[ مذاكرة جماعية ] : الله يسامح كل من أفادنا بالخطــــأ ..

[TOBI]

صدقتي بكثره بعد ,
المفترض انه م يرد على شيء الا وهو متأكد منه لان الامور ذي م فيها توقع واي غلطه تجيب فيك العيد ..

[abo No0orh]

المشاركة الأصلية كتبت بواسطة alajmi66

السلام عليكم ورحمه الله ..

كيفكم بعد اختبار القانون والمحاسبه الي مافلحت فيه ..
ماقول الا الله يسامح كل من حاول يفيد اخوانه الطلبه بطريقه خاطئه .. تدرون وين المشكله والي راح يعاني منها الاغلبيه مثلي تماما ,, وهو ان بعض الاخوان والاخوات الله يجزاهم خير ويضاعف لهم الحسنات لانهم بنيتهم يبون يساعدون الجميع لاكن النتيجه صارت عكسيه ,,وهي انهم ينزلون بعض الاسئله محلوله وعليها الاجابات الكامله لاكن المصيبه اذا جات الاجابه خطأ وانتم حفظتوها صمممم مثل اساميكم وبالنهايه تكتشف انها غلط بغلط ..

وش ذنبنا بالله .. وش ذنب الي ماعنده وقت والظروف حدته على مراجعه اسئله الاعوام السابقه وهي محلوله غلط والي يغبنك اكثر انها تجي بالاختبار وتحلها بنفس موموجوده في المنتديات واذا طلعت من القاعه تكتشف انها غلط ..اااااااااااااه ودي ابكي هنا
الملتقى هنا فيه المفيد وفيه الضياع ..فارجوكم والله يوفقكم محد ينزل رابط او اي شي الا وهو متأكد منه .. لانها تعتبر امانه
ولاني زفتت بالمادتين الي راحوا اتمنى ان الله يعوضني في الجايات والله لايخسر علينا تعبنا يارب

وجداااا اسفه واتمنى محد يزعل على كلامي لاني بجد توهقت ومابي احد يصير له نفسي ( حب لاخيك ماتحب لنفسك )

لو ركزتي على ملخصات الإخوان صدقيني بتحلين حتى أسئله السنوات الماضيه ، الله يعطيهم العافيه ملخصات بسيطة وسهله وشرح وافي ومختصر

[ابوصلوحي]

يأخوان أنا كتبت بالمنتدى يوم الاثنين الماضي وحذرت مرارا وتكرار وعنوان الموضوع ضروري ضروري ضروري كررتها عدة مرات يأخوان يأخوات ياحبايب اكثر الاسئله حلها غلط حلها غلط مأحد سمع كلامي طيب وش اسويلكم . ولكن انسوا مأفات وفكروا بالمستقبل ونسأل الله رب العرش الكريم الذي اذا دعي أجاب أن يوفقنا بالمواد القادمه . وشكررررررررررررا

[arwa0]

صحيح اغلب الحلول بالاسئله خطا ولكن اللي حلوها ناس عاديين على مذاكرتهم يعني مو هم الغلطااانين بل انتي لانك اتكلتي على اجوبتهم بدون المذاكره

موفقه وفالك a+

[s-aleid]

انا واجهت هالمشكلة بكل المادتين ..
لكن الواحد دامه شايف الخطأ قدام عينه ليه يحفظه ويعتمد عليه ..
جميع النماذج المطروحه بالمنتدى من المجتهدين الله يجزاهم خير .. كل نموذج يختلف حل بعض فقراته عن الآخر ..
لذلك ابتعدت عنها وحاولت ابحث عن الحلول بنفسي واطبق عليها ..

نصيحة /
بعض المواد بالمستويات المتقدمة مرتبطة بمواد المستوى الأول ..
يعني نصيحة حاولي تركزين أول بأول ولا حطي رجلك من هالتخصص لأنه يبيله شغل حبتين ..

[masmri]

بصر حة الله يهديهم يعطون افادة مضروبة
تكفون ترونا نثق بكم بعد الله
عطون شى صحصح

[شرقيه وبس]

المشاركة الأصلية كتبت بواسطة alajmi66

كلامكم صحيح .. بس مو المفروض اذا احد حل الاسئله تكون موثقه من الدكتور عشان الواحد يذاكر بنفسيه مرتاحه ..
انا قلت هالكلام بحكم اني ربه بيت وعندي اطفال وغالبيه البنات المنتسبات مثلي امهات ولديهم بيت واطفال والوقت مايسمح لنا بالكثير .. ف ياليت تفهموووني

الله يوفقنا ويعينا جميعا يارب ويسهل علينا
شوفي انتي اول ترم وكثير يعتمدو عل حلول سابقه بالبدايه وتطلع غلط بس خلاص من الان انتي راجعي الحلول بنفسك او اذا قروب مراجعه الماده بالملتقى اسألي فيه وبتحصلي الاجابات وكثير مابيقصرو حتى بيقولولك فين موجود بالملخص عشان تتأكدي اكثر بس دايم اول ترم في صعوبات .

بس نصيحه قسم الاداره يبيله شده حيل ماقولك معقد وكذا لا ابدا لكن يبغاله وقت وجهد لان كل ماتخلصي مستوى بتدخلي اكثر بمواد التخصص ويعني مواد حسابيه اكثر فيبغاله شده حيل واهتمام من بدايه الترم.

وبالتوفيق للجميع يارب

[saadoon]

انا اختلف معاك اخوي الكريم

الخطأ من يأخذ الأسئله ويعتمد عليها اعتماد كلي
وايضا لايراجع الحلول

أنا لألوم من اجتهد وحل الأسئله ونزلها .. ألوم من حمل الأسئله واعتمد عليها

[CRASH00]

انا معك ضروف بس يجب ان نذاكر الكتاب
والله اني مضحي باختبار مقابلة ع ترقية من شان الاختبار انا أشوف الأسئلة سهله و مثل حقت العام

[hadialdossery]

كلاااام سليم والمفروض من الاخوان المجتهدين لاياخذون المعلومة الا من مصدرها السليم اللي هو المحاضرات والمحتوى وكتاب المقرر منعاً للاخطاء الجسيمة .

واخوانا المتابعين كذلك عليهم التركيز على ردود مواضيع الكويز اللي توضح الاخطاء

لأن كثير من الاسئلة والاجوبة المكتوبة يوجد بها اخطاء ونبهنا عليها في كل مشاركة في الكويز ولكن للاسف الاخوان ياتون بحسن نية ويعقب برسالة شكر لصاحب الكوكيز دون النظر في المناقشات السابقة اللي توضح الاخطاء