اللي بيرد بمثاليه لا يتعب نفسه... اخوالك سارقين امك هل تقبل أي علاقه معهم؟

[دوحه غَنّاء]

المشاركة الأصلية كتبت بواسطة ~mrs.engli$h~

تعجبيني .... انا زدت شوي عليك انه بلاش من المكالمات وهذا اللي مزعل امي شوي مني .. تقول خليك احسن منهم حاولي قد مافيك بس لي طاقه ما اقدر اتعداها

تصدقين واحد ماخذ ارض كااااااااااااامله من اهل زوجي يقول عادي احنا اهل ؟ استغل طيبة الشيبان الله يرحمهم واستهبل الشباب طلعوا مفتحييييييييييييييييييين .....يختي مدري وش هالبشر .. جالس يحاول فيهم من كم سنه يتنازلون عنها وهم ناشبين له يرجعها ...

يعطيك العافيه ... الكل يقول عادي المكالمات... نحاول الله يعين

بقلك شغله احنا مش ع سالفة ورث لأن بصراحه اهلي مطنشين الورث

تو اقول لـــ تشتيتي وفراشه ورث جدي زي ما هو البيوت والاراضي والمزارع حتى البير جفت من الاهمال

وكل الورثه ما يبون يحركون ساكن اتوقع يخافون يتقاطعون

وحتى امي وخالاتي ما طالبوا اخوانهم اي شيء

راح وخلاص كلهم يقولون الله يسامحهم

لكن ما كان يهمني هو التدخل في الشؤن العائليه الى درجة انهم ممكن يخربون

ما اخفيك خربوا خطوبة واحد من اخواني

ولما خربت دقوا عليه وقالوا تعال نزوجك

وخطبنا له مرة ثانيه وكنا نحذر امي من المكالمات <<<<<<< ما نعتب عليها علشانها تكلم لا ما نبيها تقطع احد بس نبيها تنتبه لسوالفها

فكنا نحذرها لا تزل عند احد نبي الخطوبه سكااااااتي عسى تتم ع خير

والحمد لله ما احد عرف الا بعد الملكه وجت صددددمه لكثير

ومنهم الي خربت خطوبته المرة الاولى وراحت لزوجته برغم ان ما احد عزمهم جابت لها هديه وقالت لها كلام عن اخوي تحاول تثنيها او تخوفها

والحمد لله الله اذا اراد شيء لن يثنونه الناس عنه

لا تقطعين امك حتى من المكالمات لكن خليها حذره سواليف عاااامه بس

[assma]

من وجهه نظري خليهم يأخذونه طنشو لانه حرام عليهم وامك لا تسامحهم ودعوه المظلوم تقبل ..

كان صرتو احسن منهم وماشكيتهم بالمحاكم وتذكرو انه حرام عليهم وماراح يعيشون متهنين ولا مرتاحين وغير كذا ماتدرين يمكن يجي امك رزق احسن منهم بصبرهها عليهم يمكن ربي يفرجها ومافيه شخص مايجي حقه وربي ماراح يضيع صبر امك ع اخوانها الضالمين

وان شاء الله كل شي يتصلح ولا تروحون لهم كثير والله يعطي امك رزقها وزياده ويموتون من القههر العذال

والله يوفقكم بححياتكم

[ryo0m]

وصخ دنيا لذيذ خصوصا اذا مالك مصدر دخل ثاني
يختي مو وصخ والله .. الماااااااااااااااال احدى زينتين في الحياه ونازله فيه ايه

اللي طلع الكلمه هو سارق شكله والا لو هي وصخ كان الكل تركها .. مو ؟
لكن الله عليهم و علينا ويرد الحق ان كان دنيا والا اخره
^
^
^
^
قسم بالله لو آقولك سسسوآلف صآرت لنآ مآتصدقينهآ وربي يششيب الرآس
بس الحمدلله صبرنآ وسكتنآ ومآنآقشنآ بشي وربي عوضنآ خيير وفتحهآ بوجيهنآإ
كل هذآ عششآن الفلوس خليههم يتهنوون فيهآ بالدنيآ بس مصيرهم بيندمون بالآخره
ربك فوقهم ومآرآح يضيع حق آحد ..
قال الرسول صلى الله عليه وسلم :
{ لا يدخل الجنة قاطع رحم }
الحمدلله مآقطعنآ آحد ونزورهم بين فتره وفتره قسم بالله جآنآ رزق من الله مآحسسبنآ حسسسآبه
عسى الله يطول لي بعمر آبوي وآمي وعسسآنآ مآنحتآج لآحد غيرهم ..

