الله يسامح كل من أفادنا بالخطــــأ ..
 

السلام عليكم ورحمه الله ..

كيفكم بعد اختبار القانون والمحاسبه الي مافلحت فيه ..
ماقول الا الله يسامح كل من حاول يفيد اخوانه الطلبه بطريقه خاطئه .. تدرون وين المشكله والي راح يعاني منها الاغلبيه مثلي تماما ,, وهو ان بعض الاخوان والاخوات الله يجزاهم خير ويضاعف لهم الحسنات لانهم بنيتهم يبون يساعدون الجميع لاكن النتيجه صارت عكسيه ,,وهي انهم ينزلون بعض الاسئله محلوله وعليها الاجابات الكامله لاكن المصيبه اذا جات الاجابه خطأ وانتم حفظتوها صمممم مثل اساميكم وبالنهايه تكتشف انها غلط بغلط ..

وش ذنبنا بالله .. وش ذنب الي ماعنده وقت والظروف حدته على مراجعه اسئله الاعوام السابقه وهي محلوله غلط والي يغبنك اكثر انها تجي بالاختبار وتحلها بنفس موموجوده في المنتديات واذا طلعت من القاعه تكتشف انها غلط ..اااااااااااااه ودي ابكي هنا :verycute:
الملتقى هنا فيه المفيد وفيه الضياع ..فارجوكم والله يوفقكم محد ينزل رابط او اي شي الا وهو متأكد منه .. لانها تعتبر امانه
ولاني زفتت بالمادتين الي راحوا اتمنى ان الله يعوضني في الجايات والله لايخسر علينا تعبنا يارب

وجداااا اسفه واتمنى محد يزعل على كلامي لاني بجد توهقت ومابي احد يصير له نفسي ( حب لاخيك ماتحب لنفسك )

رد: الله يسامح كل من أفادنا بالخطــــأ ..
 

معك حق
والله يوفق الجميع

رد: الله يسامح كل من أفادنا بالخطــــأ ..
 

:verycute:

بصراحة انا لاحظت هالشي بكثرة للاسف ..

هو خطأ صحيح ـ، ولكن المفروض ان الواحد يجتهد من نفسه ويبحث مرة مرتين وثلاث على الشي الصح

خصوصا من الاعضاء المجتهدين بدون ذكر اسماء ، ولا هو قصور بالباقين الله يوفقهم ..

غير كذا يمكن الاسئلة محلولة من الدفعات السابقة‘

على كل الحمد لله على كل حال والله يعوضك بـ A+ ان شاء الله بالمواد الباقية ..

:rose:

رد: الله يسامح كل من أفادنا بالخطــــأ ..
 

شوفي انتي معك حق لكن الناس اللي يحلون ناس مجتهده ان اخطأوا فمن الشيطان ..
بالعكس هم اشطر ناس وناس تحاول وتجتهد وش ذنبهم بعد نقول لهم لا تجتهدون ؟

الله يسامحهم وبالعكس هذي غلطتنا حنا المفروض نذاكر ونصحح اسئلة الاعوام السابقة مب نصمها على عمانا .. محد يتحمل غلط احد
كلن يتحمل غلط نفسه .

رد: الله يسامح كل من أفادنا بالخطــــأ ..
 

كلامكم صحيح .. بس مو المفروض اذا احد حل الاسئله تكون موثقه من الدكتور عشان الواحد يذاكر بنفسيه مرتاحه ..
انا قلت هالكلام بحكم اني ربه بيت وعندي اطفال وغالبيه البنات المنتسبات مثلي امهات ولديهم بيت واطفال والوقت مايسمح لنا بالكثير .. ف ياليت تفهموووني

رد: الله يسامح كل من أفادنا بالخطــــأ ..
 

يا اختي يا عزيزتي احنا بمكان اكاديمي جامعي

الجامعه ابدا ابدا ابدا ما تتعاطف مع اي شيء خارج الدراسة ولا تنظر للحالات الاجتامعية الزواج والوظايف وال وال وال

اللي يهمها نؤدي واجباتنا فقط


اما بالنسبة للي يحلّون فـ والله لا غبار عليهم .. ان سقط من منهم سؤال سهواً ما العمل ؟
هم طلبه حالنا حالهم مش مجبورين يحلون لنا اي شيء .. انتي اذا طبعتي اوراق الامتحانات ومالك خلق تذاكرين محتويات على الاقل راجعي الحلول حقت اوراق الامتحان .

رد: الله يسامح كل من أفادنا بالخطــــأ ..
 

وعلى فكرة بقول لك حبيبتي .. قسم ادارة الاعمال ما يبغى له تهاون ومذاكرة اخر السنة .. ماودي احطمك بس ترى هالقسم يبي له شغل من اول السنة ماتراكمين شيء

انتي الحين تدرسين محاسبة وقانون

بتطلعين شوي بتدرسين اقتصاد كلي محسابة2 ادارة مالية جزئين وبتدرسين محاسبة تكاليف واساسيات محاسبة وقانون تجاري و الاحصاء في الادارة

مواد كثيرة يبي لها تركيز .. انا اقول هالكلام انصحك فيه وما اخوفك

رد: الله يسامح كل من أفادنا بالخطــــأ ..
 

وعليكم السلام والرحمه ..


الصراحه الغلط منك ! , دامك بتعتمدين على الاسئله كان على الاقل واضعف الايمان مراجعه الاجوبه
وتحطين ملاحظاتك الخاصه على الاجوبه ..

كلنا مشغولين ويعلم الله اني بدون اجازه وحتى يوم اختباري اغيبه ب خصميه من الراتب ,
بس حتى ولو لازم اتعب ولو القليل واحل الاشياء الي راح اعتمدها في مذاكرتي ..

بالتوفيق للجميع .

رد: الله يسامح كل من أفادنا بالخطــــأ ..
 

اختي تبين نصيحتي اقرأي المادة بتركيز مرة و حاولي انتي تحلي الاسئلة طريقتك بالدراسة غلط ..

لاتعتمدي ع الاسئلة المحلولة فقط ..

رد: الله يسامح كل من أفادنا بالخطــــأ ..
 

إذا موظفة قطاع خاص فنظام مكتب العمل يضمن لك حقك 100٪ ويسمح لك بإجازة إمتحانات للأيام الفعلية فقط ، ولاتدخل ضمن إجازاتك السنوية ويمنع خصم ريال واحد من راتبك :(204):