بالفديـو والصـور .. اليـوم حـدث حريـق هائـل في مدرسـه بنـات أهليـه بجــده ! [ متجدد ]

[أبـــو راكـــان]

المشاركة الأصلية كتبت بواسطة درع الجزيرة

أخوي ابو راكان المشكلة وحدة من ثنتين ياإن الدفاع المدني شاف إن مافيه وسائل سلامة وسكت أو إن إدارة التربية والتعليم تسترت على هذا الأمر يعني المشكلة في وزارة التربية والتعليم أو الدفاع المدني فيه واحد منهم يكذب بحسب التقرير يحاولون الترقيع ولاكن الشّق أكبر من الرقعة

أخوي الدرع والله أنا أشوف المسؤليه مشتركه لكن لكن صاحب توقيع الأعتماد
للسماح بالمبنى هو المفترض هو أول من يحااااااسب !!!
لو ناديت حيآ لكن لاحياة لمن تنادي ...

[أبـــو راكـــان]

فلم وثائقي لحريق جده !!!
http://www.youtube.com/watch?v=G_4dT...layer_embedded

[miss mrasy]

الفيديو يقطع القلب ...
حياااتي تحزن البنت اللي تبكي وتقول ابغى بابا يااااااقلبي
الله يشفيهم يارب ويقومهم بالسلامه
ويرحم اللي ماتو
بجد حتكون نفسيتهم زفت ..
لاحول ولا قوه الا بالله

جزاك الله خير اخي ابو راكان

[حلوهـ بحركاتي]

يا خالد الفيصل ، ألا تلاحظ بأنك قدمت التعازي كثير جداً في أرواح أهل جدة ، فمن كارثة سيول جدة الإثنتين ، إلى حريق مدرسة في مكة المكرمة ، والأن حريق مدرسة براعم الوطن ... متى تعملوا متى ؟؟؟؟ ... وتقول بأن "ابنتكم ابنتنا" ، والله لو إنها إبنتك لأقمت الدنيا ولم تقعدها ....

الى متى واهل جده في الانتظار
رحمكم الله ياريم وغدير
وربي يشفي جميع المصابين

[somii]

السلام عليكم

انا بنت خالتي من بارعم الوطن

هديل الغامدي صحبتها وانا سلمت عليها ومافيها ولا شي الحمدلله

وماعندها كسور ولا حاجه

وكمان مافي ولا بنت في المدرسة ماتت

وسجى ايوة نطت بس ماشافت لا بنات متفحمات ولا شي كلها اشاعاااااااات

[أبـــو راكـــان]

المشاركة الأصلية كتبت بواسطة somii

السلام عليكم

انا بنت خالتي من بارعم الوطن

هديل الغامدي صحبتها وانا سلمت عليها ومافيها ولا شي الحمدلله

وماعندها كسور ولا حاجه

وكمان مافي ولا بنت في المدرسة ماتت

وسجى ايوة نطت بس ماشافت لا بنات متفحمات ولا شي كلها اشاعاااااااات

الفيصل ينقل تعازي الملك وولي العهد لذوي معلمتي جدة


عبدالله الراجحي – سبق - جدة: نقل أمير منطقة مكة المكرمة الأمير خالد الفيصل بن عبدالعزيز تعازي خادم الحرمين الشريفين الملك عبدالله بن عبدالعزيز، وسمو ولي العهد نائب رئيس مجلس الوزراء وزير الداخلية صاحب السمو الملكي الأمير نايف بن عبدالعزيز، في وفاة المعلمتين اللتين قضتا في الحريق الذي شب أمس في مدرسة براعم الوطن بحي الصفا، شمال محافظة جدة.

وأكد الأمير خالد لأسرتيهما أن المصاب واحد، مضيفاً: "هما ابنتانا قبل أن تكونا ابنتيكما ".

وكان الأمير خالد أدى واجب العزاء فيهما، بمنزل أسرة إحداهما في حي الفيصلية، والأخرى في حي السامر شمال شرق محافظة جدة.

[somii]

انا قصدي من الطالبات محد مات

الي ماتو ابلة ريم الناهاري الله يرحمها
و ابلة غدير كتوعه الله يرحمها
و ابلة سوزان الخالدي الله يرحمها

[somii]

[حياااتي تحزن البنت اللي تبكي وتقول ابغى بابا يااااااقلبي
الله يشفيهم يارب ويقومهم بالسلامه
ويرحم اللي ماتو
بجد حتكون نفسيتهم زفت ..}

البنت الي كانت تبكي اسمها نرسيان البلوي عمرها 4 سنوات امها مدرسة في براعم الوطن اسمها ابلة ايمان ونرسيان دخلت العنايه المركزة وخرجت الحمدلله

