إلى جميع طلاب الحاسب

[سارق القمر]

لا والله مادرسني

لأن في دكاتره أقوى منه في الشرح ..... وبصراحه الفرق واضح ....

عند العثمان النجاح سهل .... لكن ماتآخذين معلومات قويه في اللغه

[LaDy]

اهم شي النجاح



طيب اخوي انا خايفة من الماده حدي

انا درست السنة الماضية ++C

وكانت حلوة بالنسبة لي ومشيت فيها بسهوله

بس الحين الفيجوال ما ادري كيف احسها صعبة

[سارق القمر]

لا بالعكس

والله راح تنبسطي منها كثييييييييييييييير

اللغه حلوه .....

لغة c++ أنا درستها ... تعتمد على كتابة الأكواد سطر سطر

أما الفيجوال بيسك ... بالعكس .. اضغطي على الأداة اللي تحتاجينها ، وبتطلع لك نافذه اكتبي فيها الأمر حق الأداه ... بس

يعني يبي لها شغل بس والله متعه ، وتشغيل مخ

[LaDy]

احنا المشكلة انه معيدة المعمل ابد مو عاجبتني

يعني تعطينا البرنامج وتقول لنا يا الله انتوا ابحثوا عن طريقه عمله وسووه

ما احسها تشرح لنا وتفهمنا

وداخلين على طول في البرامج بدون اي تدرج معانا او شي

يمكن هذا اللي مصعبها بعد شوي علينا

:011:

[سارق القمر]

كل اللي درّسونا لغات البرمجه ... في الجزء العملي ماعندهم سالفه .... يعطونا الأوراق ويقولون يالله طبّقوا

بس النظري يفيد كثيييييييييير

يعني الحال من بعضه

[LaDy]

هههههههههههههههههههههه

الله يكون بالعون بس


انا يعني الحمد لله الى الان قادرة امشي وضعي شوي

بس ترى اي شي بحتاجه بطلبه منك

ولا تردني

ادري وربي انك ما بتقصر

والله يسهل ان شاء الله

[سارق القمر]

إن شاء الله .... ماراح أقصر

بس أهم شي لا توهقيني بالأسئلة الصعبه :mh19:


عندي دروس وشروحات للفيجوال إذا احتجتيها قولي لي

[LaDy]

هههههههه


تسلــــم لي

خلاص اكيد باخذها منك ان شاء الله

مشكوور وما تقصر

[المعلم إلى أين]

عاد ما اخترتي تدرسين هالماده الا عند العثمان

ماودي اسبه لكن ماقول االا الله يهديه

شرح سيء وتعقيد غير مبرر للماده

[كلية المعلمين]

بسم الله الرحمن الرحيم

الموضوع كان للأخت تطلب فيه بعض المساعدة لمادة تدرسها عند الأستاذ عبدالعزيز العثمان

في البداية ..

طريقة الأستاذ عبدالعزيز هي ما يلي :

الاهتمام بالجزء العملي حتى في المحاضرة النظرية

وهذا الأفضل .. مالفائدة من حصص نظرية لبرنامج نحتاج الاستفادة منه عمليا ؟

بالنسبة لأسئلة الأستاذ العثمان ..

الأسئلة واضحة ومن الشروحات .. ولكن كعادة اي مدرس

يجب أن يكون هناك سؤال أو سؤالين ليظهر المتميز عن غيره والممتاز عن الجيد جدا و الجيد جدا عن الجيد

بالنسبة للنجاح .. الطمأنينة :)

فالنجاح ( مضمون ) بإذن الله .. لكن بشرط الاهتمام بالحضور .

********