اعتراض على اختبار اساسيات المحاسبه..الي مو عاجبه رجاءا لايدخل ويرد

[N E X T]

المشاركة الأصلية كتبت بواسطة Abaadi

صحيح الطلاب طماعين ويبغى يقعدوا رجل على رجل وتجيبهم الاسئله محلوله

انا مستغرب من هالموضوع من اساسه . اللي يقول الوقت مايكفي واللي يقول الاسئله صعبه حدها واللي يجيب كلام من عنده ويقول انه ثلاثة ارباع الاختبار حسابي واللي يقول الاسئله تمويه ومادري ايش واللي اكثر من هذا كله اللي تقول انها ذاكرته ثلاث مرات حافظته بصم اكيد ماراح تعديه دام انش تحفظيه لانه فهم.

انا واحد كنت خايف اني مااعدي الاختبار لانه مذاكرتي ماكانت من البدايه بس ذاكرت وبعدين اختبرت نفسي في اختبارات اللي قبل واللي ماعرفته حاولت افهمه مره ثانيه وبعدين تفاجأت انه الاستاذ جابت نفس اختبارات قبل وش تبغوا اسهل من كذا ؟؟؟؟؟ يعني في مسائل صعبه في المحتوى وكان يبغالها تفكير ومعادلات وحاله بس ماجاب منهم شئ .

انا بس نفسي اعرف وش تبغوا اكثر من انه جاب نفس اسئله العام الماضي بس غير الارقام وش تبغوا مساعده اكثر من هذه ؟؟

وثاني شئ ترى الاسئله الحاسسابيه 50% والنظريه 50% لاحد يتفلسف ويقول انه الحسابيه اكثر.

وبالنسبه للوقت يمكن الوقت مو زايد لكن اللي يسمعكم كأنه ماتدروا قبل كم الوقت وكأنكم اتفاجأتوا ياحبايبي ذاكروا المحتوى بفهم مو بحفظ وبعدين عندكم اختبارات قبل اقعدوا حلوا فيها وحطوا لكم وقت وانتوا تحلوا علشان تدربوا نفسكم على هالشئ .

واللي يقول لي ذاكر اكثر من مره ولاحل عدل وراح يحملها اجل في مشكله لانه الدكتور ماجاب شئ غريب او غامض نفس الاختبارات قبل ونفس اختبر نفسك ونفس الصيغه .

وعلى طاري اختبر نفسك ترى هالماده اللي سهلها هو اختبر نفسك ياريت كل المواد كذا ياريت الماليه والاحصاء كذا .

لاتظلموا الدكتور والدكتور ماقصر معانا وسهل الماده قد مايقدر يعني بس غير الارقام وش تبغوا اسهل من كذا لو حط نفس الارقام الجامعه ماراح ترضى بهالشئ. ترى مو كل شئ على الدكتور .

الله يحفظك ويوفقك يادكتور عدنان كنت لنا عون وسهلت لنا الصعب والباقي كان علينا.

اتمنى وضحت الفكره .

يــآ حبيبي آنــآ عن نفســى لا سبيت الدكتور ولا شي بالعكس شرحه اكثر من رآئــع وادري انه جاب نفس الاسئلة السمستر الى طاف مع تغيير بعض الارقام بس ...

المشكة في الوقت اذا المركز عندكم عطاك الاسئلة في نفس الوقت آنــآ دخلت القاعدة وجلست 10 دقائق وبعدها جتنا الاسئلة ... هذا شي ..

ومن ناحيت الاسئلة انت مشــآء الله عليك حليت كويس واقولك مبروك عليك النجاح ..

غيرك ما تدري عن الظروف اللى يمر فيها يعني خليك كووول وعط الشعب حريه في الاراء

وآلاخــتلاف لا يــفسد للود قضية ..

تحياتي واشواقي وانشاء الله هذا اخر رد و الوعد السمستر الجاي

[abu mohannad]

تم تقديم الاعتراض على الوقت المعطى ونوعية الاسئلة

[Thamerj]

المشاركة الأصلية كتبت بواسطة يحيى السفياني

الوقت الوقت الوقت
خاصة المسائل تحتاج الى وقت فى التفكير والتركيز
الشى الاخر لما تكون مركز على حل السوال وتجلس تحسب ويجيك المراقب يشغلك بامور تافهة ويضيع عليك المعلومه وترجع من جديد
هذا اللى ضيع وقتنا
نطالب بتمديد الوقت

فعلاً اول مره في حياتي .. ينتهي وقت الاختبار ماانتهيت

ولا باقي عشر اسألة بلا حل !