[دمعة شتآء]

الله يكون بعونكم يا اختي على ما بلاكم

[~Mrs.ENGLI$H~]

المشاركة الأصلية كتبت بواسطة درع الجزيرة

أختي حاولوا إنكم أنتم الأولاد والبنات ماتتدخلون ادري إنها صعبه ولكن إمكـ على أجر عظيم

وياما ناس أتهموا ناس على شان أرض أو كم ألف بالسحر يعني وصل بهم الأمر أنهم يقولون الحرمة ساحرة الرجال ووصلت المحكمة وبعدين تدخلوا العقال وتنازلوا وإذا تبين نصيحتي خلوا كل وادي ومجراهـ

وأهم شئ إنكم ماتقطعون رحمكم عادي لو إن النفوس ماترتاح لبعض يجب عليكم التحمل لوجه الله الله
والله يصبر أمك والله حالتها مايعلم بها إلا الله ولو تشوفينها ماتهتم بس من داخلها تتألم أنتم أهم شئ عليكم أمكم لاتخلونها وحاولوا إنكم ماتذكرون مثل هذه المواضيع قدامها كأن شئ لم يحصل وعيشوا حياتكم ولاتتعبون أنفسكم في كلام لايودي ولايجيب والمحكمة إذا ماأعطتكم حقكم أصبروا ولكم في الآخرة أجر عظيم

اهلا وسهلا بأخي الكبير الالمعي درع الجزيره .. حفظك الله
اسعدتني مشاركتك اسعدك الله ... امي والله ماكبرها الا الهم والا هي لسا ما امداها على هذا كله ابدا والله

كلكم تقولون نواصلهم.. نتحمل ونواصل الله يعين

المشاركة الأصلية كتبت بواسطة miss mrasy

امممممم
صله الرحم اهم من كل شي لان الرسول وصى بصله الرحم

وقال تعالى : (( وَالَّذِينَ آمَنُوا وَهَاجَرُوا وَجَاهَدُوا فِي سَبِيلِ اللَّهِ وَالَّذِينَ آوَوْا وَنَصَرُوا أُولَئِكَ هُمُ الْمُؤْمِنُونَ حَقّاً لَهُمْ مَغْفِرَةٌ وَرِزْقٌ كَرِيمٌ . وَالَّذِينَ آمَنُوا مِنْ بَعْدُ وَهَاجَرُوا وَجَاهَدُوا مَعَكُمْ فَأُولَئِكَ مِنْكُمْ وَأُولُوا الْأَرْحَامِ بَعْضُهُمْ أَوْلَى بِبَعْضٍ فِي كِتَابِ اللَّهِ إِنَّ اللَّهَ بِكُلِّ شَيْءٍ عَلِيمٌ )) (لأنفال:74ـ 75) .

وقال تعالى : (( إِنَّ اللَّهَ يَأْمُرُ بِالْعَدْلِ وَالْأِحْسَانِ وَإِيتَاءِ ذِي الْقُرْبَى وَيَنْهَى عَنِ الْفَحْشَاءِ وَالْمُنْكَرِ وَالْبَغْيِ يَعِظُكُمْ لَعَلَّكُمْ تَذَكَّرُونَ)) (النحل:90).

وفي ايات كثير توصي بصله الرحم
ربك كريم وماينسى عباده ومالها الا الدعاء والاخد بالاسباب
ولا تقتطعهم عشان ورث لان رضى الله وطاعته اهم من كل شي

ماقطعناهم قطع تام مجرد مناسبات عامه .. الله يعين يعطيك الف عافيه

المشاركة الأصلية كتبت بواسطة shatila

شالسالفه ؟

المشاركة الأصلية كتبت بواسطة راعي الطيب

اللي بالمحاكم خلوه هناك حكم الله نافذ فيكم جميعاً

والاخوة والصلة مالها علاقة تدخلونها في الموضوع

مثلاً :

اخي اشترى مني سيارة بالاقساط ولم يسدد

فشكوته الي المحكمه والقضية منظورة هناك

فهل اذا تواصل معي اخي او زارني ارفضه

الجواب لا حتى لا اتحمل الاثم

ان كان هو ظلمني او سلب مني مالي

فالمحكمة تتكفل برد حقي وان لم يحصل ذلك

فلن يضيع حقي عند الله جل في علاه ...