قصة نرسيان كانت هيا في موقع الحريق في الدور الاول امها ابلة ايمان نزلت تاخذها اول ماخرجت نرسيان لقت امها تستناها راحت مع امها طلعو غرفة المعلمات كانو مع حوالي 15 بنت تقريبا
كانت ابلة ايمان تبغا ترمي نرسيان من الشباك بس نرسيان كانت خايفه وتبكي وتصرخ تقول لا ترميني ماابغا اموت وابلة ايمان ماقدرت ترميها عشان بنتها حطت نرسيان على كرسي وسارت ابلة ايمان تساعد البنات عشان ينطو كانو موجودين ابلة منصورة وابلة ايمان الاثنين كانو يساعدو البنات المهم ابلة ايمان سارت تساعد البنات عشان ينطو بعدين شافت نرسيان لقت وجهها ازرق و بينزل من فمها اشياء سودة حسبتها ماتت حطت ابلة ايمان نرسان تحت مكتب ابلة وخطتها بفلين وابلة ايمان نطت
ولقو نرسيان بعد الحريق بعد ماطفو النار واخذوها المستشفى وسار عندها حالة نسية وعصبيه وخلت العنايه المركزة وخرجت الحمدلله ورجعت مدرستها وسارت تداوم الحمدلله

وهذي القصه ابلة ايمان ام نرسيان حكتها لبنت خالتي لمن بداو يداومو واكيد هذي القصه الصحيحه لأنوو الابلة محا تكذب وهذي بعض الصور

[somii]

هيا بنت خالتي مرة تحزن تفتح الكتب الي تدرسها فيها ابلة ريم وابلة سوزان الله يرحمهم وتبكي وسارت تخاف حتى من صور النار صورة بس تخاف منها وفي المدرسة الي نقلوها الـ91 الابتدائية سرلهم ماس كهربة والبنات يبكو مررة يحزنو والبنات سارو يخافو من الجرس حق الحصص فسار مايدق عشان البنات لا ينفجعو و يحسبو حريقة فسارو بصفيرة

انا كلمت بنت من براعم الوطن اسمها لجين الحلواني كلمتها قلتلها كيف خرجتي من الحريق قالتلي اول شي كنا في الفصل وكنت اصرخ على البنات عشان ينزلو تحت يخرجو والبنات خايفين مانزلو فراحت هيا وصحبتها سارة نزلو لقو النار قامو جريو على فوق و طلعو السطوح و نزلو بالسلم

وسجى الحجيلي هيا و اروى ماكانت تبا تنط من دون سجى عشنها صحبتها بس ماقدرت تستحمل ونطت وسجى نطت كمان من الدور الثالث و طاحت سجى على الارض و مدري ايش سرلها في العمود الفقري و انكسرت رجلها الله يشافيها و عشان في هذي ايام اختباراات فسارت كل يوم سجى تيجي تختبر وترجع

وفي بنت مااعرف ايش اسمها الصراحه بس هيا مادوامت من اليوم الاول والبنات حسبوها نقلت من المدرسة بس في يوم جات امها وحكتهم قصتها هيا من الخوف فكت شباك فصلها ونطت هيا كانت تحسب انو الشباك يخرج على برا بس هوا كان يطل على درج جوا المدرسة نطت على الدرج و اتعورت وكان هذا الدرج درج للمسرح بس باب المسرح كان مقفل اتدردبت البنت وانخبطت في باب المسرح وانخلع كتفها الله يشفيها

وشوق الزهراني هيا كانت مع البلة ايمان ونرسيان كانو هما 15 بنت في الغرفه بس ومع ابلة اسمها منصورة هيا من الخوف ماقدرت تنط ومن الدخان ماقدرت تشوف كل ماتقول خلاص حأنط تروح تبغا تنط تشوف البنات يطيحو على الارض وعلى الحديد و من بعد السافه خافت وماقدرت تنطت استخبت تحت طاوله ومابقي غيرها هيا وصحبتها والكلهم نطو الا هيا ماكانت تعرف ايش سار لنرسيان اصلا مااعتقد انها كانت تفكر فيها المهم استخبت تحت طاوله الين مااغما عليها وجا شافها رجال واخذها و خرجها الحمدلله واسعفوها لانو كانت جروحها عاديه الحمدلله ماراحت المستشفى على طول سوو معاها مقابلة

الي مقهورة منو انو هيا تعبت بسببي انا كنت تعبانه عديت بنت خالتي وبنت خالتي عدت شوق وشوق غابت 3 ايام :(

ابلة منصورة نطت وطاحت على الخشب وهيا الابلة عندها ربو فكانت بس تكح ومتفحمه مو من نار من الدخان كانت مرررررة سوده نطت طاحت على الخشب سارت تقول للمتطوعين ارمولي طرحه ارمولي طرحه هما من فين يجيبو طرحه رمولها سجاده راحت تصرخ عليهم انا حرانه تروحو ترمولي سجاده

استغفرالله الابلة قصتها تضحك استغفرالله الحمدلله على سلامتها

هديل محمد احمد الغامدي مااعرف ايش سرلها بس هيا نطت من الدور الثالث بس الحمدلله مارسلها شي


وهذا الي اعرفو تقريبا او حاسه اني ناسية شي بس مدري ايش هوا المهم الحمدلله على سلامت الجميع ووالله يعوض عليهم وكنت ابغا اقلكم شي كمان سار اليوم بس حسيت اني زودتها يعني سامحوني اذا زودتها مررة معاكم واذا تبغو تشوفو المدرسة من جوا روحو الفيس بوك اكتبو sama sabban وهيا ماشاءالله حاطه كل شي ومتواصله مع ام عندها ولدها وبنتها في براعم الوطن ومعليش طولت عليكم باي

[somii]

وهذي الصورة مالها علاقه بالحريق اصلا من فين حيسير للبنت هذا كلو اذا محروقه مايكون في دم لأنها محروقه من فين حيجي الدم