[ جميع التخصصات ] : الإستفسار عن الدكاتره والدكتورات

[شقااااااوه]

المشاركة الأصلية كتبت بواسطة drop honey

موضوعك حلو يا امووون
طيب انا خلصت تحضيري ولله الحمد
بكتب عن كل الدكاترة الي درسوني عشان الكل يستفيد
.................

الترم الأول /

الثقافة الأسلامية :
د.نوال آل روزة × اسلوبها نوعاً ما شديد طيبة في الدرجات شرحها حلو تحسونه سوالف تسأل بداية كل محاضرة عن كل المنهج بالأسماء تحسون نفكسم بمدرسة بس انا عني كنت ارتاااح لها .
الأسئلة كانت حلوه بالشهري والنهائي .

فقة السيرة :
إنعام الدليجان× دقيقة في شغلة البحوث يعني لازم الكل يشتغل ما تظلم حد ابد ابد خلووووقه بجد وشرحها وااافي مررره حلووو تحب البنت الخلوقة و الي تمشي سيدا عني انا ارتحت لها و حبيت المنهج
الأسئلة يبغى لها مذاكرة وفهممم إذا ذاكرتي زين بتضمنين النجااااح .

النحو التطبيقي 1:
د.محمود عكاشة × يشرح بدون ما يقول هو في اي صفحة وإذا سألناه يزعل يقول احنا مو في مدرسة بصراحة ما احسه يفهم ، يساعد بالدرجات و مافي شيء اسمه مشاركة ولا كان في واجبات في نهاية الترم عطانا درجات على الحضور وبصراحة كان متفهم لأن وقت المحاضرة كان متعبنا وتساهل معانا و قدمنا الوقت شويات الاختبار الشهري كانت اسئلته قلليلة و سهللله من السهولة تغلطين وهذا الي صار معي لكن النهائي حلو و الأسئلة كثيرة نوعاً ما .

التحرير العربي :
د.أمل الطعيمي × بصراحة كانت تشرح بشكل حلوو ملتزمة بالمحاضرات ماقد غابت الا مره اسلوبها عادي بس ما احسه ينفر على عكس كلام البنات . الشهري نسيت بس اعتقد كانت الأسئلة قليلة و اما النهائي كان عبارة عن خياااارات و بعدها تعداد و قطعة تصححين الأخطاء او تلخصينها نسيت ،، بس كثروا من آخر المنهج نحو و ما نحوو .

علم إجتماع:
د.نيفين× كل المحاضرة حكي حكي حكي تجيب النوم بس والله طيوووووبه وإذا مثلاً البحث ما عجبها تقول لك وين النقص وتعطيك فرصة تعدلينه عشان تاخذين كامل . الشهري كان سيء من حيث قلة الأسئلة و توزيع الدرجات لكن النهائي كان حلو كله مقالي شويه موضوعي بس حلو تكون لك فرصة تتفلسفين.

حاااسب :
د.عواطف مكاوي × كانت كل المحاضرات هي تختصرها لنا وتكتب على السبورة و احنا ننقل وراها يعني مافي شيء اسمه كتاب بس آخر الترم رجعنا للكتاب شويات . بالنسبة للنهائي كان اختياري كله على ما اعتقد.

الأنجلش :
فاتن بالحاج × بصراحة طيييييبة خلوووقه تحاول توصل المعلومة بأي طريقة و تحكي عربي، البنات ما يعطونها وجه مسكينة <<خخخخ

مبادئ الأدارة :
أريج الجهر× اممم كلام في المحاضرة براااا او تكتب عند اسمك شرحها حلو في النهائي حددوا لنا و حذفوا .

صحة و لياقة :
د. هند عزازي× محاضرتها ممله يجيك النووم غصب كلها عرض بوربوينت و تتكلم وانتِ استمعي وبس . النهائي كان كله خيارات بعدين كم سؤال بس سهل اذكر انهم كثروا من سالفة الفيتامينات و الطقة

و بس ولي عودة ان شاء الله للترم الثاني تعبت

لبى قلبك يااعمري الله يووقك ويجزااك خيير على الطرررح
جد محتااجين خلفيه عن الدكااتره تبعنااااا

طيب كنت ابي اساال الحين انا تووني سنه تحضيريه
هل هذوولي الدكااتره المذكوورين فووق هم نفس الي
رااح يدرسووني ولاا ممكن انهم يتغيروون ؟؟؟

[.. أميـــ بطبعي ـــرهـ ..]