والسبب فعلاً اكثرها اسئلة تحتاج تركيز وحسبه

وتجيك مقاطعات مالها داعي

[ammar169]

معليش يأخوان : كلمت حق لازم تنقال ...الاسئلة كانت سهله جدا ولو تتذكر بس وش كان الحل في الملخص والاسئلة الماضية كان حليتو صح لاكن انتم كذا تضرون الناس اللي بعدكم لأن الدكتور بتقفل معه ويقلب على المستويات اللي بعدنا . وانا مقدر وضعكم بس لو ذاكرتو شوي بفهم بسيط لصارت سهله ...
وعلشان مانظلم الدكتور لانه تعاون معنا بشكل كبير اثناء المحاضرات المباشره وغيرها نقوله مشكور يادكتور
لتقديرك ظروفنا والله يسعدك دنيا واخره . كلمت حق

[P R I N C E]

مع اني ضامن النجاح بالمادة لكن معكم معكم .. لما شفت الاسئلة انقهرت اني ضيعت وقتي بالنظم الصراحة سهلة بس قهر ماذاكرت الا قبلها بيوكم والا كان a بلس وفالكم التوفيق

[وليد السعودية]

انا معك بان الوقت مايكفي لحل الاسئلة المفروض يكون الوقت 3 ساعات للمواد الحسابية لكن انا اقول لك ياخوي لاتتعب نفسك والله مااحد يدري عنك بالجامعة

[قلم طموح]

عندي اعتراض على كل كلامكم وبشدة لكن احتراما لطلب صاحب الموضوع مراح اقول غير الله يفرج همكم وينور بصيرتكم

[بعيد النظرهـ]

وجهة نظر مني المادة ماتحتاج الكلام الكثير هذا
المادة دسمه جداً وكان يبي لها مذاكر اول باول وفهم طريقة الحل لا العتماد على الناتج حق المسائل المطروحه لنا اما بالمحاضرات او بالمحتوى حقها او باسئلة الأعوام

الماده تعتمد على الفهم وطريقة الحل الصحيح وحفظ القوانين بشكل جيد

اتمنى لكم التوفيق
وان شاء الله كلنا نعديها
حتى الأن باقي ماعرفنا المواد التي هي اعلى من هذا المستوى قد تكون اساسيات المحاسبه واحده من المواد الي بنواجهه في المستقبل او انها بتكون اقلها معلومات

وانا اشوف طرح الماده هذي في المستوى الثالث يطرح لنا مواد في مستويات اعلى منافسه لها بالمعلومات الهائله

اتمنى لكم التوفيق في النهاية واسف على كثرة كلامي

[ahamdan]

السلام عليكم

اتوقع ان الكل متعاطف مع الي ما حل ولا ما امداه الوقت وانشاء الله يعدي الماده الكل وما احد يحملها بس عشان الانصاف انا بحط تجربتي مع الماده والاختبار.
اولا الاسئله زي ما علق كثير جدا من الاخوان والاخوات 90% من اسئلة العام اللهم غير بعض الارقام
بالنسبه للوقت انا مستغرب الي يقول ما كفى الوقت انا عادة احل الاسئله على نفس الورقه من حسابات وكله واخترت الاجابة الصحيحه على نفس ورقة الاسئله وبعدين بديت اراجع واسجل في ورقة الاجابة مع مراجعة العمليات الحسابية يعني كاني حليت الاسئلة مرتين وسلمت الاختبار الساعه 5و 45 دقيقه يعني اخذ مني الاختبار ساعه وربع يمكن ساعه وثلث .
الان بالنسبة للدكتور عداه العيب زي ما يقولوو اخوانا المصريين . الي عنده مشكله مع الوقت عشان ما استلم الاسئلة الا بعد الوقت المحدد هنا يقدر يرفع شكوى على المركز مو الدكتور مع ان نفس الحالة واجهتني في اول اختبار ولكن المركز عطانا الوقت الضايع
الفركه انو ما نبي الدكتور يحقد وهو مسوي الي عليه واكثر من شرح واختبار وبيستقعد في الفصول الجاية وهذا حقه اذا بغى يصعب الاسئلة مدام كل شي من المحتوى
حبيت اوضح وجهة نظري ونظر كثير من الطلاب وشكرا لحرية الرأي

[باسم باغريب]

المشاركة الأصلية كتبت بواسطة حسون الخبر

ابو سهر معااااااااااك حتى لو انا حال صح ياناس خلونا يد وحده ليش كل واحد همه نفسه خلونا نتعاون وراح يجي شي يفيدنا ويفيد الناس اللي بعدنا
يقول الرسول صلى الله عليه وسلم(لا يؤمن أحدكم حتى يحب لأخيه مايحب لنفسه)

وأسأل الحي القيوم ان يعدي هالماده على خيرر وننجح يارب

أنا أشهد انك انت صح ي الغالي وصدقت في كلامك يمكن البعض مخه وعقله كبير ويفهمه اكثر من غير وسريع في حله واجابته والأسئله والله انا حسب ماشفتها فيها جزء من أسئلة الأترام اللي راحت بالرغم من مذاكرتي المتأخرة لكن خلونا نكون يد وحد وحده ويد الله مع الجماعة ..

والله ان كلامك منطقي ووالله بالرغم من قرآتي لكثير من الردود إلا ان ردك افحمني وانا والله الله يشهد علي عندي اختبار مادة مستوى سادس السبت بحول الله وقوته لكن الود ودي اقوم واصفقلك تصفيق تحية وتقدير ع ردك الأكثر من رائع اللي والله مايدل إلا ع تربيتك الرائعة .. حفظ الله من رباك والله ورعاهم وأدخلهم فسيح جناته ..

اخوكم باسم باغريب