والله ضاق صــــــــــــــــــــــدري ..

[ومض]

الله يريح بالك


شي يقهر اكيد ويضايق بس خلاص عدى وقته وصارت الاجابات ع الورقة


حاولي تغيري جوك بطلعة خفيفه او شي تحبيه

وبعدها ارجعي لاجواء المذاكرة

[تشتيتي مركز]

اخوي انور ربك كريم ..

لازال تاثير الصدمه ماثر علي احتاج وقت لين اجمع نفسي يعني تخيل انك تستعد لماده ببالم a+ وتنصدم انك تختبر ماده ما درستها ..

شكرا لتواجدك ..

[زيدان9]

الله المستعان


مدري وش فيهم مدرسين الجامعة هذا الترم تقول صايرين في سباق على من يعقد اكثر ويلف ويدور والظاهر ابو الشباب مدرسكم من كثر لفه ودورانه طلع برا...

فوضي امرك الى الله سبحانة وتعالى .... وهونيها وتهون واصبري لعل الله يكتب لكم الخيرة في خاتمة الامر ويكون النجاح حليف لكم

ولكل حادث حديث

مع تمنياتي لك بالتوفيق ،،،

[ايفون وردي]

حسبي الله على كل ظالم
لعبوا فينا ذا الجامعه كن السالفه تحدي من يحط اسئله اصعب
لا تسكتين على حقك
تواصلي مع مستوى خامس وكلموا النجاااار ازعجوه لين يرد

الله يعوضك خير حبيبي ويرزقك من حيث لا تحتسبي

[تشتيتي مركز]

اخوي زيدان الله يعديها على خير .. تصدق اني طالعه من الامتحان اضحك ومسبهه احس اني بحلم .. ما استوعب الا يوم وصلت البيت .. كنت متاكده اني دارسه ملخص غلط شيكت على المنتدى لقيت الكل مصدوم ..
ادري مو وقته علينا احتبار احصاء بس من الغبنه كتبت هالموضوع احس مستوى خامس ما اعرفهم انتم مستواي .. اللي قهرني لما تشد حيلك وتحافظ على معدلك ويجي خسيس زي هذا ويحوس ام السالفه انت عارف المعناة القديمه ما ابيها تتكرر لو ايش ..

الله كريم ..

[تشتيتي مركز]

اي فون وردي ..

هذا اللي سواه معنا كنه تحدي حاقد هالادمي ..
لكن يارب يوصل للمسؤولين حنا يالبنات ما بيدنا حيله المفروض الشباب يروحون ويوصلون المشكله ..

[][درزن هبآل][]

وعليكم السلام :

لاتضايقي نفسك ولا شيء , طول مانتي فاضيه قولي ( حسبي الله ونعم الوكيل ) ..

وبتفرج باذن الله :

الزبده : من خلال تجرتي لمادتين عدو .. اكتشفت ان النجار شكله متنكر ومتسدح بالمنتدى ويعرف اننا نجيب الاسئله ..

فحرض علي المدرسين مايجيبو اسئله الترم اللي بتاتا .. وهذا واضح بـ ( المحاسبه , المهارات )

مانقول الا ( حسبي الله ونعم الوكيل ) و ( جعلنا من بين ايدهم سدا )

[تشتيتي مركز]

ومض .. هذا اللي بيصير .. لاني الصراحه ما براسي اذاكر احصاء ابدا ..



درزن هبال ..

هذا اول مره يدرس الماده تخيلي يقول ذاكرو اسئله بلغرسه مهمه .. يوم دورنا ما لقينا لبلغرسه اسئله مصوره ..
قال انا مباشر .. ونص المتحان لف ودوران ما يجيب المعلومه زي ما هي مكتوبه يلفها لف عجيب .. هذا غير نص الامتحان مسائل .. من وين مدري ..

الله اقوى منه وحسبي الله ونعم الوكيل .. يارب نوصل لنتيجه وينصفوننا المسؤولين ..

شكرا لهالتواجد ..

[~{ خجل ..]

صراحه احس هالمستوى لاعبين فينا لعب

[تشتيتي مركز]

من جد يا خجل .. مدري ليه هالتحدي ..
الله ييسرها بماده الاحصاء .. النجار حاط اسئله صعبه شوي لمستوى رابع تحليل احصائي عسى مو مخمخ علينا بس ..