شوفي شقااااوه
لاهم احتمال يتغيرون لان الماده الوحده لها اكثر من استاذه
فهمتي علي

[طالبة2]

المشاركة الأصلية كتبت بواسطة مايا ابراهيم

حبيت اوضح ان aamal s هي امل الصيخان

طيب ايش رايك فيها درستك؟؟؟ وهل هي دكتوره ولا استاذه ولا معيده؟؟

لاني متعقده من الدكاتره مااحبهم ؟؟؟ احب المعيدات؟؟[/quote]
عفوا على قطة الوجه بس دكتورة أمل الصيخان لسى توها ماخذه الدكتوراه الترم اللي فات
بس تراها مررة طيوبة و عسل و ما تعقد السالفة

[طيف الحنين]

بنات ايش رايكم في في مريم المغربي
ومنى العيينا
ونرجس العجيمه
ليلى الشكري
هدى الحسين

[صالحه المطيري]

بنات وش رايكم بالدكتوره ضحى بلال؟
والدكتوره ليلى رضوان؟

سمعت ان ليلى تطول مره بالمحاضره صدق ولا لا؟

[طيف الحنين]

بناات تنصحوني بمين ؟؟؟
مريم المغربي او منى العيينا

[لارا]

المشاركة الأصلية كتبت بواسطة صالحه المطيري

بنات وش رايكم بالدكتوره ضحى بلال؟
والدكتوره ليلى رضوان؟

سمعت ان ليلى تطول مره بالمحاضره صدق ولا لا؟

ليلى قسما لو باقي دقيقه ماتطلعك عادي ترجع تشرح الدرس او تكلمك عن اللغه العربيه وكيف الناس حاسدينا عليها وأن انتوا جيل المستقبل وتجلس تنتقد اللي تشوفهم حاطين ميك اب لأنها تدخل من باب الطالبات ماهو الأداريات تقول أقرب لها تقول يوميا اصبح واشوف بنات ماهم حقين دراسه ودوم اسال واقول لنفسي طيب يابني ادمه اخلصي وش علينا كل وحده وكيفها واختبارات قصيره بالهبل كل اسبوع هذا وهي ماده عامه ماكانت تخصص عندي بس بصراحه كنا نغش

[صوت الانين]

المشاركة الأصلية كتبت بواسطة طيف الحنين

بناات تنصحوني بمين ؟؟؟
مريم المغربي او منى العيينا

مريم المغربي عسسسسسسسسسسسسسسسسل عسسسسسسسسسسسسسسل اعجز وانا اقول عسل واسالتها سهله مره خوذيها وانتي مغمضه

[طالبة2]

المشاركة الأصلية كتبت بواسطة لارا

ليلى قسما لو باقي دقيقه ماتطلعك عادي ترجع تشرح الدرس او تكلمك عن اللغه العربيه وكيف الناس حاسدينا عليها وأن انتوا جيل المستقبل وتجلس تنتقد اللي تشوفهم حاطين ميك اب لأنها تدخل من باب الطالبات ماهو الأداريات تقول أقرب لها تقول يوميا اصبح واشوف بنات ماهم حقين دراسه ودوم اسال واقول لنفسي طيب يابني ادمه اخلصي وش علينا كل وحده وكيفها واختبارات قصيره بالهبل كل اسبوع هذا وهي ماده عامه ماكانت تخصص عندي بس بصراحه كنا نغش

دكتورة ليلى رضوان تبغى الاحترام والانضباط و الأدب و خذي الأي بلس و انت مرتاحة
وعلى الاختبارات القصيرة رغم انها كثيرة بس والله جات نهاية السنة واحنا مذاكرين المنهج كامل و راجعناه ودخلنا النهائي
تطلب بحث واحد تسويله عرض و تاخذين الدرجة كاملة
ترى الاختبارات القصيرة ما يدخل فيها الا محاضرة وحدة والا ثنتين ان كثرت
يعني انا شبغى منها الا الدرجات هي لها علي ساعتين بالاسبوع ( لانها درستني مادة عامة) احترمها و اسوي يللي علي وآخذ الدرجات و أكسب احترامها
نصيحة خذيها اذا تبين تضمنين الدرجات
و عشان أنقلك الصورة كاملة ترى في بنات نقصوا بالنهائي و نزل معدلهم و في بنات حملوا المادة مدري ليه بس أتوقع في خطأ

أحس بنجلد، فريت راس البنت بدل ما أريحها

[لارا]

المشاركة الأصلية كتبت بواسطة طالبة2

دكتورة ليلى رضوان تبغى الاحترام والانضباط و الأدب و خذي الأي بلس و انت مرتاحة
وعلى الاختبارات القصيرة رغم انها كثيرة بس والله جات نهاية السنة واحنا مذاكرين المنهج كامل و راجعناه ودخلنا النهائي
تطلب بحث واحد تسويله عرض و تاخذين الدرجة كاملة
ترى الاختبارات القصيرة ما يدخل فيها الا محاضرة وحدة والا ثنتين ان كثرت
يعني انا شبغى منها الا الدرجات هي لها علي ساعتين بالاسبوع ( لانها درستني مادة عامة) احترمها و اسوي يللي علي وآخذ الدرجات و أكسب احترامها
نصيحة خذيها اذا تبين تضمنين الدرجات
و عشان أنقلك الصورة كاملة ترى في بنات نقصوا بالنهائي و نزل معدلهم و في بنات حملوا المادة مدري ليه بس أتوقع في خطأ

أحس بنجلد، فريت راس البنت بدل ما أريحها

وهذا انتي قلتيها اختبارات قصيره وماده عامه يعني بصراحه العام انضغطت عندي امتحان مواد تخصص ونقول لها تقول راح يكون في امتحان ماهي مشكلتها , صح محاضره او محاضرتين بس كم صفحه كانت كم معلومه كانت كم اوراق كتبنا لا بصراحه معاناه
وفي نسبه كبيره حملوا الماده