وقائلاً يقول هل امتنع عن المطالبة بحقي

الجواب لا لان المؤمن القوي خير من المؤمن الضعيف

المؤمن الذي لايسكت عن حقه ويطالب بها عبر

القنوات الشرعية بالهدوء والروية بدون قتال او فجور او قطيعه


هذا مثل تقريبي ارجو ان يلامس قلوبكم وتعيه عقولكم

هنا المشكله المحكمه .. شلون تصير العلاقات طيبه وهي بالنص.. صارت رسميه جدا زيهم زي الغريب .. الله المستعان .. وربي شي يعوووووووووووووووووووور القلب الله المستعان

المشاركة الأصلية كتبت بواسطة jamilah ~♥

انا دايم يقولون ردودج فيهآ مثاليه .. يعني آمسك الباب اللحين ..؟

عندنا وعندج خير ..

بس آمي لبى آمي بطله جدتن جدا , لأنها مآخلتنآ نعرف تفاصيل الامور

ولاحد يعرفها الا لما كبرنا وفهمنا , عشان ماتغرس فينا الحقد والكره واحنا صغار

الأمور مآطورتهآ أمي لمحآكم وما محاكم .. كل شي كانت تتفاهم فيه شخصيا مع هذاك الشخص

بالرغم - لاحظي هنا - انو حنا عايشين حياه بسسسسسسيطه جدا جدا جدا

وهم اللي مـآشآ آلله تبآرك آلله !

بس عائليا واجتماعيا , محد يغلب آمي بالطيب والوصل والآخلاق الزينه

سوآء معهم ولآ مع غيرهم !

وهم لآتعليق !

لـأن من ترك شيئآ لله عوضه الله خيرا منه

وآنـآ آشوف آن الـآمور بدت تزين , والحقيقه بدت تطلع


الله يحفظ لكم الوالده و يممد بعمرها ويفرحها باللي تحب


×


يَ آم مسيز آنقلش

آهتمو بحياتكم الدآخليه وصلحوآ نيتكم لآنكم بالنيه ترزقون

آتركوآ وسسخ الدنيآ آذآ منتو بحاجته , ومن ترك شيئا لله عوضه الله خير منه !

ولآتنسين الدعآء , الدعآء , آلدعآء !


×


شلون ياقلبي اخلي وسخ الدنيا اذا ماني محتاجته ؟ احد مايحتاج الفلوس ؟ يااااااااااااااااااااااااا كثر الشغلات اللي محتاجتها امي وماهي قادره عليها ! والسبب اخوانها حسبنا الله عليهم ونعم الوكيل ..تصدقين متى مابدينا نسمي الامور بأسمائها .. ونقول ان الفلوس زينه من زينتين في هالحياه .. نعرف شلون مانفرط فيها ...قسم بالله قهر

بآختصـآر


[ ومـآعند الله خير وابقى ]

اللي جزاه عند الله = الصله

آللي عند الناس = الفلوس

وش اللي بيبقى ..؟ وش اللي بيروح ..؟




×



آسسئل آلله آن يرد آلححق لـآصحآابه

دُمتِ بآطمئنآن

راااااااااااااائعه انتي و ردك
يسعد لي اياك

[~Mrs.ENGLI$H~]

المشاركة الأصلية كتبت بواسطة دوحة غناء

بقلك شغله احنا مش ع سالفة ورث لأن بصراحه اهلي مطنشين الورث

تو اقول لـــ تشتيتي وفراشه ورث جدي زي ما هو البيوت والاراضي والمزارع حتى البير جفت من الاهمال

وكل الورثه ما يبون يحركون ساكن اتوقع يخافون يتقاطعون


يالهوي مهملين النعمه عشان لا يتقاطعون؟ وين المشكله يتعاونون فيه ويسترزقون وما يتقاطعون ؟


وحتى امي وخالاتي ما طالبوا اخوانهم اي شيء

راح وخلاص كلهم يقولون الله يسامحهم

لكن ما كان يهمني هو التدخل في الشؤن العائليه الى درجة انهم ممكن يخربون

ما اخفيك خربوا خطوبة واحد من اخواني

ولما خربت دقوا عليه وقالوا تعال نزوجك

وخطبنا له مرة ثانيه وكنا نحذر امي من المكالمات <<<<<<< ما نعتب عليها علشانها تكلم لا ما نبيها تقطع احد بس نبيها تنتبه لسوالفها

