[ سنهـ تحضيري ] : قوانين كلية التربية بالجبيل

[AlJawhara]

اتحدى تمشين اذا هي سكيني =))
كلميه ثاني يرجع الفتحه ماعليك

[alromancyeh]

السلام عليكم
الكلية فيها نت؟؟؟؟؟؟؟؟

[tootee]

اذا عندي يوووم محاضرتي تبدا الساعه 12.30
اقدر اجي الكليه الساعه 10 ولا لازم اجي من الصبح

[اميرة الياقوت]

المشاركة الأصلية كتبت بواسطة tootee

اذا عندي يوووم محاضرتي تبدا الساعه 12.30
اقدر اجي الكليه الساعه 10 ولا لازم اجي من الصبح

تقدري تجي 10
وتقدري تجي 12 بعد

:58545::58545:

[يقين علي]

وس وكم يعطونها إجازة مارديتوووا علي بنات. يعطووون إجازة للزواج ؟؟؟ يعني إذا كانت عر

[BNT ESSA]

مساءكم ورد ياعسولات ..
أدري ردي متأخر بس يمكن فيه فايده للبعض
و أكيد ياقوته ماقصرت الله يعطيها الف عافية يارب

-

بفصّل لكم عن كل شيء ..

أول شي التنوره بصراحه لبست سكيني و فيها فتحه بس مو طويلة محد كلمني
و بعدين غيرتها لبست ستريت بس مو ضيقة فوق الكعب باصبعين يمكن و نفس الشي محد كلمني
والقماش واحد ( يشبه السترتش بس شوي غير ماعرف اسمه صراحه ) ، والثاني شوي قوي

ولبست تنوره سودا وكحليه و عادي الوضع بس جينز ماقد لبست

البلايز :

مابقول نظامهم بايخ ومعقد لأني لبست كل شيء ..
و مامسكوني ليش ؟ مو لأني خايفة منهم و ماشيه ع الصراط لأ
لأن انا ما احب يبين شي من جسمي او ملابسي ا ل د ا خ ل ي ه
يعني فتحة الصدر لا تكون وسيعة بزياده عشان مايصير المنظر مبتذل وسوقي
و الأكمام احسن لك لو كانت طويلة عشان مايصير لون جسمك غير عن يدك :58545:
والشفاف لبست بس البدي اللي تحت ماكان كاشف جسمي و ما أقدر افتيكم
لأن الكلية مالها قوانين معينة القوانين على مزاج الأمن كل يوم قانون جديد

بس صراحه مره كنت توني داخله الكلية و مريت عند الأمن لقيتهم ماسكين وحده
لابسة بلوزه دانتيل وتحتها بدي بس تقريبا ظهرها مبين و صدرها مبين يعني البدي
يغطي من تحت كتوفها و أنزل شوي أتمنى فهمتوا

فـ هذي معهم حق لو مسكوها ، حلوه البلوزه و حلو الدانتيل بس كل شي له حد

بس حبيت أقول لكم شغلة .. ( من الآخر يعني )

حلو لو كنتي انتي اللي تحاسبين نفسك وتراقبينها وتهذبينها
انتي كبيره و مو حلو يجيك احد ويعطيك اوامر او يعلمك كيف تلبسين
كوني ذوق بلبسك بس من غير تكلف ..
صحيح نلبس فساتين بدون اكمام و نلبس بلايز شفافه وكذا
بس لكل مقام مقال ..
قبل لاتصيرين فاشونبل و تتابعين الموضة اعرفي وين البس هذا
ومتى البسه لأن هذي قمة الذوق و الفاشن
كل شي له قوانينه حتى اللبس فيه رسمي كاجوال سبور والخ
ما أقول لك لا تنوعين وصيري كئيبة و بستايل واحد ..
لكن كوني نعومة ولا تسمحين للأمن يسمعونك كلمة وحده عن لبسك
او تصرفاتك ..

انتي لو مشيتي صح محد بيكلمك ، و الكلية ماتسوى ترى
فيه جمعات صديقاتك ، جمعات أهلك ، حفلاتكم ومناسبات كثيره
تقدرين تلبسين فيها الغالي والماركة و المتكلف و حتى من غير قوانين ..

لا تنتظرين أحد يعلمك وش تسوين و كيف تلبسين ..
البسي الشي اللي محد يختلف عليه ، أقصد طول التنورة ومقاسها
و اذا ماتعرفين ستايل اللبس للكلية ابحثي بقوقل ..
college style
وخذي أفكار من الصور و ضيفي عليها من عندك



الأمن اكثر شي انا ساحبة عليه بالدنيا ..
مجرد وحده نسيت اسمها حبوبه و اتقبلها شوي الله يذكرها بالخير

و بالنسبة لللاب عادي أصلا الحين وين اللاب اللي مافيه كاميرا ؟
كلهم فيهم ..
بس انتي لا تخلين لأحد مجال يكلمك روحي وسجليه عند التوجيه وريحي نفسك

الآيباد المفروض انه مسموح لكن لا تجيبينه لأن كنت اجيبه أول أيامي بالكلية
و ماكنت اطلعه قدام الأمن بس بعدين ماصرت اجيبه بس شكله ممنوع

الجوالات .. معروف انه بدون كام ..

نصيحة :

1- امشي بالطريق اللي ربي يرضاه ، لا تصاحبين ناس مو كويسين ممكن
يجرونك لطريق ما تحبينه ولا ربي يرضاه ولو صار وتعرفتي على بنت بعدين
اكتشفتي انها مو كويسة تخلصي من هالصداقه بأدب واحترام وخليها تذكر
منك شي زين ..

2- خليك انتي نفسك ، لا تصيرين بشخصيتين صيري قوية وحازمة في المواقف الجادة
و طيبة و لينة بالمواقف العادية ، ولا تغلطين على أحد خلي أخلاقك تحبب الناس
فيك قبل شكلك ولبسك ، لكن لا تكونين سهله وينداس عليك و لا عصبية تنفرين
الناس منك ..

3- خليك أنثى بسيطة و ناعمه غير متكلفة و لا تتصرفين تصرفات صبيانية
او تتلفظين بكلام ماينقال او تصيرين خشنة

4- حافظي على أغراضك ، لاب توب - جوال - كتب - شنطه
لا تخلينها وتمشين عنها لأي سبب من الأسباب ..

5- تذكري هدفك من دخولك الكلية وهو انك تجيبين درجات
حلوه بإذن الله وتآخذين شهادة ..


إلى هنا أكتفي ..
ممكن يكون اسلوبي دفش تحملوني

بس ودي افيدكم ..

[Nnoosh858]

بننت عيسى .
.ممرآ مششگورة ي الغلآ 

[BNT ESSA]

العفو حبيبتي , حاضرين لكم

[Mejo1]

بنت عيسى كلآمتس عين الععععععقل