون دراستهم بالخارج وحاطين في بالهم يكملون لأن من يشوفون انتساب
ماراح يعبرون صاحبها حتى لو كان انتساب مطور ياريت تفكرون بالموضوع وكلنا نصوت على ان تكون شهادتنا
التعليم عن بعد ..
كل الشكر لكم

__________________________________________________ _________________
__________________________________________________ _________________

هذا موضوع دكتور عبدالله النجار

الاخوة الطلبة
السلام عليكم ورحمة الله
الجامعة حريصة كل الحرص عليكم، وتسعى لتقديم ما يسهل اموركم وفق الانظمة والتعليمات، وما تم طرحه في موضوع الغاء الانتساب كان الهدف منه توضيح الامور لكم لكي تكونوا على دراية ومعرفة ببعض ما يتعلق بمستقبلكم، وان مسألة مسمى الشهادة التي ستحصلون عليها مهم جدا لنا ولكم، فأنا لم انسى البلبلة التي حدثة في الفصل الماضي والمطالبات الشديدة من الكثير من الطلبة بل غالبية الطلبة الملتحقة بالبرنامج على ضرورة الابقاء على مسمى الانتساب في شهادتهم وعدم ذكر اي شئ عن التعليم بعد (وهذا الامر حدث بعد صدور لائحة التعليم عن بعد الفصل الماضي) فكانت هناك مناشدات حثيثة لسعادة الكتور احمد الشعيبي والدكتور عبدالله النجار في الابقاء على مسمى الشهادة انتساب (اذا كنتوا نسيتوا فالجامعة لم تنسى) ويمكنكم الرجوع للمواضيع السابقة في هذا المنتدى للاطلاع عليها.

على العموم لم القلق يا اخوان نحن الان في سعة من الوقت، وجميع دفعات البرنامج درست بنفس الالية المتطورة، لذا سنقوم بطرح استفتاء للجميع نرغب من خلاله ان يبدى كل طالب برأيه في مسمى الشهادة التي يدرسها الان (الدفعات التي تدرس الان في البرنامج والتي ستقبل بمشيئة الله هذا الفصل الثاني 1432/1431) وسنقوم فيما بعد بدراسة الوضع مع ادارة الجامعة والجهات ذات العلاقة وسنتخذ القرار المناسب لكم جميعا، وسنسعى جاهدين لتقديم ما يسهل اموركم، لكن املي ان يكون تصويتكم بتأن وروية،

وكونوا على يقين أن مسمى الشهادة للدفعات التي تدرس الان في البرنامج لو كانت انتساب فإنها معتمدة ومصنفة من الجهات ذات العلاقة، وان القرار الصادر بإلغاء الانتساب من بداية العام الجامعي القادم 1433/1432 واستبداله بالتعليم عن بعد لن يضر اي مواطن بأي حال من الاحوال، بل كما اوضحه الخبر الهدف منه تطوير العملية التعليمية ، والمحافظة على جودة التعليم، وهذا ولله الحمد ما حققته وسعت له جامعة الملك فيصل والتي ننتمي لها جميعا من خلال برنامج التعليم المطور الذي انتم الان تدرسون فيه.

سيتم طرح التصويت من خلال برنامج الكترني قريبا، ترقبوا ذلك

مع تمنياتي للجميع بالتوفيق والنجاح*

__________________

ــــــــــــــــــــــــــــــــــــــــــــــــــ ـــــــ
ـــــــــــــــــــــــــــــــــــــــــــــــ

أتعلم منك وتتعلم مني ،،،، وسوف لن نختلف

أ.د.عبدالله بن عمر النجار
عميد التعلم الإلكتروني والتعليم عن بعد

[أوفى الخلق]

اكيد افضل مسمى ( تعليم عن بعد )

خلاص قفلو شي اسمه ( انتساب )

نبي شهاداتنا بمسمى تعليم عن بعد

ننتظر التصويت

[سيدة الأسئلهـ]

بصراحة شي عجيب

يعني اذكر أول ان الكل كان معترض على ان الشهادة تكون تعليم عن بعد

والكل طالب تصير الشهادة انتساب

الحين يوم قالو بنخليها انتساب الكل اعترض وصارت بلبلة

عالعموم الله يكتب اللي فيه الخير

[DrEaM.2007]

د.عبدالله راح ينزل فيما بعد التصويت .. استغرب من الناس اللي يقولون الانتساب افضل والا البعض الاخر منهم يقوول
ليه مسوين سالفه وتبغون مسمى الشهاده يكون (تعليم عن بعد) اهم شي شهاده وان الواحد يستفيد !!!!!!!

ماقلنا شي حنا نطلب العلم الى اخر العمر بس ضروري تكون الشهاده معتمده في كل مكان الانتساب ماتنفع للوظيفه مايقبلونها لو بنكمل مثلا دراسات عليا بالخارج ان شاء الله شهادة الانتساب لا تقبل حتى لو مطور مايقبلونها .. اما تعليم عن بعد اكيد راح يقبلونها لان (شهادة تعليم عن بعد ) توازي شهادة الانتظام .. وهذا مانريده
حلوة هذي اجلس ادرس وادفع رسووم وبالنهايه البعض يقوول ماتهم الشهاده ؟؟؟؟؟ ههههههههههه احسهم مايفكرون للمستقبل تفكيرهم منحصر على الحاضر فقط

[dindo]

اكيد مع الافضل ..والى الامام

[مين حبيب بابا ؟]

اكيد تعليمـ عن بعد افضضل ~

[صمت أنسان]

والله ماتفرق

أنا أستفسرت في ديوان الخدمة وقالوا يتعالمون مع الشهاده بكاليورس من الجامعات السعوديه على أساس الشهاده مو على المسمى

[محترف]

ياليت والله يتغير المسمى

في يوم من الأيام كنت في أحد المقابلات الشخصية ( ضمن أعضاء اللجنة التي تقوم بالمقابلات الشخصية )

كان احد المتقدمين معه بكالوريوس إدارة أعمال مكتوب عليها ( منتسب او انتساب ) ناسي وش مكتوب بالظبط

احد الأعظاء ( دكتور ) كان يوجه كلامه للمتقدم يقول وش استفدت من دراستك .. لاني اعتبر اللي ماخذ الشهادة بانتساب لم يتسفد من المعلومات التي حصل عليها ..

( طبعا شوي واطقه ) بس ربكم ستر ولا طقيته ( علشان ما انفصل طبعا )

الأخ مسك اوراق وطلع بكل بساطه .. لانه اعتبر ان شهادة الجامعية بالإنتساب مالها أي قيمة

[ناي العتيبي]

شباب انتساب مطور اكيد افضل وهذا اللي احنا فيه الآن...بس عارفين اذا صدر امر بألعائها (اقصد مسمى الانتساب) رح تكون ذيك الساعة مالها قيمة حتى قيمتها المعنوية راح تقل عشان كذا لازم يغيروها لنا لان المستقبل في نظري في عملية التعليم راح يكون للتعليم عن بعد وهذا اللي ندرسه حنا لذلك مانبي اللا حقنا وبس ودمتم

[بلا مجامله]

انا اللي اخبره ان التعليم عن بعد يعني اللي يدرس ويختبر بالبيت واغلب اللي يدرسوون كذا مايحتاجوون وظايف هم بس يبوون يطورون انفسهم علشان يطورون باشغالهم الخاصه

واخبر ان شهادة تعليم عن بعد مرفوضه عند القطاع العام والخاص اذكر هذي اشيياء اتوقع الكل يخبرها