فكنا نحذرها لا تزل عند احد نبي الخطوبه سكااااااتي عسى تتم ع خير

والحمد لله ما احد عرف الا بعد الملكه وجت صددددمه لكثير

ومنهم الي خربت خطوبته المرة الاولى وراحت لزوجته برغم ان ما احد عزمهم جابت لها هديه وقالت لها كلام عن اخوي تحاول تثنيها او تخوفها


وش يبون ؟ ليش يسوون كذا ؟ اعوذ بالللللللله اشششششششش هذا؟

والحمد لله الله اذا اراد شيء لن يثنونه الناس عنه

لا تقطعين امك حتى من المكالمات لكن خليها حذره سواليف عاااامه بس

والله لو تسمعين اسألتهم عنا شلون ماناقص الا يسألون وش لابسين وشلون جالسين ؟
يعيطك العافيه ع التفاعل يا عسل ..بردتم شوي من الحره اللي فيني قسم بالله الله لا يحرمنا منكم

المشاركة الأصلية كتبت بواسطة assma

من وجهه نظري خليهم يأخذونه


هم اخذوه وخلاص




طنشو لانه حرام عليهم وامك لا تسامحهم ودعوه المظلوم تقبل ..

كان صرتو احسن منهم وماشكيتهم بالمحاكم


مو احنا اشتكينا .. المكتب اللي كان يجيب الاجارات انصدم من السرقات قال لهم رجعوها قالوا لا رفع عليهم القضيه ... الغريب جته صدمه من قوة البلع



وتذكرو انه حرام عليهم وماراح يعيشون متهنين ولا مرتاحين وغير كذا ماتدرين يمكن يجي امك رزق احسن منهم بصبرهها عليهم يمكن ربي يفرجها ومافيه شخص مايجي حقه وربي ماراح يضيع صبر امك ع اخوانها الضالمين

وان شاء الله كل شي يتصلح ولا تروحون لهم كثير والله يعطي امك رزقها وزياده ويموتون من القههر العذال

والله يوفقكم بححياتكم

اللهم امييييييييييييييين يارب .. الله يسمع منك

المشاركة الأصلية كتبت بواسطة ryo0m

وصخ دنيا لذيذ خصوصا اذا مالك مصدر دخل ثاني
يختي مو وصخ والله .. الماااااااااااااااال احدى زينتين في الحياه ونازله فيه ايه

اللي طلع الكلمه هو سارق شكله والا لو هي وصخ كان الكل تركها .. مو ؟
لكن الله عليهم و علينا ويرد الحق ان كان دنيا والا اخره
^
^
^
^
قسم بالله لو آقولك سسسوآلف صآرت لنآ مآتصدقينهآ وربي يششيب الرآس :cry111:
بس الحمدلله صبرنآ وسكتنآ ومآنآقشنآ بشي وربي عوضنآ خيير وفتحهآ بوجيهنآإ
كل هذآ عششآن الفلوس خليههم يتهنوون فيهآ بالدنيآ بس مصيرهم بيندمون بالآخره
ربك فوقهم ومآرآح يضيع حق آحد ..
قال الرسول صلى الله عليه وسلم :
{ لا يدخل الجنة قاطع رحم }
الحمدلله مآقطعنآ آحد ونزورهم بين فتره وفتره قسم بالله جآنآ رزق من الله مآحسسبنآ حسسسآبه
عسى الله يطول لي بعمر آبوي وآمي وعسسآنآ مآنحتآج لآحد غيرهم ..

اللهم امين الله يحفظهم لكم ... ولا يحوجكم لأحد وينتقم من كل ظالم ..

المشاركة الأصلية كتبت بواسطة وردة ابها

الله يكون بعونكم يا اختي على ما بلاكم

امين .. يعطيك العافيه

[~Mrs.ENGLI$H~]

الجميع اجمع انه نستمر في التواصل تليفونيا ع الاقل ( احاول )

و بالمناسبات نسلم عادي ( هذا الحاصل )


ونخفف التعامل ويكون رسمي جدا ( هذا الحاصل )


القله قالوا نطنش ونخلي العلاقه مثل ماهي وهم يبوئون بالإثم ( بس هذي ماتجي .. فيه غصه وحرقة قلب .. والمؤمن القوي خير وافضل من الضعيف .. ومايجوز نسكت عشان صلة الرحم.. الدين يقول لا ضرر ولا ضرار .. ناخذ الحق ونشوف مسألة الرحم هذي الله يعين عليها ..)

