تسجيل المواد ضروري

[miss.Hdawi]

مساء الورد ..

بدخل في الموضوع علطووول .<< حدهــا مستعجلة

انا سنة اولى تحظيرية بكليتنا العزيزة .. الآداب ..

وابي اسجل المواد تبع السمستر الثاني

المشكلة لما جيت اسجل المواد كلهم ما ضبطوا معي

اللي يقول غير متاح للكلية واللي يقول الشعبة مغلقة

يعني انا وين اروح مثلا ..

اساسا انا مو عارفة المواد اللي لازم ادرسها .. ابي الخطة الدراسية بس مو عارفة من وين

يا ليت اللي تعرف ما تبخل علي .. ضروري

ولكم مني تحياتي .. هداوي

[عطر الورود]

[align=center]
دخلي على هالموضوع وتشوفين كل اللي تبغينه

http://www.ckfu.org/vb/showthread.php?t=122143

رمز كليتنا 74 .. ورمز السنه التحضيريه 7435

اذا شفتي هالرقمين اوقفي عندهم واضيفي الماده
وانتبهي للوقت اللي بتضيفينه لايتعارض مع محاضره ثانيه ..

...
انا ماسجلت الا 5 بسسس
وحسسست عشان اسجل مواد غيرهم بس ماضبط عندي
والانجلش مااخذته لاالفصل الاول ولا الحين
بالتوفيــــــــــــق
[/align]

[فداك]

انا ودي اسجل تسع مواد
الحين دخلت معي بس سبع مواد
صحة ولياقة
وتعليم والتفكير
ومبادئ الاحصاء
ومدخل الى تقنية المعلومات
ومبادئ علم اجتماع
تحرير عربي
الاخلاق الاسلامية


وابي ادخل فقه السيرة
يقول ليه غير متاح للتخصص
وابي ادخل برامج الحاسب المكتبي يقول لي يعارض
واصلا لا يعارض ولاشي
شفت المواد اللي عندي وشفت اوقاتهم
لكن مامنهم فايدة خلونا نحتاس حووس هالكلية
وين الموظفين والموظفات اللي يختصون بها الشي
لما رحنا لهم ذاك اليوم نبي نعرف اللي علينا واللي لنا
كل وحدة تقول روحي لفلانة والثانية تقول روحي لعلانة
مضيعة وقت على الفاضي
احنا سنة تحضيرية مانعرف شي

ولما نسال مانفهم شنو حتى السي ار ان

حتى من كثر مااحنا مو عارفين كيف
صرت ادخل في كل مربع رقم واحد
وضيعت وقتي
زين اني سالت والا كان مادخلت هالسبع المواد

[عطر الورود]

[align=center]
مااشااء الله عليك
حظك حلوو ماشااء الله
انا اشششك ان انتي اكثر وحده سجلتي مواد هههههه
انا سجلت بس
مهارات التعليم والتفكير
والتحرير العربي
مدخل الى تقنيه المعلومات
الصحه واللياقه
مبادئ الاحصاء
والاثنين اوف
[/align]

[miss.Hdawi]

[align=center]

انا ودي اسجل تسع مواد
الحين دخلت معي بس سبع مواد

يا حظظظظظظظك انتي على الاقل احسسسسن مني بكثير

انا ما ضبطت معي الا مادة وحدة بسسس

اللي هي التذوق الادبي والباااقي ولا شششي

خواتي يقولوا اراجع القسم بالكلية ويحلوا لي المشكلة لكن حتى لو رحنا

لا حياة لمن تنادي .. وش نسوي الله يعين :([/align]

[miss.Hdawi]

[align=center]انتم كل ابوووكم احسسسسن مني


يا ربييييييييييييييييييه انا دائما حظي تعييييييس

مقهورة حد ام ام امي وشكلي بعد بصييييييح [/align]

[صَمِت]

لالا حضك مو تعيس انا ولا ماده دخلت عندي

[miss.Hdawi]

[align=center]طيب بنات انا ابي طلب يمكن استفيد منه ..

ابي منكم تكتبون ارقام الـ سي ار ان تبع المواد الي سجلتوها يمكن انا احطها وتضبط معااااي

والله الموفق .. <<< تعبت نفسيتي :([/align]

[صالح77]

اهم شي رمز الكلية 74 وان تكون المادة مادة عامه لاتهتمين بشي ثاني

فيه شعب في نفس المادة تكون مغلقه وشعب اخرى مفتوحه لذلك حاولي في كل الشعب

ادري طريقة متعبة لكن الله يعينك

ان شاء الله تسجلين مواد لك

[miss.Hdawi]

المشاركة الأصلية كتبت بواسطة صالح77

اهم شي رمز الكلية 74 وان تكون المادة مادة عامه لاتهتمين بشي ثاني

فيه شعب في نفس المادة تكون مغلقه وشعب اخرى مفتوحه لذلك حاولي في كل الشعب

ادري طريقة متعبة لكن الله يعينك

ان شاء الله تسجلين مواد لك

انا والله سويت كل اللي تقول عنه والله

بس ما ضبطت معي الا التذوق الادبي .. مدري ليه

كل البنات اللي اسآلهم يقولون لي نفس مشكلتي ان الشعب مغلقة

طيب اذا كل البنات حظهم مثلي .. ابي اعرف مين اللي ضبط معها وصارت امورها في السليم ..؟

وحتى لو كان في ..!! هل يعقل ان كل البنات سجلوا لدرجة ان صارت كل الشعب مغلقة

قسسسم انا احس بتجيني انفلونزا الدراسة ومخي خلاص انلحس وعيوني انحولت وقلبي ضايق حده

حتى الواحد صار يكره شي اسمه دراسه .. الله يعز ايامك يالمدرسة

قسسسم المدرسة ماكو اروع منها ..

طيب الحين لو ما ضبطت اموري انا وباقي الاخوات .. ابي اعرف وين اروح يوم السبت واشرح له مشكلتي العويصة هذي ..