((( هلموو ياأبطااال طلعت نتايج المتغيبين بعذر ))) + توضيح مهـــم بخصوص "تسجيل واختبار "المواد المتغيب عنها ^^^

[كلآسيكـ ~]

السلام عليكم .,

انــآ وحده غبت بأختبار مادة الاقتصاد الله لايرده ولايرد استااذه

ومررهـ كنت حايسه ومحتااره

هل اسجل الماده مع المواد الجديده او لاا

طيب لو سجلتها .. معناته كأني حااملتها !!

يعني راااح احل واجبات .. وراح اشارك بمنتدى الحوار .. وراح ادفع رسووم !

طيب يعني وش الحل ؟!

اسئله كثير جت براسي .. ومالقيت لها حل

لكن اليوم الحمدلله طحت على أجووبه لجميع اسئلتي بمنتدى النقاش

فحبيت انقلها لكم ..

لأن أدري فيه ناس كثير متورطيين زيي

تفضلوو ..

اقتباس:
المشاركة الأصلية كتبت بواسطة rand1431
اخوي السلام عليكم ورحمة الله وبركاته

انا عندي مشكله تكفى حلها لي

انا اختبرت المستوى الاول في اول ماده ورسبت فيها
والمواد الباقيه من المستوى الاول ما اختبرتها لعذر الولاده وتم قبول عذري وقالوا ان اختبارها مع الاختبارات القادمه

الحين انا هل اسجل مواد المستوى الثاني واختار منها 8 مواد فقط
ومادة المستوى الاول اللي رسبت فيها

أو اسجل مواد المستوى الاول

وعليكم السلام ورحمة الله وبركاته ،،،

لاتنزعجين ..

ماعندك مشكلة وسهالات على رب العالمين ، قولي يارب ..

1- المادة اللي رسبتي فيها :

إن حبيتي تدرسينها هالفصل فالواجب عليك تسجلينها وتدفعين رسومها من جديد وتنزل لك على البلاك بورد ، يعني حالها حال المادة الجديدة .

وإن ماحبيتي تدرسينها هالفصل ممكن تأجلينها للترم الجاي او اللي بعده .

طيب إذا حبيتي تسجلينها وين تروحين ؟

تروحين لجدول المستوى اللي انتي رسبتي فيه ،مو المستوى الجديد ..

خليني اضرب لك مثال :

إنتي رسبتي في مادة الإحصاء في الترم الأول ..

ورحتي الحين مستوى2

بس تبين تسجلين هالمادة اللي انتي راسبة فيها ..

ماراح تلاقينها مع مواد المستوى الثاني ، مالك لوى ..

تروحين تدورينها في مواد مستوى 1 اللي انتي رسبتي فيه وتسجلينها عادي .

ــــــــــــــــــــــ

2- المواد اللي انتي غبتي عنها بعذر مقبول :

ماتدفعين لها رسوم ، ولا تسجلينها ، ولا تنزل لك على البلاك بورد ..

لأن وضع المواد اللي تغيب عنها الطالب بعذر مقبول يختلف عن وضع المواد اللي رسب فيها .

يتوجب عليك انك تذاكرين من المحاضرات السابقة اللي عندك تبع المواد هذي ، لأنها ماراح تنزل لك على البلاك بورد خلاص .

وتشوفين مواعيد امتحاناتها من جدول الإختبارات اللي منزلته الجامعة هالفصل ،

مو تكونين مخزنة مواعيد الإمتحان للفصل اللي راح اللي انتي غبتي فيه وتبنين جدول امتحاناتك عليه ، انتبهي من هالنقطة .

جدول امتحانات المواد اللي غبتي عنها تاخذينه حسب المواعيد الجديدة اللي في جدول الامتحانات للترم هذا .

ــــــــــــــــــــــــ

3- تسجيل المواد الجديدة

تسجلين مواد جديدة ، ولازم تسجلين اصلا مواد جديدة وتسددين رسومها لأن إذا ماسجلتي فالنظام يعتبرك منقطعة ..

والمنقطع يتم طوي قيده من الجامعة (يعني البعيد يُفصل من الجامعة)

اقترح عليك تسجلين 12 ساعة فقط ، هذا مجرد اقتراح

عشان انتي وراك 7 مواد راح تختبرينهم بالإضافة إلى مواد جديدة شوفي عاد كم يوصل مجموعهم !

وانتبهي وانتي تسجلين المواد الجديدة لازم تراعين إن مواعيد امتحانها ما تتعارض مع مواعيد امتحان المواد اللي تغيبتي عنها .

وإذا شفتي فيه تعارض ، تخلي عن المادة الجديدة ولاتسجلينها ..

لأن المادة اللي تغيبتي عنها هي اللي لها الأولوية .

الآن بقولها لك باختصار :

إن حبيتي تسجلين مادتك اللي رسبتي فيها هالفصل أو الفصل الجاي براحتك ، لكن وقت ما تسجلينها لازم تدفعين لها رسوم من جديد .

تختبرين موادك اللي تغيبتي عنها بدون ماتدفعين لها رسوم ،

وتسجلين مواد جديدة للفصل هذا وتدفعين عليها رسوم ،

يجب مراعاة عدم حدوث تعارض بين مواعيد الإختبارات النهائية للمواد المتغيب عنها والمواد الجديدة .

اضغط (هنا) للوصول إلى رابط تسجيل المواد اليديوي للذين لم يسجلوا على نظام البانر

أتمنى اني أفدتك .

بالتوفيق للجميع ...

طبعاً كل الشكر للأخ طالب جامعي منتسب .. عالاجابه

لان من جد تعبت وانا ادور على الاجابه

حتى اني راسلت الجامعه .. وترى ماأنسحب علي ابد

مووفقين

.

.

[فَضَاوَهُ]

مشششكوره يا كلآسيك ..

إجابات أكيد بتفيد الطلبه اللي مثل حالتك ..

بـ التوفيق لك إن شاء الله ، وسهاله بإذن الله ..