بدون مجامله اسعدتموني بمشاركاتكم ... وبدون مجامله خفت الضيقه منهم نوعا ما ..

الله يجزاكم خير عدد ما خطت اناملكم الطيبه ..

[انت من]

اخت ~Mrs.ENGLI$H~ انتم لكم حقين وليس حق ونصيحة مني لا تفرطون فيهما :
الاول وهو الاهم / حق الله في صلة الرحم وهي معلقه بعرش الرحمن من قطعها قطعه الله

والثاني وهو المهم / حقكم في الورث فما دامت القضية وصلة للمحاكم فإن شاء الله راح تأخذونه
فإن خسرتم حق الدنيا ( المال ) فلا تفرطون في حق الاخرة ( الثوب والأجر من الله )
ودمتم بخير

[درع الجزيرة]

أهدي هذه القصه لأمكـ الله يحفظها ويصبرها ويعينها

سأل رجل مهموم حكيم

أيها الحكيم لقد أتيتك وما لي حيلة مما أنا فيه من الهم؟
فقال الحكيم :سأسألك سؤالين وأُريد إجابتهما

... فقال الرجل: اسأل.
فقال الحكيم: أجئت إلى هذه الدنيا ومعك تلك المشاكل؟

...قال: لا.
فقال الحكيم: هل ستترك الدنيا وتأخذ معك المشاكل؟
قال:لا
..
فقال الحكيم: أمرٍ لم تأتِ به، ولن يذهب معك ..

الأجدر ألا يأخذ منك كل هذا الهم فكن صبوراً على أمر الدنيا وليكن نظرك
إلى السماء أطول من نظرك إلى الأرض يكن لك ما أردت

[زحلط]

السلام عليكم اختي الكبيره
يارب تكون امي لسى ما شافت الموضوع

امممممممممممممم

بصراحه ماقريت الردود
من الموضوع على خانة الرد عـَـ طول فأعتذر

اولا اختي انقلش أسال الله ان يجمع بينكم وبين ارحامكم على الخير والموده وصفاء القلوب ...

العلاقه هنا علاقه صله او صلة رحم -----> وعلاقه صلة الرحم يجب وصلها وامرها خطير ففي الحديث
عن أبى هريرة ( أن رسول الله قال : ( خلق الله الخَلْق فلما فرغَ مِنه قامت الرَّحِم فقال : مه ، قالت : هذا مقام العائذ بك من القطيعة ، قال : ألا ترضين أن أصِلَ من وصلك واقطع من قطعك ؟ قالت : بلى يا رب ، قال : فذلك لك ، ) ثم قال أبو هريرة اقرأوا إن شئتم : ( فَهَلْ عَسَيْتُمْ إِنْ تَوَلَّيْتُمْ أَنْ تُفْسِدُوا فِي الْأَرْضِ وَتُقَطِّعُوا أَرْحَامَكُمْ)

ناتي الان الى موقفي انا من هذا الفعل واكل الحقوق ....

اولا لابد من التواصل كما هم يفعلون ومقابلتهم بكل احترام وتقدير والسوال عن احوالهم ولك الاجر من الله وهذا لايعني التنازل عن الحق فلك الخيره في ذلكـ ...

واما في اكل الحقوق فهذه تحل بعدة طرق وبما انها وصلت للمحاكم فليس لها حل سوى مايحكم به القاضي فأن حكم لكم بحقكم فالحمد لله وان حكم بغير ذلكـ فأسالوا الله ان يعوضكم بخير منه في الاخره
وصحيح ان مثل هذا الظلم عسر وشديد على النفس واتذكر في هذا البيت :
وظلم ذوي القربى اشد مضاضة......... على النفس من وقع الحسام المهند

ولاكن من كانت نظرته للأخره سهل عليه هذا الامر .

اسال الله ان يحق لكم الحق ويبطل الباطل وان ييسر لكم الصلح فالصلح خير ...



تقبلي مرور اخوكـ الصغير فقد مر متأخراً من هوووووووونا