[ شعر ] : مسكييين ياللي جيتني بالنصيحه

[أعذب إحساس]

قصيدة راقت لي ..

احببت أن أشارككم بها..

مسكين يا اللي جيتني بالنصيحه
وانته على ما قيل راعي نصايح

تحرمني من فعلٍ أشوفك تبيحه
مهوب أنا اللي كل علمي فضايح

ناسٍ بقضب لسانها مستريحه
ويا كثر من هرجه على الكذب طايح

إذا حكى يفضح وصمته فضيحه
ما كنّه إلا فالتفاهــــات سايح

وإلا يمينه في كرمها شحيحه
وإذا عطى قصده يحوز المدايح

من أرض ( صنعا ) لين توصل ( أريحه )
حط اللوايح بس يا هي لوايح

الزيف ,, والخذلان ,, ونفسٍ قبيحه
معها نفاقٍ ,, وأكثر الوقت نايح

عن ( سكة العقّال ) عقله يزيحه
ومع سر غيره ,, لا خذا شوي بايح !!

هذي علومه لو بغاها مليحه
تقول ما عندي سوى غدر فايح

ما ينفع ( الجوال ) دون الشريحه
ويا كثر من يمشي بليّا شرايح

الأولة قلنا : ( يبيها صريحه )
والثانية قلنا : ( لعله يصايح )

والثالثة : ( كنّ الميانه طريحه )
والرابعة قلنا : ( ترى العمر رايح )

وشلون ( سبّه ) دام هذا ( مديحه )
يا كيف ( يزعل ) دام هذي ( مزايح ) ؟!!

كتبت لي شعرٍ على قاف ( ايحه )
قصدي نصيحه ,, وآخر القاف ( ايح )

أبيه يفهم لا تجود القريحه
حرام إن ينسى جميع النصايح !!!

[L U X U R Y]

رووعة , وَ يعطيك العآفية يَ رب
وَ عن أذنك يَ بعدي أنقلهآ لِ مكآنهآ الأنسب

[التميمي عبدالله]

روعة يالغلا ....
وكلك ذووق ....
يالغالية ....

[أعذب إحساس]

المشاركة الأصلية كتبت بواسطة التميمي عبدالله

روعة يالغلا ....

وكلك ذووق ....
يالغالية ....

أسعدني مروركـ ,,
وتعلمنا الذوق منكم ,,
يعطيكـم العافيه ,,

[أعذب إحساس]

المشاركة الأصلية كتبت بواسطة [ ت ر ف ]

رووعة , وَ يعطيك العآفية يَ رب

وَ عن أذنك يَ بعدي أنقلهآ لِ مكآنهآ الأنسب

ويعافيكـ تسلمي يالغلا,,

[الــغـــدراء]

عجزت اختار بيت يعجبني ......
قصيده اكثر من رائعه كل بيت اجمل من الاخر ........

تسلمين على الاختيار الموفق ..........

[أعذب إحساس]

المشاركة الأصلية كتبت بواسطة الــغـــدراء

عجزت اختار بيت يعجبني ......

قصيده اكثر من رائعه كل بيت اجمل من الاخر ........

تسلمين على الاختيار الموفق ..........

ياهلا فيكـ أسعدني حضوركـ ,,
شكراً على المرور ,,